1 Peter 1:6 - Sümi Tiqhelimi Bible

⁶ Itehi ado kitila ghenguno nongu ye pekuju jeli kümtsü lo amlokighishi shi ime moayesa kepu shi aghí namu hipaqo kümtsü lo nongu ye alokivipu kijè anike.

BAIBEL (BSI)

⁶ Highenguno, itehiye ado kitila ghenguno nonguye akijikusapu jelilo aghime shiaghi namu nonguye alokivipuke.

Sumi Naga CL (Re-edited) Bible (BSI)

⁶ Hi kümtsü lo nongu ye alovi kepu kije ani, kughengu itehi ado hami ghenguno puju-peju keu jeli sholu kelo nongu ye imeve aghiluvi,

1 Peter 1:6 ပူးပေါင်းရင်းမြစ်များ

MATTHEW 11:28

“Nongu amakho kimishí xapu lhove kemiqo kümtsü I lau ighilo, I no nongu kulhoqhi tsü nike.

MATTHEW 26:37

Jisü no pa gholo Peter eno Zebedee nu pama ishi sasü wu, eno pa ye ighono amloghime shive eno akükümsü kütakihi thuve.

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Luke 1:47

eno I ghungu no I Xakulu Lhou lau alovishe ani,

Luke 10:20

Tishi namu, aghawuqo no nongu qhoqhü keu lo alovi akevilo, ikemu nongu je atsütsǘ lo yèpüa keu ghenguno alovishe alo.”

Luke 2:10

Ikemu kungumi hu no panongu vilo pi: “Msà kevilo. I no timi kümtsü lau alokivi süghi niye shi akeu sütsa kivi pesü nongu lau süghi anie.

John 16:22

Ikehu nongu ghí itehi ye nongu mloghuju shikeu do ke, ikemu itaghi I no nongu sasü kusho nani eno nongu no alovishe nani, eno timi khunomu nongu lokiqi ikhisüwuvemo nani.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

Rommi 5:11

Tilikhi kumoe, ikemu ningu Mpeu Jisü Khristo khuu vechewo ningu no itehi külashiluvea keno pa vechewo no ningu ye Alhou lau ghí alovishe acheni.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

Rommi 9:2

I lolo shishe amloküsa eno ashekha küha keu mloghuju ani.

2 Kor. 4:17

Ningu no aküpüna kitila eno ikhonhei sholu akeqo hu ye ningu pelo lhokta juküvü ithulu pe ani eno lhokta juküvü hu ye kütau kümtsü nguno akiqheu ke.

2 Kor. 6:10

amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

FILIPIAMI 2:26

Kughengu pa ye nongu kümtsü kümsü ani eno nongu no pa no sǜ akeu ghili chiluve keu ghenguno pa ye ighono amlosa ani.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

FILIPIAMI 4:4

Alhokuthu Ampeu lono alovishelo. I no itaghi piani: Alovishelo!

1 Thes. 1:6

Ampeu no xüpiye keu eno ningu no xüpiye keu kishishi nongu no xüke, kughengu nongu no shishe ime akeu dolo no Aghungu Kimthe no tsü keu lokiqi vechewo akükütsü sütsa ikhilu ke.

James 1:2

I thiküzümi eno I chelimiqo, kugho-kughomu nongu no pekuju jeli sholu kelo tiye akiqheu lokiqi kepi kümsülo,

James 1:9

Küpülümiqo ye kuchunu keu tüqhüdo lo panongu ghenguno qhemghai keu-a akeu kümsülu no qheza moayesae.

James 4:9

Amlokighishi shi qalo, mloqa lo eno amloghuju shilo. Nongu kunú pesü mloküqa shive pelo eno nongu lokiqi pesü agi küzü shive pelo.

1 Peter 3:17

Kughengu tsalá Alhou pulou shi aghí aye küsakügha kümlà shikeu ghenguno ime akepu ye akivi kümlà shikeu ghenguno ime keu pavi ke.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.