2 Kor. 13:4 - Sümi Tiqhelimi Bible

⁴ Mütsüqhei nike ghenguno, pa ye miqemilei keu shi ghi yedapithive ke, tishimu pa ye Alhou küká vechewo xüani. Tihutoi, ningu ye Khristo toi miqemilei ke, ikemu nongu tucho ghi Alhou küká vechewo ningu ye pa gholo no xü nani.

BAIBEL (BSI)

⁴ Kughengu tomo chhimo keu shighi kros shouno pa pithive pinamu Alhou kuka lono paye xuani. Kughengu pa gholo ninguye tomo chhimoke, ikemu nino nongu peithakeu loye Alhou kuka lono ninguno pa gholo xu nani.

Sumi Naga CL (Re-edited) Bible (BSI)

⁴ Kughengu Pa ye aphimpi loye miqemlei yedave, ikemu Alhou küka lono xüani. Ningu ghi Pa gholo miqemlei ke, ikemu nongu küdau ye Alhou küka vecheo ningu ye pa gholono xünani.

2 Kor. 13:4 ပူးပေါင်းရင်းမြစ်များ

John 10:18

Khunomu I lau no aküxü ikhiluve mülae, ikemu I no I ghò shi no ikhiphe pe tsüve anike. Ni ye ikhiphe pe tsü nikeu ngò ikhi chileluve kepu kükagha anie. Ni ye I pù lau no azakütsü hipau ithulu ke.”

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

Apostolmi 3:16

Jisü je lo pülübe keu lono timi khuu nongu no ithulu eno ithi ani keno pa ye mutotoivae. Hiye Jisü je lono eno pa lau aküpülü akeu vechewo nongu no ithulu ake toi timi hipau ye kupukülai shipivivae.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

Rommi 14:9

Hipau kimiji ghenguno Khristo ye kithimi eno küxümi kinikujo shou Ampeu shilu penike ghenguno thive no xüchilethuve ke.

Rommi 6:4

Tighenguno ningu ye baptiz shikeu vechewo pa gholo thive no qho küqhavae, tishi keu vechewo Apù juküvü vechewo akithí lono Khristo xüputhuve keu toi, ningu ghí aküxü kithé xülu peniye ke.

1 Kor. 1:25

Kughengu Alhou’w nikhanigha ye timi lokütsü nguno alokütsüu ke, eno Alhou’w miqemilei keu ye timi kumto nguno akumtou ke.

1 Kor. 15:43

aphimpi ye juküsapu shi qhove cheni, ikemu tiye ajuküvü lono xüputhuve nani; tiye tomo-chhimo keu shi qhove cheni, ikemu aküka kumto lono xüputhuve nani;

1 Kor. 2:3

Ni ye miqemilei keu gholo shishe msà khokhoshi nongu lau ighike.

1 Kor. 6:14

Alhou no pa küká vechewo akithí lono Ampeu xüputhu ke, eno pa no ningu ghí xüputhu nani.

2 Kor. 10:10

Kughengu khami no ishi pi cheni, “Paw yèsüqo ye mishishei eno mükamüghai ke, ikemu lüthü lo pa ye zükulu ghola küha eno pa tsaqo ye ameküha ke.”

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

2 Kor. 13:9

Kugho-kughomu ningu no miqemilei akelo nongu kumto ghenguno ningu ye alokivishi cheni; eno ningu ye nongu pelo thowkha kuchopu kupukulu shiluve penike akighini shi acheni.

FILIPIAMI 3:10

Iyei, ni ye Khristo ithinishi ani, tiye paw xülekuthu küká ithi nikeu eno pa ghime gholo küsaje nikeu, pa kithí ghola lono pa kimihi shiwuve nikeu,

IBRIMI 5:7

Jisü no ayeghi lo xü ake ghuloki lo, pa ye shishe qa eno anhezü-piji ghi khuu no akithí lono pa xalu nani keno pa lau akighini gholo no qhüiniju puku ke, eno pa no Alhou sümsa ghi aqhokighe shikeu ghenguno pa kighini chilutsü ke.

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.