2 Kor. 2:3 - Sümi Tiqhelimi Bible

³ Tishikehu nongu lau yèsü hu yève ke, tishianguno kughou I no ighini keno khunoqo no I lopivi tsü moayesa kepu shi akeno tipaqo vechewo I mlo shipüsave tsü pemo niye ke. Nongu kümtsü I lokivi gholo küsaje nani kepi ni ye nongu kümtsü shou pülükibe ake.

BAIBEL (BSI)

³ Tishikehu nongu lau yesu hu yeveke, tishianguno kughou ino ighikeno, ilokivi shitsu kepushi akemiqo launo imlo kusapu shilunosake. Kughengu ino nongu tsaquyi ithi akeu vechewo pilu akeuno kughono ino alokivishi ani keno nongu ghi alokivishi cheni.

Sumi Naga CL (Re-edited) Bible (BSI)

³ I no tishi yesü yeve, tishikeu lono kughou I no ighini keno, ni ye I lopivitsü kemi jupe I mloküsapü shimo niye ke, kughengu I lokivi ye nongu lokivi ghi kepi I no mtsüqheino nongu shou pülübelu ani.

2 Kor. 2:3 ပူးပေါင်းရင်းမြစ်များ

1 Kor. 4:21

Nongu ye kiu pulo ani kea? Ni ye ghasü chekeu asǜ pesü nongu lau ighini keo kikimiye lono eno ivünhei keu mlo kükümsü lono ighilo pi kea?

2 Kor. 1:15

Ni ye hipau lo thebei akeu ghenguno atüghishi nongu xuju nishi ake tishianguno nongu pelo ghuthu kini alá shilu peniye ke.

2 Kor. 1:23

I no Korinth lo ideghimo keu ye nongu loshipüsü tsümo niye ke eno Alhou no tipauw thopi ke. I no kuchou tsa pi aghimo aye Alhou no I ghime peniu.

2 Kor. 12:11

I no I likhi I pesü nikhanighami lakhi toi shi kelo ye, nongu no kuchou no I pesü nikhanighami shive tsüae. Nongu ye ni akishé tsü akepu ke kughengu ni ye kumukumo kemu ni ghí “apostolmi akiqheu” ipi chekemiqo nguno ighono aqhou ye kumo ke.

2 Kor. 12:21

Kughou I no tilau ideghini keno ni ye I Lhou no nongu gizü lono I shikukujo nikeu msà ani, eno timi kutomo no püzüu axiné shive no panonguw mithekumo, kipito xiné eno ghüpoghüzü kümlàqo shikeu lau no amlo pebidemo keu ghenguno ni ye amlokighishi shiveni cheni ke.

2 Kor. 13:10

Hi ghenguno ni ye I no küha kelo no hipaqo vehu yè ani, tishianguno kughou I no ighini keno ni ye ayiküsa shi iw kükagha pephemo niye ke. Kükagha hipau ye nongu sünheqhive nike ghenguno kumo no nongu shiqhepuku penike Ampeu no I tsüke.

2 Kor. 2:9

I no nongu lau yè puwu keu akiqi kütau ye nongu ye pekuju lo puthugholu eno thowkha lo aghokulu shilu nani keo shimla keno ju niye ke.

2 Kor. 7:12

Ikehu I no nongu lau yèsü yè kemu tiye khuu no achipikumo shi keno pa ghenguno yèmoe momu izave kemi loji ghenguno yèmoe, ikemu nongu ye kíshi ningu lau alokiqishi acheni keno Alhou zülo nolikhi nongu no ithulu kepu shilu peniye ke.

2 Kor. 7:16

Ni ye nongu shou pükhübekulu mütsümishei akeu lo alokivishi ani.

2 Kor. 7:6

Ikemu aghithisüve kemi lokughuno tsü chekeu Lhou no Titus ighi keu vechewo ningu lokughuno tsüke,

2 Kor. 7:8

Tsalá iw yèsü no nongu mloghimeve tsü aghí namu, ni ye tipau kümsüchile amoe. Iw yèsü no nongu ghüza püani kepi I no kümsüchile aghí namu, tiye ado ikhonhei ghenguno ke.

2 Kor. 8:22

Hipau gholo küqha ghi ningu no athiküzüu lakhi panongu gholo puwu ani. Pa ye alaghi jeli thowkha lo pulopiniyi achekeu ningu no kimchilu ke, eno pa ye nongu shou pükhükibe kijè akeu ghenguno itaghi alau pulopiniyi keu ani.

Galatiami 5:10

Nongu ye akükümsü kütau lumo nani kepi niye Ampeu shou pükhübe ani. Timi khuu no nongu pesü kübangü keu lo vesü ani keno, tiye khuu-khuu shi aghí namu, pa ye aghime ithulu moayesa nani.

2 Thes. 3:4

Ningu no azah nongu tsü keu thimeqo gholu aghí nani eno gholu ache nani kepi ningu ye Ampeu lono pükhübe ani.

Philemon 1:21

O ghokulu shou pülükibe qhi no, ni ye O lau yè ani, no ye I no khu akeu nguno alau mülà nani kepi pülü ani.