1 Tim. 6:10 - Sümi Tiqhelimi Bible

¹⁰ Kughengu pisa kimiye keu ye küsakügha jeli kümtsü kuhu-aghü ke. Timi khami ye pisa kimiye kelau no aküpülü lono igho süsü wuvae eno amlokighishi kutomo no pano mlo vephopinivae.

BAIBEL (BSI)

¹⁰ Kughengu pisa kikimiye no alhoksa jeli kumtsu kuhu aghuke. Hipau kimine lono timi khamiye akupulu lono igho susu wuvae eno amlo ghimepu kumzapuno pano mlo vephopiniyivae.

Sumi Naga CL (Re-edited) Bible (BSI)

¹⁰ Kughengu pisa kikimiye no alhoksa jeli kümtsü kuhu-aghü ke. Hipau kimne lono timi khami ye aküpülü lono itsüsü wuvae eno amlo ghuju jeli no panongu jiqhi anie.

1 Tim. 6:10 ပူးပေါင်းရင်းမြစ်များ

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

MATTHEW 6:19

“Nongu likhi nongu sala ayeghi lo akiní pekütsü kevilo, kughengu tiye amila ngò ayisa no tsapühave eno küpükamiqo no hepho ilo püka pewuve cheni.

Mark 4:19

ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

1 Tim. 3:3

shomzü kepu kumo, ngukangugha shimo no iqüighai moayesa, kiyi-muto kepu kumo, eno pisa kiminemi shikepu kumoe.

1 Tim. 6:21

timi khami ye tishi keu ghenguno aküpülü phevae. Küpükini nongu kümtsü gholo apeniu.

1 Tim. 6:9

Khunoqo no kinikulu shinishi cheni keno panongu ye ghukuju, alichhe, nikhanigha jeli eno shiküpüsapu kükümsü khipaqo kütsakungo keu lo timi sailove cheni keno ghukuju tipaqo lo ikiqive cheni.

2 Tim. 3:2

Timiqo ye alikhi ampi eno pisa kimiyeuve nani, alikhi ajekipi eno aqheküza shi nani eno timi phimo-gihumo nani. Panongu pù-aza hebide nani, shikimthi keu küha nani, Alhou pülümo nani,

2 Tim. 4:10

kughengu Demas ye hipau yeghi lo thimeqo kimiyeve ke eno I qhive no Thessalonica lo wuvae. Crescens ye Galatia lo wuvea, eno Titus no Dalmatia lo wuvae.

Titus 1:11

Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

James 5:19

I thiküzümi eno I chelimiqo, tsalá nongu dolo timi lakhi no kuchou lono itsüsü wuve no timi khami no timi tipau sachile süghi kepu shi aye,

Jude 1:11

Panongu ghengu ye ahaküsapu ke! Panongu ye Cain laghi lo checheni ke; panongu ye mighisü alá shini ke ghenguno Balaamw shikipimi shivae; panongu ye Korah’w hekibide lono kütsakungovae.

Piyeküsü 18:13

aküsá eno vepuju, tsüngqüimukhu, axokütsüngüta eno müsüghüta, atsaiji ngò olive thazü, ashokukubo ngò ashothi akiviu; pichepighi ngò ambe; khurshi ngò khurkulu; eno timiqo pesü aqüaxemi shi jea ke.