1 Peter 4:13 - Sümi Tiqhelimi Bible

¹³ Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

BAIBEL (BSI)

¹³ Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

Sumi Naga CL (Re-edited) Bible (BSI)

¹³ Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

1 Peter 4:13 ပူးပေါင်းရင်းမြစ်များ

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 25:21

“Pa mpeu no khochile, ‘Aghile shivea, pichebekulu eno I qeu kiviu, no ye thime aghulo lomu pichebekulu shike, I no O pelo thime kutomo shou pichempiu shipeni. Ighilo eno O mpeu lokivi lo küsaje lo.’

MATTHEW 25:23

“Pa mpeu no khochile, ‘Aghile shivea, pichebekulu eno I qeu kiviu! No ye thime aghulo lomu pichebekulu shike; I no O pelo thime kutomo shou pichempiu shipeni. Ighilo eno O mpeu lokivi lo küsaje lo!’

MATTHEW 25:31

“Kughou Timi nu no pa juküvü lono ighini eno kungumi kümtsü pa gholo ighini keno, pa ye pa juküvü küká lakhü lo iqa nani.

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 17:30

“Timi Nu pephe-piye ke tsalà lo ghí hitoi shi nani.

Apostolmi 16:25

Putho-mta ghuloki lo Paul ngò Silas pama ye akighini shi eno akishé le phe ghi Alhou sheqhea, eno akughumi kütamiqo no pama tsa ini ae.

Apostolmi 5:41

Apostolmiqo no Jewmi Hoho qhive, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve.

Rommi 5:3

Tilikhi kumoe, ikemu ningu ye ningu ghimeqo lo ghí alokivishi cheni, kughengu ningu no ithi akeu no aghime no tsükhoi keu iqiphe cheni;

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

Rommi 8:18

I no kiqiphelu keu ye ningu no itodolo ime akeqo ye khilemu ighi nikeu juküvü khikhi ningu lolo pephe-piye niye ani keno tipau sasü kimghi mülae.

2 Kor. 1:5

Ningu no Khristo ghime gholo kupukuno shi küsaje keu hutoi, ningu lokughuno ghi Khristo vechewo kupukuno shi acheni.

2 Kor. 1:7

Nongu ghenguno ninguw lakuju mutotoi ani, kughengu ningu no ithi akeu no nongu no niw shiluküsaqo lo küsaje ketoi, ni lokughuno lo ghí küsaje nani.

2 Kor. 4:10

Ningu ye alhokuthu ningu phimpi lo Jisü kithí xapu acheni, tishianguno Jisü küxü ghí ningu phimpi lo pephe-piye lupe niye ke.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

FILIPIAMI 3:10

Iyei, ni ye Khristo ithinishi ani, tiye paw xülekuthu küká ithi nikeu eno pa ghime gholo küsaje nikeu, pa kithí ghola lono pa kimihi shiwuve nikeu,

Kolosiami 1:24

I no itehi kiu nongu ghenguno aghime sholu ani keno tipau ghenguno ni ye alovishe anie, eno I phi lo aghime sholu akeu vechewo Khristo no pa phimpi, akukuhou ghenguno tamo no aghime shikeu lo ni ghí tipau lo pichhilu anike.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 Peter 2:21

Hipau ghenguno nongu kulùvea ke, kughengu Khristo ye nongu ghenguno ime keu vechewo nongu ghenguno kiche-kipiye lakhi qhivetsüae, eno nongu ye pa nepa lo pape moayesae.

1 Peter 5:1

Nongu gholo kichimiqo lau, I no nongu dolo kichimi lakhi shi eno Khristo ghimeqow thopimi khuu ajuküvü pephe-piye niye shi akeu lo ghí küsaje niye ani keno nongu lau qhüiniju ani:

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.