1 Peter 2:2 - Sümi Tiqhelimi Bible

² Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

BAIBEL (BSI)

² Anga kughununo akichhizu yenishike toi nongu ghi akimthe anguaghapu kichhizu yenishilo, tishianguno nongu ghi thuikulu puzu xakulupu shilu nani.

Sumi Naga CL (Re-edited) Bible (BSI)

² Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

1 Peter 2:2 ပူးပေါင်းရင်းမြစ်များ

MATTHEW 18:3

Eno pa no pi: “Kuchou no I no nongu vilo piani, nongu no kilive püzü itimi lakhi toivemo ke thaqhülo, nongu ye khilemu kungugha kükaphu lo ilo müla nani.

MATTHEW 19:14

Ikelo Jisü no pi, “Itimiqo pelo I lau ighi pelo, eno panongu lakha kevilo, kughengu kungugha kükaphu ye hitoi kemiqow ke.”

Mark 10:15

Kuchou no I no nongu vilo piani, timi khuu no itimi lakhi toive püzü Alhou kükaphu ikhilumo nike no khilemu Alhou kükaphu lo ilo müla nani.”

Luke 18:17

Kuchou no I no nongu vilo piani, timi khuu no itimi lakhi toi Alhou kükaphu ikhilumoni keno khilemu Alhou kükaphu lo ilo müla nani.”

Rommi 6:4

Tighenguno ningu ye baptiz shikeu vechewo pa gholo thive no qho küqhavae, tishi keu vechewo Apù juküvü vechewo akithí lono Khristo xüputhuve keu toi, ningu ghí aküxü kithé xülu peniye ke.

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

Ephesiami 2:21

Aki kuchopu pa no aqó shi kimepe püani eno tipau pelo Ampeu lau akimthe chineki lakhi shilu penike thuwulu pe ani.

Ephesiami 4:15

Tishini ke züqhulo, kikimiye lono kuchou tsa pikeu lono ningu ye alaghi jeli lono Khristo khuu no akütsü keno pa phimpi lo tekhoilu ghi thuwulu nani.

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

1 Peter 1:23

Kughengu nongu ye tsümave nikeu piti kumo no tsümavemo nikeu piti, tiye xü akeu eno pühavemo nikeu Alhou tsa vechewo punú kitheve ake.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.