1 Peter 3:4 - Sümi Tiqhelimi Bible

⁴ Tishini ke züqhu nongu jukivi ye nongu lolo, idive chemo keu iqüighai keu ngò iqünhei keu ngulho, khikhi Alhou zülo ighono amekusho keno, tipau no nongu jukivi shi moayesa ke.

BAIBEL (BSI)

⁴ Ikemu nongu jukiviye nongu lolo kuchou mlo xapulo,iquneyi eno ivunheyi keu pesu khilemu idivemo keu jukivi shipelo, Alhou zuloye hino ighono amekusho chike.

Sumi Naga CL (Re-edited) Bible (BSI)

⁴ ikemu nonguw jukivi ye alolo nongu mpi kuchou akeu huno shilo, tino akümtsha eno iqünhei keu ghunguw shipüsa kümlapu jukivi, Alhou zülo ighono akughupu ke.

1 Peter 3:4 ပူးပေါင်းရင်းမြစ်များ

MATTHEW 11:29

Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

MATTHEW 21:5

“Zion Ngá vilo pilo, ‘Julo, O kükau O lau chenie, akümtsha shi khurha lakhi sasü chenie, pa ye khurhati shou iqa püzü chenie.’ ”

MATTHEW 23:26

Phariseemiqou! Atüghishi akhu ajikhu alou paghi küsüve lo, tishianguno ashou ghí mithe ananie.

MATTHEW 5:5

Ivünhei kemiqo kümghae kughengu panongu no ayeghi lo mheghi ighílu nani.

Luke 11:40

Nongu mbomzü timiqo! Ashou lhotsü keu hu no alou ghí lhotsü ke kumo keshea?

Luke 16:15

Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

Rommi 1:23

eno ajuküvü pesü thimo keu Lhou tsü nikeu züqhulo panongu ye thiveniküau timi julho, aghau, lhoxü eno itikiche lhoxü julho toi ithulu keqo müláuve ke.

Rommi 2:29

Ikemu, timi khuu no alolo no Jewmi keno pa ye Jewmi ke; eno akiyé yeza lo yèpüa keu vechewo kumo no Alhou Ghungu vechewo amlo kililu keu hu no aphighüyiko-küghá kuchou ke. Titoi kemi lakhi ye timi kütami lau no kumo püzü Alhou lau no akishé ithulu cheni.

Rommi 6:6

Kughengu ningu no ithi akeu no ningu küxü aqau ye pa gholo yedaküqhavae, tishianguno axiné no qhasü pe achekeu phimpi hu ye shipühave peniye ke, eno ningu ye axiné qüaxe shipemove niye ke—

Rommi 7:22

Kughengu ni ye I lolo Alhou yeza lo alokiqi acheni;

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 4:16

Tighenguno ningu ye amlo hauve chemoe. Ningu phimpi ye tsümave aya kemu ningu lolo ye tsalà kipetsü akithé shikitheve tsü ani.

Galatiami 5:23

mtshaivü keu eno küsüqhikulu ke. Hitoi keqo shou ye ayeza kiumu kühae.

Ephesiami 4:2

Alhokuthu aqhokighe eno akümtsha shilo; kheakulu shilo eno kikimiye lono lakhi no lakhi lau küsüqhikulu shilo.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

Kolosiami 3:3

Kughengu nongu ye thivae, eno itehi nongu küxü ye Khristo gholo no Alhou no küsüpe qhivae.

1 Thes. 4:11

eno iqünhei keu küxü xü nikeu no nongu kimiji shilo: ningu no nongu vilo pike toi nongu ye nongu likhi nongu kümlapù lo amlotsüqhiyi amasa eno nongu u no mülà amasa ke,

2 Thes. 3:12

Timi hitoi keqo ye kithikiyi xüwuve no panongu no chu kepu chuqupu ghenguno mülà moayesa kepi ningu no Ampeu Jisü Khristo lono hakite ghi azah tsü ani.

1 Tim. 2:2

Tihutoi kükami eno kükagha lo akemi kümtsü ghenguno inikhu tsülo, tishianguno ningu pelo Alhou ithi keu eno akimthe lono iqünhei eno aloino ghi xülu penike.

2 Tim. 2:25

Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,

Titus 3:2

khiumu pipütha pemo nikeu, külakishi eno kümsükulumi shi apeni keu eno alhokuthu lo kümtsü lau akümtsha shi apenike ghutú alo.

James 1:21

Tighenguno, aphikümqhüpu süqesüli eno küsakügha kümlà ighono qhakuchho shi akeu kümtsü qhivelo eno Alhou tsa O lolo shosüpüa keu aqhokigheu shi ikhilulo, tino O xalu nani ke.

1 Peter 1:23

Kughengu nongu ye tsümave nikeu piti kumo no tsümavemo nikeu piti, tiye xü akeu eno pühavemo nikeu Alhou tsa vechewo punú kitheve ake.

1 Peter 3:15

Ikemu nongu mlo lo Khristo ye Ampeu kepi gihu lo. Nongu no lajupu akeu kiqi iniju kemi kümtsü vilo khochile tsüní ke alhokuthu lo kutò pe alo. Ikemu iqüighai eno agigihu,