Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tim. 5:10 - Sümi Tiqhelimi Bible

10 eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

အခန်းကိုကြည့်ပါ။ ကော်ပီ

BAIBEL (BSI)

10 eno akumla kivi shichekeu ghenguno ajepipi cheghikemi, atianuli akivishi saputhu puaghikemi, inami sasukinimi, Alhou qemi pukhu qhutsuchekemi, shilukusami kuphu chekemi eno thwokhalo akumla kivi shichekemi shiaghi masae.

အခန်းကိုကြည့်ပါ။ ကော်ပီ

Sumi Naga CL (Re-edited) Bible (BSI)

10 li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

အခန်းကိုကြည့်ပါ။ ကော်ပီ




1 Tim. 5:10
42 ပူးပေါင်းရင်းမြစ်များ  

Titoi, ameshoyi jolabo kini ithulu keu ghí ameshoyi jolabo kini alá shiluve.


Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.


Li no Jisü thiu ighino pa pukhuphi lo qa püzü li nhezü no Jisü pukhu pütsáve ghi ae. Tisheno li no li kütsüsa pesü Jisü pukhu isü tsü, apukhu lo müma tsü eno axokütsüngü lepuku tsüe.


Tisheno pa no atotiu küdau tsüghǜ ighino Simon vilo pi: “No ye totimi hipau ithulu anima? I no O ki lo iloghi kelo no ye azü pesü I pukhu qhükepumu I tsümoe, ikemu li ye li nhezü pesü I pukhu qhuvetsüa eno li sà pesü tipaqo isüve tsüae.


Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”


“Timi lakhi Ananias ipikeu no I sasü kusho nike ighi. Pa ye amlokütsü shi ayeza pelu chekemi eno Jewmi tile xüküami kümtsü no akiqheu lono gihu chekemi ke.


Athiküzümi eno achelimiqo, nongu dolo timi tsünì Aghungu no chhitoi kemi eno alokütsümi kishephe lo. Ningu no bemakho hipau panoqo pichebeve


Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.


Peter no panongu gholo wu, eno kughou pa no ighi keno pa sasü achebo kunguu jolha lo saiku. Chimemi kümtsü no pa sümxa pe puthugho ae, eno panongu no qa ghi Dorcas no panongu gholo ache kelo chijeboboi-phi eno tiphimini kütau ghò keqo pa pìye.


Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.


Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.


tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,


ikemu akümlà kivi hu no ananu shipe nishi ani, kughengu hino Alhou mülá niye shuphe chekemi totimiqo ghenguno achipi ke.


Akukuho lo sakiphemi lakhi ye akipimí küha kemi shi moayesa, pa nipu lau amikucho shi moayesa, aghibiu shi moayesa, alikhi aghasülu kemi, gihu küzüpumi, inami sasükinimi, shikathi kemi shi moayesa,


Pa ye akukuhomi kumo kemiqo gholo ghí aju-aje kivimi lakhi shi aghí moayesa, tishianguno pa pelo aju-aje küsapu lo ikiqive no tüghami lichhe lo ilove pemo niye ke.


Totimi küpülümi khuala no liw tucho-mjo qholo chimemiqo aghí aye, li ye panongu kuphu amoayesa eno panongu ghenguno akukuhou pelo amakho mishí pe kepu kumoe, tishianguno akukuhou pelo chimemi khunoqo no ighono aveküsa lo ani keno panongu kuphulu peniye ke.


Tipau tho lono akümlà kivi ye mütsüqhei ke, eno mütsüqheimo keqo ghí alhokuthu ghenguno küsüpe püa müla nani.


Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.


Ni ye O mikucho küpülü kümsülu ani. Amikucho küpülü tiye atüghishi opüza Lois gholo ache eno O zá Eunice gholo ache, eno itehi O gholo ghí ani kepi I no pülübe ani.


Khunoqo no pano likhi pano pesü inapügha peitha nikeu lono shikimthe pe qhini keno panongu ye paküta keu kimiji ghenguno küghaküsü shi peitha nani. Panongu ye akimthe shive tsü nani eno Ampeu ghenguno peithakulupu shi nani eno akümlà kivi shini keu ghenguno kutokughoi pe qhive nani.


eno no ye ití lono Kuchoyesü ithi anike eno tipau hu no O pelo Khristo Jisü shou pülü keu vechewo xakulu ithulu pe nikeu lokütsü O tsüke.


tishianguno Alhou qe akemi pelo akümlà kivi jeli shini keu ghenguno ananu kupukülai pepulu peniye ke.


pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.


Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,


Timiqo pelo kükami eno ayekipemiqo qhoqhü eno kiu no akivi keno tipau ghokulu shini keu kutò pe apenike ghutú alo,


Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.


Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.


Eno ningu ye kíshi no lakhi no lakhi shikumto ghi kikimiye eno akümlà kiviqo shiluni keno tipaqo kümsüni nolo,


Nongu ki lo inami sasǘ nikeu kughucho kevilo, kughengu tishi keu vechewo timi khami ye mtha püzü kungumiqo sasü keu shilu püani ke.


pa pulou shipe nike ghenguno thime kivi kümtsü pesü nongu pipe peniu, eno pa pelo Jisü Khristo vechewo kiu no pa lokiqipu keno tipau ningu lolo mülàlu peniu; pa lau alhokupuju lono alhokupuju kutólo ajuküvü ache pelo! Amen.


Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.


Nhenheshimo no lakhi no lakhi sasü kilé lo.


Kümtsü no Demetruis ghili kivi pi acheni—eno kuchou hu ghí pa ye akivi ke ipi cheni. Ningu ghí pa ghili akivishi pi cheni, eno ninguw thopi ye kuchou kepi nono ithi ani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ