1 Peter 5:10 - Sümi Tiqhelimi Bible

¹⁰ Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

BAIBEL (BSI)

¹⁰ Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

Sumi Naga CL (Re-edited) Bible (BSI)

¹⁰ Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

1 Peter 5:10 ပူးပေါင်းရင်းမြစ်များ

Luke 22:32

Ikemu Simon, O küpülü iqeve pemo nike I no O ghenguno inikhuve tsüae. Eno kughou nono ideghiveni keno O thiküzümiqo shikumtolo.”

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 15:5

Nongu pelo amlo lakhi eno asütsa lakhi lono Alhou eno ningu Mpeu Jisü Khristo Papù juküvü shilu penike ghenguno kutuukulu eno shikumto tsü chekeu Lhou pelo Khristo Jisü toi nongu dolo akükümsü lakhi lono xülu penike kuphutsü peniu.

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

Rommi 9:11

Ikemu, anukishe punú mphi züu no momu akivi eno alhoküsa kiumu shimphi züu no, Alhou no kishepüa keu kiqi lono apenike ghenguno li vilo ishi pike:

Rommi 9:24

Eno ningu ye Alhou no kulùve kemiqo ke. Ningu kümtsü Jewmi kumo ke ikemu ningu kutomo no Jewkumomi ke.

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

1 Kor. 1:9

Alhou ye pükhübekuluu ke. Pa no pa Nu eno ningu Mpeu Jisü Khristo gholo kuposhu peniye nongu kulù ke.

2 Kor. 13:11

Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

FILIPIAMI 4:13

Khristo no I shikumto tsü keu vechewo ni ye thowkha shikulupu küká anie.

Kolosiami 2:7

Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

2 Thes. 2:14

Ningu no atsakiviu küsaje keu hipau lo pa no nongu kulù ke, tishi keu lono nongu ghí ningu Mpeu Jisü Khristo juküvü gholo küsajelu peniye ke.

2 Thes. 2:17

pa pelo nongu kümlà kivi eno atsa kivi pikeu kümtsü lo nongu mlo shikumto eno nongu iqhikithe tsü peniu.

2 Thes. 3:3

Ikemu Ampeu ye pükhübekulu ke, eno pa no nongu shikumto tsü nani eno küsaküghau lau no nongu süsho nani.

1 Tim. 6:12

Aküpülü ghüshi akivishi shilo. Thopimi kutomo gizü lono nono akivi piphe keu vechewo khikhi Alhou no lhokta küxü lo O kulù keno tipau tsüqülulo.

2 Tim. 1:9

Pa no ningu xaluvae eno akimthe küxü lo xü penike ningu kulù ke—ningu no kiuala shilu keu ghenguno kumoe ikemu pa kimiji eno küpükini vechewo no ke. Küpükini hipau ye inahuu no Khristo Jisü vechewo ningu tsüvae,

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

1 Peter 1:15

Ikemu khuu nongu kulù keno pa ye akimthe ke, tighenguno nonguw süqesüli kümtsü lo akimthe shilo;

1 Peter 4:10

Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.

2 Peter 1:3

Khuu no ajuküvü eno akivipu lo ningu kulù keno ningu no pa ithi aghí keu kighithi vechewo Alhou küká no ningu no alhou sümsa keu küxü xü nikeu ghenguno avehupu shi akeu kümtsü ningu tsüvae.

1 John 2:25

Eno pa no ningu lau piqhipüa keu ye hike—tiye lhokta küxü ke.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—