1 Tim. 5:17 - Sümi Tiqhelimi Bible

¹⁷ Kichimiqo eno akhotoshi akükütsü eno shiküka kümlà shi ache kemi khunoqo no akukuhou kümlapù lo akivishi kichetsü acheni keno panongu ye atha ajume veqabe ghí ithulu küzüpue.

BAIBEL (BSI)

¹⁷ Akukuholo kichimi khunoqono sakiphemi shipuzu akumla kivi mla cheni keno atha-aqo kishe-kishe ithulukepu akuzupuke, tiye akhotono kutsu shika keulo ichhe imechekeqo.

Sumi Naga CL (Re-edited) Bible (BSI)

¹⁷ Akukuho lo kichimi, akhoto no akükütsü eno shiküka lo ichheime chekeqo, khunono akivishi ayepe cheni keno, panongu ye ajume küghüsü no ithulu küzüe.

1 Tim. 5:17 ပူးပေါင်းရင်းမြစ်များ

MATTHEW 24:25

Julo, I no ashe-azü shi nongu vilo pivae.

Luke 10:7

Aki tile ngo lo, eno panongu no kiu kutotsü keno chu eno sholo, kughengu akümlà kishiu ye pa jumeqo ithulu küzü ke. Aki-aki lo homüxa itsü wu kevilo.

Luke 12:42

Ampeu no khochile, “Tishiaye khuu no pükhükulu eno alokütsü püghükütsüu kea, tiye ampeu no pa qemiqo jukuto eno ado achipi lono achuqu panoqo kijé tsüpe niye pichebe keu no keshea?

John 4:38

Nongu no mülàmo keu lo ghile hu peniye I no nongu puwu ke. Kütamiqo no aghime shimlave keu lo nongu no panongu ghime xathi xoluve no alá shiluvae.”

Apostolmi 11:30

Panongu no titoi shi no Barnabas ngò Saul pama gholo no akukuho lo kichimiqo lau akukuphu ghò tsüpuwue.

Apostolmi 20:35

I no shikeu kümtsü lo shishe aghime shi mülà püzü miqemilei kemi kuphu moayesae ipi nongu pìye ke, eno Ampeu Jisü ampi no hitoi pipüa keu tsa kümsülu akepue, ‘Tsü keu no lu keu nguno akümghapue.’ ”

Apostolmi 28:10

Panongu no aghola jeli kutomo lono ningu gihu tsüe; eno kughou ningu no zükilu lono wuve niye akeno ningu no avehupu shi akeu achuqupu kutomo ningu tsüe.

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

Rommi 15:27

Panongu ye tishini keu lo amlokiqi shike, eno kuchou lo ye panongu ye kumlhomiqo kuphu moayesa kepu shi ake. Kughengu Jewmiqo no aghungu lo kükümgha pesü Jewkumomiqo lau küsaje aghí aye, Jewkumomiqo ghí panonguw ashi lo kükümghaqo pesü Jewmiqo lau küsaje keu ye àküzǘ ke.

Rommi 16:12

Tryphena ngò Tryphosa, khuu totimi dolo Ampeu kümlà lo ichhe-ime mülà acheni keno petha tsülo. I no kimiye chekeu aküsàu Persis, totimi kütami khuu Ampeu ghenguno ichhe-ime mülà ache keno petha tsülo.

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

1 Kor. 16:16

nongu kümtsü titoi kemi shilo eno khunoqo no akümlà lo kutubo cheni eno ichhe-ime mülà acheni keno tipaqo lau nongu likhi nongu ikhiphe pe tsülo.

1 Kor. 3:9

Kughengu ningu ye Alhou kümlà lo mülà küqha akemiqo ke; eno nongu ye Alhou’w aki-alu ke.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Galatiami 6:6

Tishimu, timi khuu no Alhou tsa shikakütsü ithuluni keno panongu ye thime kivi kümtsü pesü panonguw shikakütsüu gholo küsaje moayesae.

FILIPIAMI 2:16

Tiye nongu no ithamo no aküxüpu tsa pelu keu lono shilu nani ke. Tishilu keu vechewo ni ye adou lono pokive püamo momu mülà pe püamo kepi Khristo tsalà lo agijivileilu nani.

FILIPIAMI 2:29

Tishiaye, Ampeu lono alokivi kijè shi no pa sasǘ lo, eno timi pa toi kemi gihu lo,

FILIPIAMI 4:3

Iyei, I küsàmi kuchouqo, ni ye nongu vilo totimi hipaqo kuphulo ipi qhüiniju ani kughengu panongu ye Clement gholo eno I gholo mülà küqha chekemi kümtsü gholo küqha püzü atsakiviu ghenguno I gholo kutubo no mülà ache kemiqo ke, eno panongu je ye aküxüpu kaku lo anie.

1 Tim. 3:5

Khiuala no pa likhi pa kibo tucho mtha aye, pa ye kíshi no Alhou’w Akukuhou tucho luni kea?

1 Tim. 4:10

Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.

1 Tim. 4:14

Kughou kichimiqo no panongu u pesü O shou be keno tile no tungkuptsa vechewo aghungu ghò O tsü keu hu kughucho kevilo.

1 Tim. 4:16

Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

1 Tim. 4:6

Nono athiküzümi eno achelimiqo lau thime hipaqo kiche tsülu aye, no ye Khristo Jisü qeu kivi lakhi shi nani. Eno nono aküpülü kuchou tsaqo eno akükütsü kivi pape chekeu hu no O lojiputhulu nani.

1 Tim. 5:19

Thopimi kini momu küthü no süghi keu kumo aye kichimi shou ngukube keu lo ini kevilo.

1 Tim. 5:3

Chimemi khunoqo no aveküsa kuchou shi ani keno tipaqo kuphulo.

2 Tim. 2:6

Alukichimi khuu no ichhe-ime mülà acheni keno ghile ghuloki lo asaje atüghiu ithulu moayesae.

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

IBRIMI 13:17

Nonguw sakiphemiqo shou pülükibe alo eno panongu kükagha ghokulu shilo, kughengu panongu ye khunoqo no panongu kümlàw kihikülai tsü moayesa cheni keno tipaqo toi nongu shou jukuto acheni ke. Panongu kümlà ye amakho kimshi toimo no alokiqishi shilu penike ghenguno hipau shilo, kughengu tiye nongu ghenguno kiumu alá küha nani ke.

IBRIMI 13:24

Nonguw sakiphemiqo kümtsü eno Ampeu’w timiqo kümtsü lau petha tsü ani. Italy lo akemiqo no panonguw petha nongu tsü ani.

IBRIMI 13:7

Nonguw sakiphemi khunoqo no Alhou tsa pesü nongu vilo piche keno panongu kümsülulo. Panongu küxü gholaw visavili kümsüju no panongu küpülü kimihi shilo.