1 Tim. 2:10 - Sümi Tiqhelimi Bible

¹⁰ ikemu akümlà kivi hu no ananu shipe nishi ani, kughengu hino Alhou mülá niye shuphe chekemi totimiqo ghenguno achipi ke.

BAIBEL (BSI)

¹⁰ ikemu Alhou lau amlo tsuqhiyi chekemi totimi ghenguno akuzupushi akeuye akumla kivi pepukepue.

Sumi Naga CL (Re-edited) Bible (BSI)

¹⁰ eno kiu no Alhou ithitoi kemi totimi ghenguno aghibiu keno, akümla kivi gholono tishi penishie.

1 Tim. 2:10 ပူးပေါင်းရင်းမြစ်များ

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

Apostolmi 9:39

Peter no panongu gholo wu, eno kughou pa no ighi keno pa sasü achebo kunguu jolha lo saiku. Chimemi kümtsü no pa sümxa pe puthugho ae, eno panongu no qa ghi Dorcas no panongu gholo ache kelo chijeboboi-phi eno tiphimini kütau ghò keqo pa pìye.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

1 Tim. 2:11

Totimi lakhi ye inaqhoi shi eno thowkha lo aqhokighe shi no ithiküpha kepue.

1 Tim. 2:9

Ni ye totimiqo pelo no ghí tiphimini kithikiyi, jukivi eno achipi shi pepu penishi. Panongu pelo ajeli shi asà pilipu, ameshoyi momu achiku momu amekusho tiphimini pepu keu vechewo no kumo,

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

2 Peter 3:11

Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

Piyeküsü 2:19

Nono shikeqo, ow kikimiye ngò aküpülü, O kümlàqo eno nono tsükhoi shikeu eno nono atüghi lo mülà keu nguno alau itehi mülà akeu I no ithi ani.