1 Peter 2:1 - Sümi Tiqhelimi Bible

¹ Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

BAIBEL (BSI)

¹ Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.

Sumi Naga CL (Re-edited) Bible (BSI)

¹ Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

1 Peter 2:1 ပူးပေါင်းရင်းမြစ်များ

MATTHEW 15:7

Nongu kühaküghaqo! Isaiah no tungkuptsa lono nongu ghili pi kelo pa ye achipi shi pie:

MATTHEW 23:28

Tihutoi, nongu ghí ashou timi gizülo ye amikuchomi toi pìye cheni ikemu alou ye kühakügha eno küsakügha no chhitoi acheni ke.

MATTHEW 24:51

Ampeu no pa qeu aleqhi shi ghithave nani eno pa pesü kühaküghamiqo gholo qhive nani, eno tilehi ahu tsüghü-bubushi qa anani.”

MATTHEW 7:5

No ye kühaküghamie, atüghishi O nhethi lo asülu akeu ikhive paghilo, tishianguno no ye O nhethi tsüghükhüi shi püzü, O thiküzüu nhethi lo amihi akeu ikhi phelu kepu shi nani ke.

Mark 12:15

Ningu ye tsü kepu keo mokea? Ikemu Jisü ye panoqow kühakügha ithi ake. Ike pa no ishi iniju, “Nongu ye kushiye ni kitime niye pükapütsa ani kea? Ghükayi lakhi I lau süghi lo eno I pelo ti ju pelo.”

Luke 11:44

“Nongu ye ahaküsapue, kughengu nongu ye amichi shimo keu kumokiqo, khikhi timi no mtha no tipau shou püla cheni keno, tipaqo toi ke.”

Luke 12:1

Tishi akelo, timi qhethonhe shou kumqoluve, ikehu panongu lakhi no lakhi neda wuve, ikelo Jisü no atüghishi pa khopemiqo vilo ishi pi: “Nongu ye Phariseemi’w kühakügha lichhe lono nongu likhi nongu jukuto alo.

Luke 6:42

No ye kíshi no O likhi O nhethi lo asülu akeu jukutomo püzü O thiküzüu vilo, ‘O nhethi lo amihi akeu I no ikhipheve tsüní,’ ipi luni kea? No ye kühaküghamie, atüghishi O likhi O nhethi lo asülu akeu ikhive paghilo, tishianguno no ye O nhethi tsüghükhüi shi püzü, O thiküzüu nhethi lo amihi akeu ikhi phelu kepu shi nani ke.

John 1:47

Kughou Jisü no Nathanael no pa küdau chekeu ithulu keno pa no Nathanael ghili ishi pi, “Israelmi kuchou no hi chenie. Pa lolo pishikiqhi kühae.”

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

1 Kor. 5:8

Tighenguno ningu ye kholaqhi aqau, ti axeküsü ngò küsakügha, pesü Tiqhitini ghulhu shimoni, ikemu kholaqhi sümo keu sho, ti amikucho eno kuchou, pesü hipau ghulhu shinie.

2 Kor. 12:20

Kughengu kughou I no ighini keno nongu ye I no shipe nishi akeu toi aghimo nikeu, eno nongu no I pelo shipe nishi akeu toi ni ithulumo nikeu ghenguno ni ye msà anie. Ni ye tilau küqhakümla, anhekushu, mutomushu keu, alakimine kimji, piküpüsa, xikishi, akumchho, eno kübangü keu aghíni keu msà ani.

Ephesiami 4:31

Kuqhumo keu, aloghukighide eno amlokighide, muqhumüza keu, pipütha keu eno axeküsü jeliqo pevelo.

1 Thes. 2:3

Kughengu ningu no kütsü chekeu ye shikipimi momu mithekumo kimiji lono kumo ke, momu ningu ye nongu pishiqhi niye pükapütsa anike kumoe.

1 Tim. 3:11

Tipau tho lono totimiqo ghí gihu küzüpu shi moayesa, timi xishi kepu kumo ikemu aghibiu shi no thowkha lo pükhübekulu shi moayesa.

Titus 2:3

Tihutoi, totimi kichimiqo vilo panongu küxü ghola lo gihu küzüpu shi xü nikeu, timi no pipüthamo nikeu momu aji shokümzümi shimo nikeu shikalo eno kiu no akivi keno tipau shikalo.

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

James 1:21

Tighenguno, aphikümqhüpu süqesüli eno küsakügha kümlà ighono qhakuchho shi akeu kümtsü qhivelo eno Alhou tsa O lolo shosüpüa keu aqhokigheu shi ikhilulo, tino O xalu nani ke.

James 3:14

Ikemu tsalá nono O mlo lo mijimülai keu nhekushu eno alakimine kimiji ghakütsüpe qhi aye, tipau ghenguno qheza kevi momu kuchou milive kevilo.

James 4:11

Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

James 4:5

Ikeo nongu ye Kuchoyesü ye kiumu akiqi küha no Alhou no anheshuqhiyi aghungu ningu lolo qhitsü keu kümsükütü acheni kepi pipüani kepi kümsü ani kea?

James 5:9

Athiküzümi eno achelimiqo nongu lakhi no lakhi lau nhenheshi kevilo tishiaye no ye küghathabeve nani. Küghaküthau ye ahukikha lo puthugho ani!

1 Peter 2:16

Kuqhopheve kemi toi xülo, ikemu nongu ye kuqhophevea kepi tipau pesü küsakügha nhave nikeu ghenguno peitha kevilo; Alhou qüaxemi toi xülo.

1 Peter 2:22

“Pa ye axiné lakhimu shimoe, eno pa kichí lo pishikiqhi tsa lakhimu phumlae.”

1 Peter 3:10

Kughengu, “Khuno no aküxü kimiyeni eno atsala kiviqo ithuluni keno panongu ye küsakügha lau no panongu mili ghasüve moayesae. eno panongu mtsü pelo pishikiqhi tsapiqo pìní keu lono ghasüve moayesa.

1 Peter 4:2

Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

1 Peter 4:4

Panongu ye nongu no panonguw inapügha eno xükümtha küxü lo kulojimo keu lo akichiqhive no panongu no nongu shou alòmi pipuku ke.

Piyeküsü 14:5

Panongu kichí lo akimiki tsa piqhimoe; eno panongu ye tukutiye küha kemiqo ke.