1 Tim. 6:18 - Sümi Tiqhelimi Bible

¹⁸ Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

BAIBEL (BSI)

¹⁸ Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

Sumi Naga CL (Re-edited) Bible (BSI)

¹⁸ Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

1 Tim. 6:18 ပူးပေါင်းရင်းမြစ်များ

MATTHEW 5:42

O vilo khu kemi lau tsülo, eno khuala no O vilo nalu nishi aghí aye, pa lau no tsüghüsü wuve tsü kevilo.

Luke 12:21

“Khukhumu pano likhi pano sala pekütsüve no Alhou küdau akiní küha kemi ye hitoi shive nani.”

Luke 3:11

John no khochile, “Timi khukhumu aphiküzü kini aghí aye khuu no küha keno pa sasü küsaje moayesa, eno timi khuu no achuqupu aghíni keno pa ghí titoi shi moayesa ke.”

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

Rommi 12:13

Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

1 Kor. 16:2

Apinedo kümtsü lo atsala atüghiu lo nongu kümtsü no nongu no pisa iloghi keu lono hami pakütashi qhive no kütsü pe qhimoayesa ke, tishianguno kughou I no ighini keno pekütsü akeu shipemo niye ke.

2 Kor. 8:12

Kughengu timi lakhi no puloniqhiyi tsünishi aye Alhou ye timi tipau no küha keu kumo püzü pa no kiu aghí no tsüní keno tipau ikhilu tsü nani.

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.

Galatiami 6:10

Tishiaye, ningu adokivi ithulu keu lo, timi kümtsü lau akivi kümlà shi aní nolo, eno akhotoshi khunoqo aküpülü lono abolomi shiluvea keno panoqo lau mülà aní nolo.

Ephesiami 4:28

Khuu no püka cheni keno pükamove moayesa, eno tishini ke züqhulo akümlà shi moayesa, pano likhi pano u peitha no kiuala akivipu kümlà shi moayesa, tishianguno panongu pelo khunoqo aveküsa shi ani keno tipaqo lau kiuala aghí keu pesü küsajelu kepu shilu pelo.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

1 Peter 3:11

Panongu ye küsakügha lau no tsüghüve no akivi kümlà shi moayesa; panongu ye külakishi phu eno tipau pape moayesae.

1 John 3:17

Tsalá khuala no ashi lo küakini aghí eno athiküzümi momu achelimi lakhi no avehupu shi akeu ithulu anamu panongu shou kimiye keu küha aye, kíshi no Alhou’w kikimiye timi tipau lolo aghílu nani kea?

3 John 1:11

Kimiye chekeu I küsàu, kiu no küsakügha keno tipau kishishi kevilo ikemu kiu no akivi keno tipau kíshi shilo. Khukhumu akivi shikeu ye Alhou lau no ighi kemi ke. Khukhumu kiu no küsakügha keno tipau shikeu ye Alhou ithulu mphie.