1 Peter 1:12 - Sümi Tiqhelimi Bible

¹² Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

BAIBEL (BSI)

¹² Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.

Sumi Naga CL (Re-edited) Bible (BSI)

¹² Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

1 Peter 1:12 ပူးပေါင်းရင်းမြစ်များ

MATTHEW 11:25

Tipau tüqhüdo lo Jisü no pi, “Atsütsǘ eno ayeghi Mpeu, Apùo, I no O sheqhe ani, kughengu nono alokütsümi eno ithisheve kemiqo lau no thime hipaqo küsüpe qhive, eno anuli itimiqo lau tipaqo pephe-piye ke.

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

MATTHEW 16:17

Jisü no khochile, “Jonah nu Simon, no ye akümghaue, kughengu hiye timi küdau no O lau pephe ke kumoe, ikemu I pù kungugha lo akeu no ke.

Mark 16:15

Jisü no panongu vilo pi, “Ayeghiqha kümtsü lo wulo eno timi kümtsü lau atsakiviu kütsü lo.

Luke 15:10

I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”

Luke 2:26

Pa ye Ampeu Alhou’w Messiah ithulumo ke kutólo thimo nani ipi Aghungu Kimthe no pa lau pephe-piye püake.

Luke 9:6

Ike panongu no alà cheve no aphu lakhi lono lakhi lo wu no atsakiviu pesü asheshu eno aqha kümtsü lo timiqo shipivie.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

Apostolmi 10:44

Peter no atsa hipaqo piaphi lono akükütsü sütsa inilu kemi kümtsü shou Aghungu Kimthe ikughive.

Apostolmi 16:10

Paul no kungunhetsü ithuluve kethiu Alhou no panongu lau atsakiviu pesü pipe nike ningu kulùvea kepi ithive no paikhavi Macedonia lo wuve nike aghili kutoluve.

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Apostolmi 4:31

Panongu no akighini shive kethiu, khilehi panongu no kuho akeno tipau-a sükinie. Eno panongu kümtsü Aghungu Kimthe no chhitoive no amlo kumto shi Alhou tsape shie.

Apostolmi 4:8

Ikehu Peter no Aghungu Kimthe no chhitoi shi püzü panoqo vilo pi: “Timi shou ayekipemi eno kichimiqo!

Apostolmi 8:25

Ampeu tsa pesü asheshu eno Jisü shepe shive kethiu, Peter ngò John pama ye Jerusalem lo idewove, eno woche kelo Samariami phu kutomo lo atsakiviu pesü kütsüe.

Rommi 1:15

Tighenguno ni ye nongu Rome lo akemiqo vilo ghí atsakiviu pikülha nike shishe khekulhoshi ani.

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

Rommi 10:15

Eno khukhumu puwumo kelo ye kíshi no akükütsü sütsa pikülhani kea? Kuchoyesü lo ishi yèpüa keu toi: “Atsakiviu pesü ighi chekemi pukhu ye kiutoi akümzapushi jukivi kela!”

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

1 Kor. 2:10

hipaqo ye Alhou no pa Ghungu vechewo ningu lau pephe-piyevae. Aghungu no thowkha kümtsü lheju cheni, tiye Alhou kukughu thonhei küsüpüa keu kutólo lheju cheni.

2 Kor. 1:22

eno paw ke ipikeu michipu ningu shou amichi shivae, eno ighi niye akeu hu ye ithulu nani pütsá ipikeu michi shi pa Ghungu pesü ningu mlo lo sǘvetsüae.

2 Kor. 6:6

Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni.

Galatiami 1:12

Ni ye timi khuu lau nomu hipau ithulumoe, momu hipau I shikamoe; ikemu, ni ye Jisü Khristo lau no piyesü keu vechewo ithulu ke.

Galatiami 1:16

I lau pa Nu pìye nikeu lo amlokiqi shike tishi keu vechewo I pelo Jewkumomiqo gholo pa ghili kütsükulupu shipe niye ke. Ikehu ni ye paikhavi timi khuu vilomu kighinikile keu shimoe.

Ephesiami 3:10

Pa kupulo ye itehi akukuhou vechewo kungugha kükaqhaqo lo ayekipemi eno kükagha lo akemiqo lau Alhou lokütsü jeli kümtsü ithi peniye ke,

1 Thes. 2:9

Athiküzümi eno achelimiqo, ningu no ghichhe-ghime shi mülà keu nongu ye mütsümishei ithi anie; ningu ye Alhou tsakiviu pesü nongu lau pikülha ake ghuloki lo khiumu pünanishimo keu ghenguno ningu ye putho-pucho mülà acheke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

IBRIMI 11:13

Timi hipaqo kümtsü thiveni ke kutólo aküpülü vechewo xü ake. Panongu ye panongu lau piqhipüa keu thimeqo ithumla ke; panongu ye anhethi likhi no tipaqo ithulu no putou lono panongu sasülu ke, eno panongu ye ayeghi hipau lo inami eno tüsümiqo kepi ikhilu ghi hi shike.

IBRIMI 2:4

Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.

IBRIMI 4:2

Kughengu panongu lau shikeu toi ningu kümtsü lau ghí atsakiviu shuphevea ke; ikemu panongu no akükütsü sütsa chilu keu ye panongu ghenguno kumu ameküha ke, kughengu panongu ye khunoqo no aghokulu shi keno panongu küpülü gholo küsajemo ke.

1 Peter 1:25

ikemu Ampeu tsa ye pühavemo no pülhapuju ache nani.” Eno nongu lau kütsüve keu ye atsakiviu hipau ke.

1 Peter 4:6

Hi ghenguno atsakiviu ye itehi thive no akemiqo lau ghí kütsü ke, tishianguno panongu ye aphimpi küxü lo ye kütami lau toi küghaküthapu pesü panongu shou beve kemu, aghungu küxü lo ye panongu pelo Alhou pulou kiqi lono xülu peniye ke.

Piyeküsü 5:11

Tisheno I no ju kelo ye kungumi kutomo kihikhakümla qhethonhe eno qhethonhe chighí kutólo akeu sütsa chilu. Panongu no aküka lakhü eno aküxü akeu lhoxüqo ngò sakiphemi muchomiqo sühomxaluve.