1 Peter 4:11 - Sümi Tiqhelimi Bible

¹¹ Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.

BAIBEL (BSI)

¹¹ Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

Sumi Naga CL (Re-edited) Bible (BSI)

¹¹ khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

1 Peter 4:11 ပူးပေါင်းရင်းမြစ်များ

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

John 13:31

Kughou Judas no wuve keno Jisü no pi, “Itehi ye Timi Nu juküvüpu shiva eno pa vechewo Alhou juküvüpu shivae.

Apostolmi 7:38

Pa ye Sinai Naghuto lo kungumi pa pütsa keu eno ni pù-asüqo gholo küghünamokeu-a lo kuhokumqo keu lo ake; eno pa no ningu lau pekishe kepu aküxüpu tsaqo saighike.

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

Rommi 12:3

Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

Rommi 16:27

Jisü Khristo vechewo Alhou khuu likhi no alokütsüu keno pülhapuju lo ajuküvü pesü pa tsülo! Amen.

Rommi 3:2

Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

1 Kor. 10:31

Ike nongu no chuna shona momu kiu-kiu shi namu, kümtsü Alhou juküvüpu ghenguno shilo.

1 Kor. 12:4

Aghò jeli kütüta acheni, ikemu Aghungu lakhi no tipaqo kijé tsü cheni.

1 Kor. 3:10

Alhou no küpükini I tsüpüa keu vechewo ni ye aki kishimi alokütsümi lakhi toi aboqha qhapüa tsü ani, ikelo ye kütami khami no tipau shou aki shipuku anie. Ikemu khukhumu aboqha hipau shou shipukuni aye, kutokughoi moayesa nani.

1 Kor. 6:20

Alhou no ame no nongu qhüluvae. Tishiaye nongu phimpi pesü Alhou juküvüpu shitsülo.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 9:13

Kughengu nongu no akümlà hipau vechewo nongu likhi nongu kimchive tsü ake, eno nongu no Khristo tsakiviu ikhilu keu gholo aghokulu shikeu eno nongu no tsükini shikeu vechewo panongu sasü eno kütami kümtsü sasü küsaje keu ghenguno kütamiqo no Alhou sheqhe tsü nani.

Ephesiami 1:19

eno ningu khunoqo no pülü cheni keno ningu ghenguno paw kimghi müla keu küká kijè akeqo ithulu peniye ke. Aküka tipau ye

Ephesiami 4:29

Nongu kichí lo shiküpüsa tsa kiumu ipeghi pe kevilo, ikemu kütami no avehupu shi akeu kiqi lono kiu no panongu shiqhepukulu nani keno tilikhi pilo. Tishilu keu vechewo khunoqo nongu kükütsü ini ani keno tipaqo pelo alá shilu peniye ke.

Ephesiami 5:20

pülhapuju ningu Mpeu Jisü Khristo je lono thowkha kümtsü ghenguno Apù Alhou shikimthi tsülo.

Ephesiami 6:10

Ashekha shi hi ithilo: Ampeu kughushu küká lono akumto shi alo.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

FILIPIAMI 2:11

eno Apù Alhou juküvü shi ghi timi kümtsü no Jisü Khristo ye Ampeu kepi ikhilu no asheshu nani.

Kolosiami 4:6

Nongu tsapi lo alhokuthu küpükini no chhitoi shi no jumghai shilo, tishianguno nongu ye kíshi timiqo kümtsü khochilelu moayesa keno ithi peniye ke.

1 Thes. 2:4

Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

1 Tim. 6:16

Pa likhi no thichemo keu Lhou eno pa phivilo wumla keu küvü lo xü acheni, khuu nomu pa ithulu püamo eno khuu nomu pa shou jupuku müla nani. Agigihu eno lhokta küká alhokupuju pa lau apelo! Amen.

Titus 2:1

Tishimu no ye, mütsümishei keu aküpülü külü lo kiu no achipi keno tipau shika moayesa ke.

Titus 2:15

Tishiaye, no ye hipaqo vehu pesü shika moayesae. Kükagha kümtsü pephe no shikumto eno alòmi pilo. Khiu pelomu O jukünatha pe kevilo.

IBRIMI 13:7

Nonguw sakiphemi khunoqo no Alhou tsa pesü nongu vilo piche keno panongu kümsülulo. Panongu küxü gholaw visavili kümsüju no panongu küpülü kimihi shilo.

IBRIMI 5:12

Kuchou lo ye itehi nongu ye kükütsümiqo shi aghive kepu ke, nongu ye khuala no nongu vilo huthu kithethu shi Alhou tsa kuchou boqhaqo pe nongu lau shika pe nikeu avehupu shi ani. Nongu ye akümka chuqu kumo no akichhizü avehupu shi ani.

James 1:19

I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

James 1:26

Khuno no pa likhi pa ye achineye lo amlotsüqhiyi kemi ipi kümsü cheni püzü pa mili ghasülu chemo keno pa likhi pa pishiqhi anie, eno pa chineye ye ameküha ke.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.

1 Peter 4:10

Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.

1 Peter 4:16

Ikemu, tsalá nongu Khristomi lakhi shi no ime aye, kujo akevilo, ikemu nongu no aje tipau xapu akeu lo Alhou sheqhelo.

1 Peter 5:11

Alhokupuju lono alhokupuju kutólo aküka ye paw shi ache peniu. Amen.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.