2 Kor. 10:7 - Sümi Tiqhelimi Bible

⁷ Nongu ye ashou kogheküghü ju no küghathabe cheni. Khuala no panongu ye Khristo’w kepi pülükibe shi aye, ningu ghí panongu toi Khristo’w kepi kümsükutoju tsü moayesae.

BAIBEL (BSI)

⁷ Nongu zulo kiu ani keno julo. Nongu gholo khualano paye Khristo timi kepi mutsuqheyi shilu aghi aye pa likhi pano highi kumsukutojulo: pano Khristo timi kehutoi ningu ghike.

Sumi Naga CL (Re-edited) Bible (BSI)

⁷ Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.

2 Kor. 10:7 ပူးပေါင်းရင်းမြစ်များ

MATTHEW 23:5

“Panongu no shikeu kümtsü kütami pelo ithulu pe nikeu ghenguno shi cheni: Panongu no aumlo lo Kuchoyesü tsa bohu khapu chekeu kijè shikithe cheni eno panongu phishe lo tshüpu chekeu kushuwa shikithe cheni;

Luke 16:15

Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

John 7:24

Ashou ithukulu shou bepe no küghatha kevilo, ikemu tishini ke züqhulo achipi shi küghatha lo.”

1 Kor. 1:12

Ike I no piakeu ye hike: Nongu dolo khami no, “Ni ye Paul papemi ke”; kütami no, “Ni ye Apollos papemi ke”; khami no, “Ni ye Peter papemi ke”; itaghi khami no, “Ni ye Khristo papemi ke,” ipi akhani ke.

1 Kor. 14:37

Timi khukhumu pa ye tungkupumi lakhi momu Aghungu no aghò tsüpüani kepi kümsü aghí aye I no nongu lau kiu yè ani keno tiye Ampeu zakütsü kepi panongu pelo ikhilu pelo.

1 Kor. 15:23

Ikemu hitoi küpasü ghi shi nani: Khristo no amsüu; tithiu no kughou pa no ideghini kelo paw timiqo xüputhu nani.

1 Kor. 3:23

eno nongu ye Khristo’w ke, eno Khristo ye Alhou’w ke.

1 Kor. 9:1

Ni ye kuqhopheve kemi ke kumo keshea? Ni ye Apostolmi lakhi ke kumo keshea? Ni ye ningu Mpeu Jisü ithuluva ke kumo keshea? Nongu ye I no Ampeu kümlà shi akeu xathi ke kumo keshea?

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 11:18

Timi kutomo no ayeghilomi no qheza chekeu toi qheza anike ghenguno ni ghí qheza nani.

2 Kor. 11:23

Panongu ye Khristo qemiqo keshea? (Ni ye küghüzümi lakhi toi ishi piani.) Ni ye panongu nguno aqeu akiviu ke. Ni ye panongu nguno shishe mülà püani, akughuki lo ghuthu kutomo ilo püani, aloqhi I heqhi pe püani, eno ghuthu kutomo thive ke kumlho shipüani.

2 Kor. 11:4

Kughengu khuala no nongu lau ighino ningu no nongu vilo Jisü ghili kütsüve keu kumo no Jisü kütau ghili nongu vilo kütsü aghí aye, momu nongu no Aghungu ikhiluve keu kumo no aghungu kütau ikhilu aghí aye, momu nongu no atsakiviu ikhiluve keu kumo no kütau ikhilu aghí aye, nongu ye tipaqo gholo mülalei ilovae.

2 Kor. 12:11

I no I likhi I pesü nikhanighami lakhi toi shi kelo ye, nongu no kuchou no I pesü nikhanighami shive tsüae. Nongu ye ni akishé tsü akepu ke kughengu ni ye kumukumo kemu ni ghí “apostolmi akiqheu” ipi chekemiqo nguno ighono aqhou ye kumo ke.

2 Kor. 13:3

kughengu nongu no Khristo no I vechewo piani ipikeu kimchikütsü khu anike. Khristo ye nongu tucho nikeu lo miqemileimoe, ikemu pa ye nongu dolo akumtou ke.

2 Kor. 5:12

Ningu ye itaghi nongu lau ningu likhi ningu akishé tsü niye shi anike kumoe, ikemu nongu pelo ningu ju pesü agijivilei apenike adokivi lakhi nongu tsü anike. Tishi keu vechewo nongu pelo khunoqo no amlo lo akeu kumo no ithukulu thime shou pükhü pesü agijivilei acheni keno tipaqo khochilelu peniye ke.

Galatiami 3:29

Nongu no Khristo laumi aye, nongu ye Abraham kughukoqo ke, eno Alhou no piqhipüa keu kiqi lono nongu ye amheghi ighílu nani.

1 John 4:6

Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.