2 Kor. 13:5 - Sümi Tiqhelimi Bible

⁵ Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

BAIBEL (BSI)

⁵ Nonguye nongu kupulu mutupe anikemo keno juke pushi nongu likhi nongu chhe julo eno kughathajulo. Nonguye thwokha pheve aghinike kumo aye Jisu Khristo ye nongu lolo aniepi kumsumla kesha?

Sumi Naga CL (Re-edited) Bible (BSI)

⁵ Nongu ye aküpülü tsüqüpe ani kemo keno nongu ampi chhejulo. Nongu ampi pejulo. Ikeo Jisü Khristo ye nongu lolo anipi kümsü mlano ani kea?—nongu no pekuju lo tomlave aghinike kumo aye tishimo kepue!

2 Kor. 13:5 ပူးပေါင်းရင်းမြစ်များ

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

John 15:4

I gholo kimepe achelo kughengu ni ghí nongu gholo kimepe anike. Aloka ye pa likhi pa kutoshi athi pithílu chemoe; tiye atsaibo gholo kimepe aghí moayesa ke. Titoi nongu ghí I gholo kimepemo ke thaqhülo ye athi pithí mülae.

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

John 17:26

I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

John 6:56

Khukhumu I shi chu eno I jì ye keu ye I gholo kimepe ani eno I no panongu lolo ani.

John 6:6

Jisü ye pa peju nike ghengu likhi no hi iniju ke, kughengu pa ye kiu shinishi akeno pa mlo lo kümsü pe ngove no ake.

Rommi 1:28

Tinguno alau, panongu ye Alhou ghili ithi nikeu ameküapu shi kümsümoe, ikehu Alhou no panongu ikhiphe pesü pano kükümsü lhoküsa lo tsüve no panongu ye kiu shimo kepu keno tipau shi acheni pe ke.

Rommi 8:10

Axiné ghenguno nongu phimpi ye thive kepu shi aghí namu Khristo no nongu lolo aghí aye Aghungu no aküxü nongu tsü nani. Nongu no Alhou zülo achipikaluve keu ghenguno Aghungu no aküxü nongu tsüke.

1 Kor. 11:28

Kümtsü no asho chumphi züu eno ajikhu lono sho mphi züu no panongu likhi panongu phukideküdai ju moayesa ke.

1 Kor. 11:31

Ikemu ningu no hinguno tsaqütsalei shi nilikhi nighili ithi aghí ke aye, ningu ye küghakütha hitoi keu ningu shou ikughimoni cheke.

1 Kor. 3:16

Nongu likhi nongu ye Alhou’w achineki eno Alhou Ghungu no nongu gholo acheni kepi nongu ye mtha keshea?

1 Kor. 6:15

Nongu phimpi ye Khristo phi-au kepi nongu ye mtha keshea? Tishiaye ni ye Khristo phi-au ikhipesü kütüqhalimi lakhi gholo küqhave tsüní keshea? Khilemu tishimoe!

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

1 Kor. 6:2

Ikeo nongu ye Ampeu’w timiqo no ayeghiqha shou küghatha nani kepi mtha kea? Eno nongu no ayeghiqha shou küghatha kepu shi aye, nongu ye tachutaghu tsa küküghaqo küghathalu nani ke kumo keshea?

1 Kor. 9:24

Pokuxu kelo akupomiqo kümtsü po cheni, ikemu lakhi likhi no asaxu ithulu cheni kepi nongu ye mtha keshea? Tishiaye asaxu ithulu kepu shi polo.

1 Kor. 9:27

Moe, ni ye I phimpi lo chishi puku achenie eno I phimpi pesü I likhi I qüaxe shive achenie, tishianguno ni ye kütamiqo kütsüve püzü I likhi ni ye asaxu ithulu nikeu lono kideqhive keu shimo niye ke.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Galatiami 4:19

I no kimiye chekemi anuliqo, nongu lolo Khristo gholuvemo ke kutólo ni ye apunu küsǜ sǜ akeshi nongu ghenguno itaghi sǜ anie,

Galatiami 6:4

Kümtsü no pütüta likhi pütüta kümlàqo peju moayesae. Tishiaye panongu ye panongu pesü kütami lau kimighimo no pano likhi panongu jupe qhezalu nani,

Ephesiami 3:17

tishi keu lono aküpülü vechewo Khristo pelo nongu mlo lo pa kungo-a shilu peniye ke. Eno I no inikhu akeu ye nongu pelo kikimiye lo aboqha shiluve eno akuhu qüsüluve peniye ke,

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

Kolosiami 2:19

Panongu ye Khristo, khuu akütsü keno, pa gholo kimepe movae. Khristo lau no atüqhü ngò anhüqo vechewo aphimpi kuchopu kütshükimelu cheni eno aphi lo küdapu shilu cheni, tisheno Alhou no thuwu penishi ketoi thuwulu cheni.

Kolosiami 2:7

Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

1 Tim. 2:15

Ikemu totimiqo no aküpülü, kikimiye eno akimthe gholo achipi küxü xü aye panongu ye angá punú keu vechewo xalu nani.

2 Tim. 3:8

Jannes ngò Jambres pama no Moses lachile ketoi, kükütsümi hipaqo ghí kuchou lachile cheni. Panongu ye shipüsa keu kükümsü xapu chekemi timiqo eno Aküpülü vehu lo kiumu ameküha ke.

Titus 1:13

Küghakiche hipau ye kuchou ke. Tighenguno panongu vilo mükamüghai alomipi lo, tishianguno panongu pelo panongu küpülü lo thebeilu pe

Titus 1:16

Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.

Titus 2:2

Layemiqo vilo aghibiu shini keu, timi no gihu küzüpu, alikhi aghasülu nikeu, aküpülü lo mütsümishei nikeu, kikimiye eno kutuukulu shini keu hipaqo shikalo.

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

IBRIMI 4:1

Tighenguno, pa kulhokiqhi-a lo ilo nikeu shoqhi ye itehimu aphike ghenguno, ningu khumu ikiqive aghí keu shipemo nike ghenguno tsaqütsaleini nolo.

IBRIMI 6:8

Ikemu ayeghi khilehi asahu ngò asahubo lhoipeghi cheni keno tiye ameküha eno ghushove nikeu ke. Tiye ashekha lo pitive nani.

James 4:4

Nongu shupu chekemiqo, nongu ye ayeghiqha sasü shomipami shikeu kiqi ye Alhou lachile keu ghümi shi ani kepi mtha keshea? Tighenguno, khukhumu ayeghiqha sasü aküsàu lakhi shini ke kishelu keu ye Alhou ghümi shive cheni ke.

1 Peter 5:9

Pa mjochile lo, aküpülü lo ithamo no puthugho lo, kughengu ayeghiqha kuchopu lo athiküzümi eno achelimi küpülümi kümtsü no hitoi keu ghimeqo puju-shiju ani kepi nongu no ithi anike.

Piyeküsü 2:5

No ye khikuto lo veqhivea keno kümsüjulo! Xaideghivelo eno nono atüghi lo mülà keu kümlàqo shilo. Nono xaidevemo aye I no O lau ighi nani eno O kulu ghopeqhi püakeu-a lono ikhive nani.