1 Peter 3:17 - Sümi Tiqhelimi Bible

¹⁷ Kughengu tsalá Alhou pulou shi aghí aye küsakügha kümlà shikeu ghenguno ime akepu ye akivi kümlà shikeu ghenguno ime keu pavi ke.

BAIBEL (BSI)

¹⁷ Kughengu Alhou pulou shiaghi kepushiaye alhoksapu shikeu ghenguno aghimeshi keu nguno amikucho kumla shikeu lono imeve keu pavike.

Sumi Naga CL (Re-edited) Bible (BSI)

¹⁷ Kughengu Alhou lopushi aghi aye, alhoksa kümla ghenguno imeve keu ye akivi ghenguu no imeve ke pavie.

1 Peter 3:17 ပူးပေါင်းရင်းမြစ်များ

MATTHEW 26:39

Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”

MATTHEW 26:42

Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”

Apostolmi 18:21

Ikemu wuve niye akelo Paul no ashoqhi shi ghi panoqo vilo pi, “Alhou pulou shi aghí aye, ni ye nongu lau ideighi nani.” Tisheno zükilu lono Ephesus lo wuve.

Apostolmi 21:14

Kughou pa pütsaqhi mülave keno ningu no, “Ampeu pulou shipeniu,” ipive no palokutove.

1 Peter 1:6

Itehi ado kitila ghenguno nongu ye pekuju jeli kümtsü lo amlokighishi shi ime moayesa kepu shi aghí namu hipaqo kümtsü lo nongu ye alokivipu kijè anike.

1 Peter 2:15

Kughengu nongu ye akümlà kivi shikeu vechewo nikhanighamiqow akümtha tsa hasülu moayesa keu no Alhou pulou ke.

1 Peter 2:20

Ikemu tsalá nongu no achipikumo kümlà ghenguno nongu heqhi keu lo kutuuluve aye tiye kíshi no nongu ghenguno alá shilu nani kea? Ikemu tsalá nongu no akivi shikeu ghenguno ghime keu lo kutuuluve aye, hiye Alhou zülo sheqhe küzüpu ke.

1 Peter 3:14

Ikemu tsalá nongu no kiu no achipiu keno tipau ghenguno imeve kepu shi aghimu, nongu ye akümghapu ke. “Panongu no kichiqhi keqo lo msà kevilo; nongu shikümsave pe kevilo.”

1 Peter 4:15

Tsalá nongu no ime aye, tiye hekiqhimi momu küpkami momu ayeza heküxami toi keu, momu kütami pünaqhi chekemi no ime chekeu toi kepu kumoe.

1 Peter 4:19

Ike tishiaye, khunoqo no Alhou pulou kiqi lono ime ani keno panongu ye panonguw pükhübekulu Pulhoküsüu lau pano likhi panongu ikhiphe pesü tsüve no akivi kümlà mülakibe moayesa nani.