2 Kor. 13:7 - Sümi Tiqhelimi Bible

⁷ Ikehu ningu ye nongu pelo achipikumo lakhimu shipemo nike ghenguno Alhou vilo akighini shi ani. Tiye timiqo pelo ningu ye peju keu lo puthugholuve kepi ithulu penike ghenguno kumoe ikemu ningu no tomove ketoi aghí namu nongu pelo kiu no achipiu keno tipau shipe niye ke.

BAIBEL (BSI)

⁷ Nonguye akumou shipemo nike ghenguno nino Alhou vilo inikhu ani, ninguye pejukeulo toluvea kepi piyenike ghenguno kumoe, ninguye tomovekemi hutoi shi aghie pinamu kiuno achipi keno tipau nongu pelo shipeniyeke.

Sumi Naga CL (Re-edited) Bible (BSI)

⁷ Ikemu nongu pelo akumou shipemo nike nino Alhou vilo inikhu ani—ningu ye pekuju lo toluvae piniye ke kumoe, ikemu nino tomove ketoi aghimu kiu no achipi keno nongu pelo shipeniye ke.

2 Kor. 13:7 ပူးပေါင်းရင်းမြစ်များ

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

John 17:15

I no inikhu akeu ye O pelo panongu pesü ayeghi lono ikhisüwuve penike ghenguno kumoe ikemu küsakügha lau no panongu süsho tsü penike ghenguno ke.

Rommi 1:28

Tinguno alau, panongu ye Alhou ghili ithi nikeu ameküapu shi kümsümoe, ikehu Alhou no panongu ikhiphe pesü pano kükümsü lhoküsa lo tsüve no panongu ye kiu shimo kepu keno tipau shi acheni pe ke.

Rommi 12:17

Timi khuu laumu küsakügha pesü küsakügha lochile kevilo. Timi kümtsü nhekithe lo achipiu shini keu pükapütsalo.

Rommi 13:13

Atsala küvü lo akemi toi ningu ghushoghili lo kithikiyi shini nolo. Ningu itho-igho eno shomzümoni, kipito xüküpsa eno ghüpoghüzü shimoni, kichighimo eno anhekushu shimoni nolo.

Rommi 16:10

Apelles, khuu Khristo pülü akeu lo theqhikulu shi puthugholu keno, petha tsülo. Aristobulus kibolomiqo lau petha tsülo.

1 Kor. 11:19

Kuchou no pìní aye nongu khuu shou Alhou’w puloza ani keno ithinishi aghí aye nongu dolo kijetha keu aghí moayesa pütsá ke.

2 Kor. 10:10

Kughengu khami no ishi pi cheni, “Paw yèsüqo ye mishishei eno mükamüghai ke, ikemu lüthü lo pa ye zükulu ghola küha eno pa tsaqo ye ameküha ke.”

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

2 Kor. 13:6

Eno I no aküpülü shi akeu ye ningu ye pekuju lo tomove kemiqo kumo kepi nongu no ithi anie.

2 Kor. 13:8

Kughengu ningu ye kuchou lachile ghi kiumu shimlae ikemu kuchou ghengu likhi mülà moayesa ke.

2 Kor. 13:9

Kugho-kughomu ningu no miqemilei akelo nongu kumto ghenguno ningu ye alokivishi cheni; eno ningu ye nongu pelo thowkha kuchopu kupukulu shiluve penike akighini shi acheni.

2 Kor. 6:4

Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni.

2 Kor. 8:21

Kughengu ningu ye Alhou zülo likhi kumo no timi nhekithe lo ghí kiu no achipiu keno tipau shini ke aghime shi mülà acheni ke.

FILIPIAMI 4:8

Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

1 Tim. 2:2

Tihutoi kükami eno kükagha lo akemi kümtsü ghenguno inikhu tsülo, tishianguno ningu pelo Alhou ithi keu eno akimthe lono iqünhei eno aloino ghi xülu penike.

2 Tim. 2:15

Tolukivi thaqhü O likhi O pesü Alhou lau ikhikulupu shini ke pükapütsalo. Akümlàmi lakhi ye kuchou tsa pesü achipi shi hepho-piye keu ghenguno kujove kepu kumoe.

2 Tim. 4:18

Ampeu no küsakügha jeli I ghime niye akeu kümtsü lono I xapheluve nani eno I süsho pesü paw kungugha kükaphu lo ilo nani. Pa lau alhokupuju lono alhokupuju kutólo ajuküvü ache pelo! Amen.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.