1 Peter 3:16 - Sümi Tiqhelimi Bible

¹⁶ eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

BAIBEL (BSI)

¹⁶ Nongu wu kiviksa lokutsu hu mutsumisheyi shipe pualo tishianguno kutamino nongu ghusho keulo, nonguno Khristo papemike ghenguno khunono nowu ghushoghili kivi hu pipusa nikeno pano tsapino panoqo shikukujove nani.

Sumi Naga CL (Re-edited) Bible (BSI)

¹⁶ nonguw kiviküsa lokütsü huno akipimi tsüpemo kepushi mtsümishei keu mlo xapulo, tishianguno kughou nongu pipüthani keno, nongu no Khristo laumi kehu nonguw süqesüli kivi pipütha kemi pelo kujove peniye ke.

1 Peter 3:16 ပူးပေါင်းရင်းမြစ်များ

MATTHEW 5:11

“Kughou I ghenguno timi no nongu thaigha, pishi-puju eno akimiki lono küsakügha jeli kümtsü pesü nongu shou pipukuni keno nongu kümghae.

Apostolmi 24:16

Ikehu ni ye Alhou eno timi zülo I lolo kighithi akeu mütsümishei qhini ke pükapütsa acheni.

Apostolmi 28:22

Ikemu ningu ye O kükümsü ithinishi ani, kughengu ningu no ithi akeu no aqha kümtsü lo timiqo ye achineye mqo hipau lachile keu tsa piakhani ke.”

Rommi 9:1

Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

2 Tim. 1:3

Ni ye alolo kighithi mütsümishei shi no I pù-asünoqo no qe chekeu lhou khuu I no qe acheni keno pa shikimthi ani. Ni ye putho-pucho I kighini lo tamo no O kümsülu acheni.

Titus 2:8

eno O tsapi lo thaighamla kepu shi mütsümishei shilo, tishianguno O mujochile chekemi pelo ningu ghili lhoküsa kiumu pi kepu küha kelau no kujove penike.

IBRIMI 13:18

Ningu ghenguno inikhu tsülo. Ningu ye alolo kighithi eno thowkha jeli kümtsü lo agigihupu küxü xü nishi keu mütsümishei ani.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

1 Peter 2:15

Kughengu nongu ye akümlà kivi shikeu vechewo nikhanighamiqow akümtha tsa hasülu moayesa keu no Alhou pulou ke.

1 Peter 2:19

Kughengu tsalá khuala no Alhou ithi aghí keu ghenguno achipikumo ghime küsǜ xapuqheluve aye tiye sheqhe küzüpu ke.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

1 Peter 4:4

Panongu ye nongu no panonguw inapügha eno xükümtha küxü lo kulojimo keu lo akichiqhive no panongu no nongu shou alòmi pipuku ke.