2 Kor. 1:12 - Sümi Tiqhelimi Bible

¹² Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

BAIBEL (BSI)

¹² Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

Sumi Naga CL (Re-edited) Bible (BSI)

¹² Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 1:12 ပူးပေါင်းရင်းမြစ်များ

Apostolmi 23:1

Paul no anhesüküqümo no Jewmi Hoho lo akemi ju no pi, “I thiküzümiqo, ni ye I kükümsü kiumu pünamo no ishí kutólo Alhou lau I kümlapù shikupuluvae.”

Apostolmi 24:16

Ikehu ni ye Alhou eno timi zülo I lolo kighithi akeu mütsümishei qhini ke pükapütsa acheni.

Rommi 9:1

Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

1 Kor. 1:17

Kughengu Khristo ye baptiz shipe niye I puwumoe, ikemu atsakiviu kütsü peniye ke. Eno tiye alokütsü eno pikulu vechewo kumoe, tishianguno Khristo’w kros küká hu ye adou shivepemo niye ke.

1 Kor. 12:8

Timi lakhi lau Aghungu vechewo alokütsü kükütsü tsa pilu kepu ghò tsü cheni, Aghungu tipau vechewo kütami lau akighithi tsa pilu pe kepu ghò tsü cheni,

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

1 Kor. 2:13

Ningu no piche keu ye hike, timi lokütsü no ningu shika keu tsaqo lono kumoe ikemu Aghungu no ningu shika keu tsaqo vechewo ke, eno Aghungu no shika keu tsaqo vechewo aghungu küxüw kuchouqo hepho-piye cheni.

1 Kor. 4:4

I lolo kighithi ye mütsümishei ani, ikemu tipau no I pelo akipimí küha kemi shilu pe anike kumoe. Ikemu tiye Ampeu no I shou küghathabe anike.

1 Kor. 5:8

Tighenguno ningu ye kholaqhi aqau, ti axeküsü ngò küsakügha, pesü Tiqhitini ghulhu shimoni, ikemu kholaqhi sümo keu sho, ti amikucho eno kuchou, pesü hipau ghulhu shinie.

2 Kor. 1:17

I no hipau shinishi keu lo ni ye lhelheive keshea? Momu ni ye ayeghilomi ghola lono kughuve keu vechewo panongu toi kuchou lo ye “Moe, moe” ipi animu “Iye, iye” ipive ani keshea?

2 Kor. 11:3

Ikemu apighi no muqüijo Eve pishiqhive ketoi nongu kükümsüqo ghí amikucho eno akimthe lono Khristo lau pulopiniyi akeu lau no saküghüzüve tsü kenosaye ni ye msà ani.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

2 Kor. 8:8

Ni ye nongu vilo azah tsü amoe, ikemu kütamiqow pulopiniyi gholo kimghi keu vechewo ni ye nonguw kikimiye mikucho peju nishi anike.

Galatiami 6:4

Kümtsü no pütüta likhi pütüta kümlàqo peju moayesae. Tishiaye panongu ye panongu pesü kütami lau kimighimo no pano likhi panongu jupe qhezalu nani,

Ephesiami 6:14

Tighenguno ithamo no puthugholu lo, amikucho pesü nongu pokha shi pulo; achipiumikucho pesü amla küküzüpu shi pulo;

FILIPIAMI 1:10

tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

1 Thes. 2:10

Ningu ye kíshi akimthe shi, amikucho shi eno tukutiye küha no nongu pülüluve kemiqo gholo ache keno nongu ye tipauw thopimiqo ke, eno Alhou ghí tipauw thopi ke.

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

Titus 2:7

Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

IBRIMI 13:18

Ningu ghenguno inikhu tsülo. Ningu ye alolo kighithi eno thowkha jeli kümtsü lo agigihupu küxü xü nishi keu mütsümishei ani.

James 4:6

Ikemu pa no küpükini alau ningu tsü cheni. Tighenguno Kuchoyesü lo ishi pipüani: “Alhou no aqheküzami lachile cheni ikemu aqhokighemi kimiye tsü cheni.”

1 Peter 3:16

eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,