2 Kor. 11:10 - Sümi Tiqhelimi Bible

¹⁰ Khristo’w kuchou I lolo mütsümishei ake toi Achaia bocho lo timi khumu I no agijivilei akeu hipau lakhave pemo nani.

BAIBEL (BSI)

¹⁰ Khristow kuchou ilolo akehutoi, Akhaya qhalo khile khile pimu ino akijivilo chekeu hipau lakhave pemo nani.

Sumi Naga CL (Re-edited) Bible (BSI)

¹⁰ Khristow kuchou I lolo anike Achaia cheaxü lomu I qheküzapu hipau ye inaqhoive monani.

2 Kor. 11:10 ပူးပေါင်းရင်းမြစ်များ

Rommi 9:1

Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

Rommi 1:9

Alhou khuu I mlo tsüqhiyi I no qe acheni eno pa Nu tsakiviu kütsü acheni keno, pa no I no kíshi tamo no alhokuthu I kighini lo nongu kümsü acheni keno tipauw thopi ke;

Apostolmi 18:12

Kughou Gallio no Achaia qhalo Rommiw Angh shi akeno, Corinth lo Jewmiqo küqha no Paul kügha pesü küghaki lo sasü ighi.

2 Kor. 1:23

I no Korinth lo ideghimo keu ye nongu loshipüsü tsümo niye ke eno Alhou no tipauw thopi ke. I no kuchou tsa pi aghimo aye Alhou no I ghime peniu.

1 Tim. 2:7

Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

1 Thes. 2:10

Ningu ye kíshi akimthe shi, amikucho shi eno tukutiye küha no nongu pülüluve kemiqo gholo ache keno nongu ye tipauw thopimiqo ke, eno Alhou ghí tipauw thopi ke.

1 Thes. 2:5

Nongu no ithi akeu toi ningu ye khilemu timi müqüqhi chemo, tilikhi kumo no ningu ye ni lakimine ghenguno müqümgha shichemoe. Tiye Alhou no ninguw thopi ke.

Galatiami 1:20

I no nongu lau kiu yè ani keno tiye akimiki kumo kepi I no Alhou zülo no nongu lau piqhi ani.

2 Kor. 12:19

Nongu ye ado hito-tohi nongu lau no nilikhi ningu süsho ani küghashi kümsü ani keshea? Khristo gholo ache kemi toi ningu ye Alhou zülo no pi acheni; ikehu kimiye chekemi shompamiqo! Ningu no mülà keu kümtsü nongu shikumto pe nikeu ghenguno ke.

2 Kor. 11:31

Alhokupuju lo sheqhe küzüpu Ampeu Jisü Lhou eno Papù no ithi anike, ni ye mikí amoe.

2 Kor. 11:12

I no kiu shi ani keno ni ye tipau shi anani. Tishianguno khunoqo no pano kümlà lo aqheküza shi ningu no shi chekeu toi pano ghí shi acheni ke ipi kümsü pe adokivi lunishi cheni keno timi tipaqo pelo akiqi kiumu kühave penike.

2 Kor. 10:15

Momu ningu ye kütamiqo no mülave keu lo ninguw kihikütha vecheve ghi aqheküza shichemoe. Ninguw lakuju ye nongu küpülü thuwu akeu lo ningu kümlà alau shi nongu gholo pekholuni keu ke,

2 Kor. 9:2

Kughengu nongu no kuphu nishiqhiyi achekeu I no ithi ani, eno wove keu mpe lono nongu Achaia lo akemi no tsü nikeu kutò pe akeu pesü Macedoniamiqo vilo pi no I kijuvilei shi acheni ke; eno nonguw pulopiniyi keu hu no tsü nikeu lo timi kutomo hakutholuvae.

2 Kor. 1:1

Alhou pulou vechewo, Khristo Jisü’w apostol Paul eno ningu thiküzüu Timothy lau no, Korinth lo Alhou kukuhou ngò Achaia qhalo Alhou’w akimthemi kümtsü lau yèsü hipau yèlu ani:

1 Kor. 16:15

Nongu no ithi anike, Stephanas kibolomiqo ye Achaia lo küpülümi shitüghimiqo ke, eno panongu ye Ampeu’w timiqo kümlapù lo panongu likhi panongu ikhiphe pe tsüve ke. Athiküzümi eno achelimiqo, I no nongu qhüiniju akeu ye

Rommi 16:5

Pama ki lo kuho chekemiqo vilo ghí petha tsülo. I no kimiye chekeu I küsàu Epenetus petha tsülo. Asia bocho lo pa paghi no Khristo pülüluve ke.

Apostolmi 18:27

Kughou Apollos no Achaia lo wu nishi akeno, athiküzümi eno achelimiqo no pa shikumto eno akhopemiqo vilo pa sasǘ tsülo ipi akiyé yètsü. Kughou pa no Achaia tolu keno, Alhou’w küpükini lono küpülümi shiluve keqo lau pa ye akukuphu kijè shilu.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.