2 Kor. 10:5 - Sümi Tiqhelimi Bible

⁵ Ningu no akikigheqo eno Alhou kighithi mujo niye keghilikishi shi pesü akeu jeli kümtsü hexave cheni, eno ningu no akükümsü kümtsü tshüsawo Khristo lau aghokulu shiluve pe cheni.

BAIBEL (BSI)

⁵ Alhou kighithi lakhakeu ghuthu ninguno tula cheni; akukumsu thwokha ninguno tshusawo Khristo gholupe cheni.

Sumi Naga CL (Re-edited) Bible (BSI)

⁵ Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

2 Kor. 10:5 ပူးပေါင်းရင်းမြစ်များ

MATTHEW 15:19

Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

Luke 1:51

Pa no Pa kumto u chhopuwo no akümzapu kümlà mülae; pa no akükümsü lo qheza chekemiqo apanaghave tsüe,

Rommi 1:21

Kughengu Alhou pülümo kemi ye Alhou ithi anamu, panongu ye Alhou kepi pa je pipitsümoe momu shikimthi pa tsümoe, ikemu panongu kükümsü ye abokümsa shive eno panonguw nikhanigha mlo ye züchiyive ke.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 16:26

Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

Rommi 7:23

ikemu I lolo ayeza kütau ghí mülà akeu I no ithulu ani. Hipau no I lolo I kükümsü yeza sasü kichighi acheni eno hipau vechewo ni ye axiné yezaw akughumi lakhi shi acheni.

1 Kor. 1:19

Kughengu Kuchoyesü lo ishi yèpüani: “I no alokütsümiw alokütsü kütsave tsü nani; I no vethakulumiw vethakulu ghütsü shikümkave tsü nani.”

1 Kor. 3:19

Kughengu hipau yeghiqha lokütsü ye Alhou gizülo nikhanigha ke. Tiye Kuchoyesü lo ishi yèpüa keu toi ke: “Pa no alokütsümi müqükini lono panoqo meluve cheni”;

2 Kor. 11:20

Kuchou lo, nongu ye khukhumu nongu pesü aqüaxemi shikeu, nongu peithapüsa keu, nongu lau no adokivi lu keu, nongu ghasü chekemiqo momu nongu gi ghatsü chekemiqo kutólo ghí sasü küqha acheni ke.

2 Kor. 9:13

Kughengu nongu no akümlà hipau vechewo nongu likhi nongu kimchive tsü ake, eno nongu no Khristo tsakiviu ikhilu keu gholo aghokulu shikeu eno nongu no tsükini shikeu vechewo panongu sasü eno kütami kümtsü sasü küsaje keu ghenguno kütamiqo no Alhou sheqhe tsü nani.

FILIPIAMI 4:7

Tishiaye Alhou’w aloino keu khikhi timi no ithikuthulu keu nguno alau ani keno, tipau no Khristo Jisü lono nongu mlo eno nongu kükümsü khekuto anani.

2 Thes. 2:4

Pa no Alhou ipikeu jeli momu mülá chekeu thime jeli kümtsü lachile eno pa likhi pa pesü thime kümtsü shou süqhe nani. Pa no Alhou chineki lo iqave püzü pa likhi pa pesü Alhou ke ipi piwuve nani.

2 Thes. 2:8

Tishive no ayeza hekibideu pephe-piye nani. Ikelo Ampeu Jisü no pa kichí tuthu no ayeza hekibideu hu pìthíve nani eno pa no qhivütsüni ighi keu vechewo ayeza hekibideu kütsakungove nani.

IBRIMI 4:12

Kughengu Alhou tsa ye aküxü eno aküka ani. Puto-puto kihizüta nguno akütsüghau ke, tino angulho ngò aghungu kikime ngò aqǜ-anhüki kikime kutólo ghitha ilo cheni; tino timi mlo lo kümsüpù akeu ngò shinishiqhiyi akeu shou küghathabe cheni.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.