1 Peter 2:21 - Sümi Tiqhelimi Bible

²¹ Hipau ghenguno nongu kulùvea ke, kughengu Khristo ye nongu ghenguno ime keu vechewo nongu ghenguno kiche-kipiye lakhi qhivetsüae, eno nongu ye pa nepa lo pape moayesae.

BAIBEL (BSI)

²¹ Kughengu hikithipulo Alhou no nongu kuluvae, kughengu Khristo ghi nongu ghenguno aghime shiveke eno nongu lau kichekipiye lakhi qhipuatsu anike, tishianguno nongu pelo pa nepalo nesu peniyeke.

Sumi Naga CL (Re-edited) Bible (BSI)

²¹ Kughengu nongu ye hipau lo kuluvae, Khristo ghi nongu ghenguno imeve kehu kichekipiye shi nongu lau qhi püatsü ae, tishianguno nongu no Pa nepa papelu peniye ke.

1 Peter 2:21 ပူးပေါင်းရင်းမြစ်များ

MATTHEW 10:38

Khuu no paw kros xapumo no I papeni keno I khopemi shiküzü kumoe.

MATTHEW 11:29

Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

MATTHEW 16:24

Tisheno Jisü no pa khopemiqo vilo pi, “I khopemi shinishi kemi ye pa likhi pa milive moayesa eno paw kros xapu no I pape moayesae.

Luke 24:26

Messiah ye hipaqo kümtsü ime no pa juküvü lo ilo nikeu shike kumo keshea?”

John 13:15

I no nongu ghenguno kiu shi keno nongu pelo tishi peniye nongu lau kiche-kipiye shive tsüae.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 17:3

eno Messiah ye ime moayesave keu eno akithí lono xülethuve keu ghili phukideküdai pesü hepho-piye tsü. Paul no, “Hi Jisü khuu pesü I no nongu vilo piani keno pa ye Messiah ke,” ipie.

Apostolmi 9:16

I je ghenguno pa ye khijehi ime moayesa keno I no pa pìye nani.”

Rommi 8:29

Alhou no azüu no khunoqo ithi akeno panoqo ghengu ye pa nu jukimihi lo küsaje penike püzüu no kughuchho pe qhive ke, tishianguno pa pelo athiküzümi eno achelimiqo kutomo gholo amsüu shilu peniye ke.

1 Kor. 11:1

I no Khristo kimihi shi ketoi nongu ghí pa kimihi shilo.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

FILIPIAMI 2:5

Nongu lakhi no lakhi sasü kütshükime akeu lo Khristo Jisü kükümsü toi xapu lo:

1 Thes. 3:3

tishianguno khuu pelo nomu pekuju hipaqo vechewo avehuizü pemo niye ke. Kughengu nongu no akivishi ithi akeu toi ningu pelo hipaqo sholu penike azüu no kughuchho pe qhivetsü ake.

1 Thes. 4:2

Kughengu Ampeu Jisü kükagha vechewo ningu no shikakütsü kiu nongu tsü keno nongu no ithi anie.

2 Tim. 3:12

Kuchou lo ye, khukhumu Khristo Jisü vechewo Alhou sümsa keu küxü xü nishi kemi ye pishi-puju nani,

IBRIMI 2:10

Alhou khuu ghenguno eno khuu vechewo thowkha kümtsü acheghi keno pa no anu eno angáqo kutomo ajuküvü lo süghi nike ghenguno Jisü ghime vechewo panonguw amsüu kupukülai keu xakulu süghitsü keu ye achipi ke.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

1 Peter 4:1

Tighenguno, Khristo ye pa phimpi lo imeve ake ghenguno, nongu ghí titoi keu kükümsü athoshi pulo, kughengu khukhumu aphimpi lono ime keu ye axiné shichemoe.

1 Peter 4:13

Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

1 John 2:6

Khukhumu pa ye Alhou gholo xüani kepi pükha aghí aye Jisü no xü keu toi xü moayesae.

1 John 3:16

Kikimiye ye kiu keno ningu no hitoi ke ipi ithi acheni: Jisü Khristo no ningu ghenguno pa küxü tsüve ke. Eno ningu ye athiküzümi eno achelimiqo ghenguno ningu küxü tsü moayesa ke.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.