1 Tim. 6:9 - Sümi Tiqhelimi Bible

⁹ Khunoqo no kinikulu shinishi cheni keno panongu ye ghukuju, alichhe, nikhanigha jeli eno shiküpüsapu kükümsü khipaqo kütsakungo keu lo timi sailove cheni keno ghukuju tipaqo lo ikiqive cheni.

BAIBEL (BSI)

⁹ Ikemu khunono kinikulu shinikeu mine cheni keno ghuju pejukeulo ikiqi ilove cheni eno mbomzu ngo ghuzaghugha sholukepu lichhelo ilove cheni, tipaqono puhapighiyi keu ngo hepusa pughayikeulo timi sunhesuve cheni.

Sumi Naga CL (Re-edited) Bible (BSI)

⁹ Ikemu khunono kinimi shinikeu mine cheni keno, ghukuju lo ikiqi ilove cheni, akümsapu lichhe lo ikiqive no timi kütsave chekeu mbomzü kükümsü lo sünhe süve cheni

1 Tim. 6:9 ပူးပေါင်းရင်းမြစ်များ

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

MATTHEW 19:22

Kughou apumi hu no hi chilu keno, pa ye amloküsa shi wove, kughengu pa ye ighono kiními ke.

MATTHEW 26:15

eno ishi iniju, “Tsalá I no Jisü pesü nongu u lo sǘvetsü aye, nongu ye kiu pesü I tsü niye kümsü ani kea?” Ikehu, panongu no tsandiyi shighi kihiphe pesü pa tsüve.

MATTHEW 6:19

“Nongu likhi nongu sala ayeghi lo akiní pekütsü kevilo, kughengu tiye amila ngò ayisa no tsapühave eno küpükamiqo no hepho ilo püka pewuve cheni.

Mark 4:19

ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

Luke 12:21

“Khukhumu pano likhi pano sala pekütsüve no Alhou küdau akiní küha kemi ye hitoi shive nani.”

Luke 21:35

Kughengu tiye khunoqo ayeghi shou xüani keno kümtsü shou ikughi nani.

Apostolmi 8:20

Peter no khochile: “Ow pisa ghí O gholo no pühave peniu, kughengu nono pisa pesü Alhou lau no ighi keu ghò qhülu nani küghashike.

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

1 Tim. 1:9

Ningu no itaghi ithi akeu no ayeza ye achipimiqo ghenguno mülà püamoe ikemu hipaqo ghenguno mülà püani: ayeza hekibidemi eno lakichilemiqo, alhou sümsamo kemi eno axinemi, akimthe kumomi eno alhou pülümo kemi, apù eno azá noqo pìthí chekemiqo, hekiqhimiqo,

1 Tim. 3:7

Pa ye akukuhomi kumo kemiqo gholo ghí aju-aje kivimi lakhi shi aghí moayesa, tishianguno pa pelo aju-aje küsapu lo ikiqive no tüghami lichhe lo ilove pemo niye ke.

1 Tim. 6:10

Kughengu pisa kimiye keu ye küsakügha jeli kümtsü kuhu-aghü ke. Timi khami ye pisa kimiye kelau no aküpülü lono igho süsü wuvae eno amlokighishi kutomo no pano mlo vephopinivae.

1 Tim. 6:17

Ayeghi hipau lo khunoqo no kinikülü shi ani keno panongu vilo akuchhoma shimo nikeu momu akiní khikhi pükhübelu chemo keno tipau shou panonguw lajupu qhimo no Alhou khuu no ningu lokiqipu ghenguno kinikulu shi ningu tsü cheni keno pa shou lajupu qhi penike azah tsülo.

2 Tim. 2:26

eno tishilu aye panongu ye alotsüluve no tüghami khuu no pa pulou shipe niye panongu pesü akughu shive keno pa lichhe lono pokajoluve nani.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

2 Peter 2:3

Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

Jude 1:11

Panongu ghengu ye ahaküsapu ke! Panongu ye Cain laghi lo checheni ke; panongu ye mighisü alá shini ke ghenguno Balaamw shikipimi shivae; panongu ye Korah’w hekibide lono kütsakungovae.