1 Peter 1:8 - Sümi Tiqhelimi Bible

⁸ Nongu ye pa ithulu mphi kemu, nongu no pa kimiye ke; eno nongu no itehi pa ithumla namu, nongu no pa shou pülü ke eno piphekümlapu eno ajuküvü lokiqi no chhitoi anike,

BAIBEL (BSI)

⁸ Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

Sumi Naga CL (Re-edited) Bible (BSI)

⁸ Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

1 Peter 1:8 ပူးပေါင်းရင်းမြစ်များ

MATTHEW 10:37

“Khuu no I nguno alau papù momu azá kimiye nike no, iw shiküzü kumoe; khuu no I nguno alau panu momu panga kimiye nike no iw shiküzü kumoe.

John 14:15

“Nongu no I kimiye cheni aye, I zakütsüqo pelulo.

John 14:21

I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”

John 14:24

I kimiyemo kemiqo I kükütsüqo ikhilumo nani. Nongu no chilu akeu tsa hipaqo ye I tsa kumoe; tipaqo ye I pù khuu I puwu keno paw ke.

John 16:22

Ikehu nongu ghí itehi ye nongu mloghuju shikeu do ke, ikemu itaghi I no nongu sasü kusho nani eno nongu no alovishe nani, eno timi khunomu nongu lokiqi ikhisüwuvemo nani.

John 20:29

Tipathiu Jisü no pa vilo pi, “No ye ni ithulu keu ghenguno pülü anie, ikemu khuno no ni ithulumo namu pülüni keno panongu kümghae.”

John 8:42

Jisü no panongu vilo pi, “Tsalá Alhou no nongu papù shi aghí aye nongu ye I kimiyeni cheke, kughengu ni ye Alhou lau no hilehi ighike. Ni ye I likhi I kutoshi ighimoe; Alhou no I puwu ke.

Apostolmi 16:34

Akughuki jukükütsüu no pama sasü pa ki lo ighi eno pama ghenguno alibe kutotsü; pa ye alokivi no chhitoive kughengu pa eno pa kibolomi kümtsü Alhou shou pülübeluve ke.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

1 Kor. 16:22

Tsalá timi khuala no Ampeu kimiye cheghimo aye, timi tipau ye ghushove peniu! Ighilo, Ampeu!

2 Kor. 1:22

eno paw ke ipikeu michipu ningu shou amichi shivae, eno ighi niye akeu hu ye ithulu nani pütsá ipikeu michi shi pa Ghungu pesü ningu mlo lo sǘvetsüae.

2 Kor. 4:18

Ikehu ningu ye kiu ithulu ani keno tipau shou ningu mlo tsüqhiyi chemoe, ikemu kiu ithulu chemo keno tipau shou ningu mlo tsüqhiyi cheni. Kughengu kiu ithulu ani keno tiye ado kitila ghenguno ke, ikemu kiu ithulu chemo keno tiye lhokta ghenguno ke.

2 Kor. 5:7

Kughengu ningu ye ithulu akeu vechewo kumo no aküpülü vechewo xü cheni.

2 Kor. 9:15

Alhou no paw pikhakümlapu ghò tsü keu ghenguno pa shikimthi ani nolo.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Ephesiami 3:19

eno kikimiye hipau ye akighithi hekiye cheni kepi ithilu peniye ke—tishianguno Alhou’w kupukulu kümtsü pesü nongu pelo chhitoilu peniye ke.

Ephesiami 6:24

Khunoqo thivemo nikeu kikimiye pesü ningu Mpeu Jisü Khristo kimiye acheni keno panongu kümtsü lau küpükini apeniu.

FILIPIAMI 1:25

Hipau lo ishi vethalu ani, I no ithi akeu no ni ye xü anani, eno nongu no ikowolu eno aküpülü lono alokivishi akeu kümtsü lo ni ye nongu gholo anani,

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

FILIPIAMI 4:4

Alhokuthu Ampeu lono alovishelo. I no itaghi piani: Alovishelo!

IBRIMI 11:1

Tishiaye aküpülü ye ningu no laju akeu shou pülübe keu ngò ningu no ithumla keu shou pülüqhiyi keu ke.

IBRIMI 11:27

Pa ye aküpülü vechewo akükau loghu msàmo no Egypt qhive ke; pa ye tsükhoi shike kughengu pa ye khuu ithulu chemo keno pa ithulu ke.

1 Peter 1:6

Itehi ado kitila ghenguno nongu ye pekuju jeli kümtsü lo amlokighishi shi ime moayesa kepu shi aghí namu hipaqo kümtsü lo nongu ye alokivipu kijè anike.

1 Peter 2:7

Itehi nongu khunoqo no pülü ani keno, atu hipau ye akughupu ke. Ikemu khunoqo no pülümo keno, “Aki kishimi no atuqu milive keu no akhotou tuqu shivae,”

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.