2 Kor. 10:4 - Sümi Tiqhelimi Bible

⁴ Ningu no aghünanu khipaqo pesü aghüshi cheni keno tipaqo ye ayeghilomi ghünanu kumoe. Ikemu tipaqo ye Alhou lau no ighi keu küká eno aliwo kuptu hexave kulupu küká anike.

BAIBEL (BSI)

⁴ Kughengu ningu ghushi nanuye ayeghilomi ghushi nanu kumoe ikemu Alhou launo ighikeu kuka ghunanu pesu aliwo kuptu leluniyeke. Akimiki lono kula-kide kudayikeu hu ninguno kutsa cheni;

Sumi Naga CL (Re-edited) Bible (BSI)

⁴ Kughengu ningu ghüshi nanu ye ashi ghünanu kumoe ikemu aliwo kumto kütsani keu Alhou launo ighikeu küka ghünanu ke.

2 Kor. 10:4 ပူးပေါင်းရင်းမြစ်များ

Apostolmi 7:22

Moses ye Egyptmi kighithi lokütsü kümtsü pe pa shika puthu eno pa ye atsapi eno akümlà lo ighono akumto shiluve.

Rommi 13:12

Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

1 Kor. 2:5

tishi keu vechewo nongu küpülü ye timi lokütsü shou kumo no Alhou küká shou bepe peniye ke.

1 Kor. 9:7

Ghüshimi khuu no ajume lumo no ghüshimi shi cheni kea? Alukichimi khuu no atsaibo shosü no tipau lo atsaithi xochu chemo kea? Ambe khemi khuu no ambe lojiqo jukuto no tipau kichhizü ye chemo kea?

2 Kor. 10:8

Ike Ampeu no nongu xaqhive penike ghenguno kumo no aghungu lo nongu shiqhepuku peniye kükagha ningu tsüpüa keu ghenguno I no ighümo no aqheküza shi anamu ni ye tighenguno kujovemo nani.

2 Kor. 13:10

Hi ghenguno ni ye I no küha kelo no hipaqo vehu yè ani, tishianguno kughou I no ighini keno ni ye ayiküsa shi iw kükagha pephemo niye ke. Kükagha hipau ye nongu sünheqhive nike ghenguno kumo no nongu shiqhepuku penike Ampeu no I tsüke.

2 Kor. 3:5

Nilikhi ni sala kiu-kiumu pükhalu nike ghenguno nilo lo shikulupu anike kumoe, ikemu niw shikulupu ye Alhou lau no ighike.

2 Kor. 4:7

Ayeghi lo kiní ye ayeghi no mülà keu likoliqo lo qhicheni. Tihutoi, ningu shi phimpi lo Khristo tsakiviu kiní ani. Hipau vechewo Khristo tsakiviu küká ye ningu lau no kumo no Alhou lau no ighi kepi pìye ani.

2 Kor. 6:7

Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni.

1 Thes. 5:8

Ikemu ningu ye aküvü lo akemi timiqo ke ghenguno ningu ye alokütsü shini nolo. Aküpülü eno kikimiye pesü amla küküzüpu toi pepulo, eno xakuluw lajupu no ayikütsüqho toi pepulo.

1 Tim. 1:18

I nu Timothy, ghuthu lakhi O lau tungkuptsaqo kütüghü keu kiqi lono I no azakütsü hipau O tsü ani. Tishianguno O pelo tipaqo kümsüchilelu no aküpülü eno alolo kükümsü kivi tsüqülu püzü akivishi aghüshilu peniye ke. Timi khami ye hipaqo milive no aküpülü vehu lo zükilu kütsave keu toi imeve ke.

2 Tim. 2:3

Khristo Jisü’w ghüshimi kivi lakhi toi I ghime gholo küsaje alo.

IBRIMI 11:30

Aküpülü vechewo Israel ghüshimiqo no atsala tsüní Jericho liwo kuputuqo vehomxa alà cheve kethiu ikiqive ke.