1 Peter 1:21 - Sümi Tiqhelimi Bible

²¹ Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

BAIBEL (BSI)

²¹ Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

Sumi Naga CL (Re-edited) Bible (BSI)

²¹ Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Peter 1:21 ပူးပေါင်းရင်းမြစ်များ

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

John 12:44

Tisheno Jisü no ighamuku pi, “Khukhumu I shou pülübeluve keu ye I shou likhi pülü anike kumoe, ikemu khuu I puwu keno pa shou pülü ani.

John 14:1

“Nongu mlo kütakihi pe kevilo. Nongu no Alhou shou pülülo eno I shou ghí pülülo.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 17:1

Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 17:5

Ike itehi ye, Apùo, ayeghi lho mphi züu O gholo I juküvü achekeu pe O zülo no I juküvü shitsülo.

John 3:34

Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 4:10

hi ithilo, nongu Israelmi kümtsü: Hiye Nazareth nó ghami Jisü Khristo khuu nongu no yedave kemu Alhou no akithí lono xüputhuve keno pa je lono timi hipau shipivive no nongu zülo puthugho ani.

Rommi 10:9

Nono O kichí lono, “Jisü ye Ampeu,” ipi shupheve eno Alhou no akithí lono pa xüputhuve kepi O mlo lono pülüluve aye, no ye xaluve nani.

Rommi 4:24

ikemu ningu ghenguno ghí ke. Tiye ningu khunoqo no ningu Mpeu Jisü akithí lono xüputhuve tsü keu Lhou shou pülübeni keno pa no ningu ghí achipiu mikuchomi kepi kihitsü nani.

2 Kor. 6:15

Khristo ngò Belial küma dolo kiu küqhakulupu ani kea? Momu küpülümi lakhi ye pülümo kemi lakhi sasü kiu lono aqǘ shikepu ani kea?

Ephesiami 1:15

Hi ghenguno, nongu no Ampeu Jisü lau aküpülü akeu eno nongu no Alhou’w timiqo kümtsü kikimiye akeu ghili I no chilu keu lono,

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

1 Tim. 1:1

Paul, ninguw xakulu Lhou eno ninguw lajupu Khristo Jisü zakütsü vechewo Khristo Jisü’w apostol lakhi no,

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

IBRIMI 6:1

Tighenguno ningu ye Khristo ghiliw hukuthu kükütsüqo qhive no tekhoive keu kükütsü küdau wuni nolo eno akümlà khikhi akithí lo sawuve cheni keno tipau lono amlo pebideve no Alhou pülü keu, baptiz shikeu shikakütsü, au betsü keu, kithimi xüleputhu keu, eno lhokta kutólo küghathabeni keqo hu itaghi aboqha qhakithemoni nolo.

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

1 Peter 1:11

Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

1 Peter 1:3

Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.