1 Peter 3:1 - Sümi Tiqhelimi Bible

¹ Anipuqo, tipau tho lono nongu likhi nongu ikhiphe pesü nongu kimiqo lau tsülo tishi keu vechewo tsalá panongu khuala no Alhou tsa shou pülümo aye, atsa pimo no panongu nipuqo ghiliaye vechewo züluve peniye ke,

BAIBEL (BSI)

¹ Nongu anipunoqoye nongu kimiqo qhoqhu gihulo, tishianguno panoqo gholo Alhou tsa pulumokemi namu nongu ghushoghili lono panoqo zuluvekepu shiluve nani,

Sumi Naga CL (Re-edited) Bible (BSI)

¹ Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

1 Peter 3:1 ပူးပေါင်းရင်းမြစ်များ

MATTHEW 18:15

“Tsalá O thiküzüu momu O chepu no O shou axiné shive aye, wu no panongu kipimí kichephe tsülo, eno tiye nokujo dolo likhi no ithikile lo. Tsalá panongu no O tsa ini tsü aye, no ye panongu züluvae.

Rommi 10:16

Ikemu Israelmiqo kümtsü no atsakiviu ikhilu ke kumoe. Kughengu Isaiah no pi, “Ampeu, khuu no ningu kükütsü sütsa pülü tsü kea?”

Rommi 6:17

Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

Rommi 7:2

Kiche-kipiye, külave kemi totimi lakhi ye li kimi no xü ake kutólo ayeza no li kimi gholo tsüghape acheni, ikemu li kimi no thive aye, li ye li kimi gholo tsüghape achekeu yeza lono kuqhopheve cheni.

1 Kor. 11:3

Ikemu I no nongu pelo ithi penishi akeu ye kipitimi kümtsü shou akütsü ye Khristo ke, eno totimi shou li kimi no akütsü ke, eno titoi Khristo shou Alhou no akütsü ke.

1 Kor. 14:34

Totimiqo ye akukuho lo kuho akelo inaqhoi ngo kepue. Panongu ye atsa pipe kepu kumo, ikemu Jewmi yeza lo pipüa keu toi panongu ye aqhokigheu shi moayesa ke.

1 Kor. 7:16

Nono küpülümi anipu lakhi shi aghí aye, no ye kíshi no O kimi ye xalu nani keo xamla nani keno ithi nani kea? Momu nono küpülümi akimi lakhi shi aghí aye, no ye kíshi no O nipu ye xalu nani keo xamla nani keno ithi nani kea?

Ephesiami 5:33

Tishi namu, nongu lakhi-khi no nongu likhi nongu kimiye ketoi nongu nipu kimiye moayesae, eno anipu ghí li kimi gihu moayesa ke.

Kolosiami 3:18

Anipuqo, nongu kimi qhoqhü lo, kughengu Khristomi ghenguno tishi keu no achipi ke.

Kolosiami 4:5

Alhou pülümo kemi gizülo nongu ye alokütsü shi no xü pìyelo; eno adokivi ithukulu kümtsü akivishi peitha lo.

2 Thes. 1:8

Khunoqo no Alhou mtha eno ningu Mpeu Jisü tsakiviu gholumoni keno Ampeu no panoqo ghimeqhi nani.

IBRIMI 11:8

Abraham ye kughou pa vilo kutou pa mheghi shi niye akeu a-a lakhi lo wulo pi ku keno pa ye khila wucheni keno mtha kemu aküpülü vechewo aghokulu shi wuke.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 3:2

tiye panongu no nongu kimthe eno Alhou sümsaqhiyi keu küxü ithuluve nani.

1 Peter 3:7

Akiminoqo, tipau tho lono nongu no nongu nipùnoqo sasü akelo akümtsha shi xülo, eno panongu ye miqemilei keu tüna kehu panongu gihu ghi tucho-mjo eno panongu ghí nongu gholo küpükini küxü ghò mheghi ighílu keu toi sasü xülo, tishi keu vechewo kiunomu nongu kighiniqo lakhamo nani ke.

1 Peter 4:17

Kughengu hiye Alhou kibolomi dolo no küghakütha huthu nikeu do tovae; eno tsalá ningu lau no huthu aye, khunoqo no Alhou tsakiviu gholu chemo keno panongu ghengu ye kiu shive nani kea?