1 Peter 3:10 - Sümi Tiqhelimi Bible

¹⁰ Kughengu, “Khuno no aküxü kimiyeni eno atsala kiviqo ithuluni keno panongu ye küsakügha lau no panongu mili ghasüve moayesae. eno panongu mtsü pelo pishikiqhi tsapiqo pìní keu lono ghasüve moayesa.

BAIBEL (BSI)

¹⁰ Kuchoyesulo ishi pikeu toi, “Khunono akuxu kupuqhiyi cheni keno eno atsala kivi ithulu nishi cheni keno, Paye alhoksa pinikeu lono pa mili kutsukiyi luvelo eno akimkitsa pinikeu lono pa mutsu miki luvelo.

Sumi Naga CL (Re-edited) Bible (BSI)

¹⁰ Kughengu “Khunono aküxü kimiye eno atsala kivi ithuluni shi cheni keno, pa ye alhoksa tsapi lono pa mili kütsü luve eno pishikiqhi tsa lono pa mütsü kujukhavelo;

1 Peter 3:10 ပူးပေါင်းရင်းမြစ်များ

MATTHEW 19:17

Jisü no khochile. “No ye kushiye I vilo akivipu vehu iniju ani kea? Akivi ipikeu ye milakhi likhi ke. Tsalá nono aküxüpu lo ilonishi aye, no ye azakütsüqo pelu moayesae.”

Mark 8:35

Kughengu khuno no pano likhi pano küxü süsho nishi cheni keno pühave nani, ikemu khuno no aküxü ikhiphe pe ni eno atsakiviu ghenguno tsüveni keno xaluve nani.

John 1:47

Kughou Jisü no Nathanael no pa küdau chekeu ithulu keno pa no Nathanael ghili ishi pi, “Israelmi kuchou no hi chenie. Pa lolo pishikiqhi kühae.”

John 12:25

Khukhumu pano küxü kimiye keu ye pühave nani, ikemu khukhumu ayeghi hipau lo pano küxü mithive aye lhokta küxü ananie.

James 1:26

Khuno no pa likhi pa ye achineye lo amlotsüqhiyi kemi ipi kümsü cheni püzü pa mili ghasülu chemo keno pa likhi pa pishiqhi anie, eno pa chineye ye ameküha ke.

1 Peter 2:1

Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

1 Peter 2:22

“Pa ye axiné lakhimu shimoe, eno pa kichí lo pishikiqhi tsa lakhimu phumlae.”

Piyeküsü 14:5

Panongu kichí lo akimiki tsa piqhimoe; eno panongu ye tukutiye küha kemiqo ke.