1 Tim. 2:7 - Sümi Tiqhelimi Bible

⁷ Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

BAIBEL (BSI)

⁷ Hipau ghenguno ipelo Judakumomi vilo akupulu ngo kuchou tsape pesu asheshupe nike apostolmi lakhi eno akukutsuu lakhi shi susuno puwuke. Niye kuchou tsa piani kethono miki amoe.

Sumi Naga CL (Re-edited) Bible (BSI)

⁷ Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

1 Tim. 2:7 ပူးပေါင်းရင်းမြစ်များ

John 7:35

Jewmiqo dolo lakhi no lakhi vilo ishi pi, “Timi hipau ye ningu no phu müla keu-a khila wuve niye kümsü ani kea? Pa ye niw timi Greekmiqo gholo apanaghave kemiqo lau wu no xü püzü Greekmiqo kütsü niye shi ani keshea?

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Apostolmi 22:21

“Tishi no Ampeu no I vilo, ‘Chevelo; I no aghache lo Jewkumomiqo lau O puwu nani ke,’ ipi.”

Apostolmi 26:20

Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

Rommi 1:9

Alhou khuu I mlo tsüqhiyi I no qe acheni eno pa Nu tsakiviu kütsü acheni keno, pa no I no kíshi tamo no alhokuthu I kighini lo nongu kümsü acheni keno tipauw thopi ke;

Rommi 10:14

Tishiaye panongu ye pa pülümo kelo kíshi no pa kuni kea? Eno panongu ye pa ghili chilumo kelo kíshi no pülüluni kea? Eno khiuala no panongu lau akükütsü sütsa pikülhamo kelo panongu ye kíshi no chiluni kea?

Rommi 11:13

I no nongu Jewkumomiqo vilo piani. I no Jewkumomiqo lau apostol shi akeu toi ni ye I likhi iw timiqo pelo nongu ju pesü anheshu keu vechewo hakutholu no panongu hami likhimu xalu pe nikeu lajupu qhi no I kümlà lo agijivilei acheni.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 9:1

Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

1 Kor. 9:1

Ni ye kuqhopheve kemi ke kumo keshea? Ni ye Apostolmi lakhi ke kumo keshea? Ni ye ningu Mpeu Jisü ithuluva ke kumo keshea? Nongu ye I no Ampeu kümlà shi akeu xathi ke kumo keshea?

2 Kor. 11:31

Alhokupuju lo sheqhe küzüpu Ampeu Jisü Lhou eno Papù no ithi anike, ni ye mikí amoe.

Galatiami 1:16

I lau pa Nu pìye nikeu lo amlokiqi shike tishi keu vechewo I pelo Jewkumomiqo gholo pa ghili kütsükulupu shipe niye ke. Ikehu ni ye paikhavi timi khuu vilomu kighinikile keu shimoe.

Galatiami 1:20

I no nongu lau kiu yè ani keno tiye akimiki kumo kepi I no Alhou zülo no nongu lau piqhi ani.

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 2:9

Atsükuchoqo toi gihu chekemi James, Cephas eno John noqo no kughou I lau küpükini tsüpüa keu kimchilu keno panongu no kuposhulu keu michi shi Barnabas nikujo sasü au ajeu no petha shilu. Tisheno panongu no Jewkumomiqo lau ningu no wu moayesa, eno Jewmiqo lau panongu no wuni kepi pulolue.

Galatiami 3:9

Ikehu khunoqo aküpülü shou pükhü cheni keno panongu ye Abraham khuu aküpülü timi keno, pa gholo no kümghave tsüae.

2 Tim. 1:11

Eno atsakiviu hipau ghenguno ni ye kütüghükütsüu lakhi eno apostol lakhi eno akükütsüu lakhi shi süküsü shike.

2 Peter 2:5

kughou pa no alhou kümthamiqo lau atshünazü kuqo süghi püzü khaghi yeghilomiqo kipimí qhitsümo no Noah, achipiumikucho kükütsüu lakhi, eno kütami tsüní süsholu aye;