2 John 1:9 - Sümi Tiqhelimi Bible

⁹ Khukhumu azüu powuve no Khristo kükütsü papemove aye pa lolo Alhou kühae; khukhumu Khristo kükütsü pape aye Apù eno Anu kinikujo acheni.

BAIBEL (BSI)

⁹ Timi khuu khumu Khristo kukutsulo checheghimo keuye Alhou pa gholo kuhae. Khunono akukutsu tipaulo checheghini keno paye Apu, Anu kinikujo ani.

Sumi Naga CL (Re-edited) Bible (BSI)

⁹ Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.

2 John 1:9 ပူးပေါင်းရင်းမြစ်များ

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

Luke 10:22

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.”

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 15:6

Nongu no I gholo kimepemo aye, nongu ye aloka peve püzü thizümüive keu toi ke; aloka tipaqo ye kiche pesü ami lo vesüve no pitive cheni.

John 5:23

tishianguno kümtsü no Apù gihu cheke toi Anu gihu peniye ke. Khukhumu Anu gihumo keu ye Apù khuu pa puwu keno pa ghí gihu chemoe.

John 8:31

Jisü no pa pülüluve kemi Jewmiqo vilo ishi pi, “Nongu no I kükütsü papelu aye nongu ye kuchou no I khopemiqo ke.

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

Titus 2:10

eno ampemi lau no püka kepu kumo, ikemu panongu shou pükhübelu pe kepu shi pìyelu pelo, tishilu keu vechewo alaghi jeli thowkha lo panongu pelo ningu Xakuluu eno ni Lhou ghili shika akeu jukivipu shi ithulu pe kepu shilo.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

IBRIMI 6:1

Tighenguno ningu ye Khristo ghiliw hukuthu kükütsüqo qhive no tekhoive keu kükütsü küdau wuni nolo eno akümlà khikhi akithí lo sawuve cheni keno tipau lono amlo pebideve no Alhou pülü keu, baptiz shikeu shikakütsü, au betsü keu, kithimi xüleputhu keu, eno lhokta kutólo küghathabeni keqo hu itaghi aboqha qhakithemoni nolo.

1 John 1:3

Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

3 John 1:9

Ni ye akukuhou lau yè puwu ke, ikemu Diotrephes, khuu atüghiu shinishi acheni keno, pa no ningu sasümoe.