1 Kor. 9:18 - Sümi Tiqhelimi Bible

¹⁸ Tishiaye iw qesaxu ye kiu kea? Hipau ke: Ni ye ame lumo no kümsá no atsakiviu kütsü nikeu ke, eno tisheno ni ye atsakiviu kükütsümi lakhi shiaghi namu I chipiu kuchopu peithamo niye ke.

BAIBEL (BSI)

¹⁸ Tishiaye ijumeye kiu kya? Hike: ame lumono lokivipu tsa pesu asheshulukeu ke; tiye lokivipu tsa pesu asheshu keu kumlalo ino ajume ithulukuzupu shiakeu lumokeu huke.

Sumi Naga CL (Re-edited) Bible (BSI)

¹⁸ Tishiaye I jume ye kiu kea? Ti ye kümsa no atsakiviu pesü sheshuni keu, atsakiviu shekushu kümla lo I no ajume ithulu küzüpu shi akeu lumoni keu ke.

1 Kor. 9:18 ပူးပေါင်းရင်းမြစ်များ

John 4:36

Itehimu timi khuu no ghile hu keno ajume lu cheni eno lhokta küxü ghenguno athì pekütsü cheni, tishianguno vesü keu ngò ghile hu keu pama alovi küqha niye ke.

Apostolmi 18:3

eno pama gholo akümlà shi ghi ngove, kughengu pama hutoi pa ghí aphiki tsüghǘ no qechu chekemi ke.

Rommi 14:15

Tsalá nono kiuala chu keu ghenguno O thiküzümi momu O chelimi pukhu küpüsüpu shive aye, no ye kikimiye lono xü anike kumovae. O chuqu pelo timi khuu ghenguno Khristo thive keno tipau shipüsave pe kevilo!

1 Kor. 10:33

Ni ghí alaghi jeli thowkha lo nongu kümtsü mlopiqi tsü niye pükapütsa acheni ke. Kughengu ni ye I likhi I kivipu phu chemoe ikemu timi kutomo kivipu phu acheni, tishianguno panongu pelo xaluve peniye ke.

1 Kor. 3:8

Timi khuu no asübo shosü eno timi khuu no azü pusǘ keno pama ye akimiji lakhi ke, eno pama kinikujo pama kümlà kiqi lono qesaxu tsü kepu shi nani.

1 Kor. 7:31

khunoqo no hipau yeghi lo thimeqo peitha acheni keno, panongu ye hipaqo lo amlo tsüchemo kemi toi shi moayesae. Kughengu ayeghiqha hipau ye itehi kogheküghü akeu lono küha wochea.

1 Kor. 8:9

Tishiepimu nongu no kiu shinishi keno shilu akeu vechewo miqemilei kemi pelo axiné lo ikiqive pemo nike kutokupui lo.

1 Kor. 9:12

Kütamiqo no nongu lau no akukuphu hipau luni keu chipiu aghí aye, ningu ye tinguno akichiùmu aghí moayesa ke kumo keshea? Ikemu ningu ye hipau chipiu peithamo ke. Tishini ke züqhulo, ningu ye Khristo tsakiviu lakükhapu shimo nike ghenguno kiu-kiu lomu kutuukulu shive tsüke.

1 Kor. 9:15

Ikemu ni ye hipaqo chipiu lakhimu peitha pe püamoe. Eno ni ye nongu pelo I ghenguno titoi shipe nikeu lakuju qhi ghi hipau yè anike kumoe. Kughengu I no achipiu hipau lo agijivilei atsakiviu kütsü chekeu lo khiuala pelo shipühave pe nikeu züqhulo ni ye thive keumu pavi ke.

1 Kor. 9:17

I no akutoshi no kütsü aye, I ghenguno qesaxu ani; eno I no akutoshi no kütsü aghimo aye, ni ye I shou pükhübe no shipe niye pichetsü keu kümlà likhi shi anike.

2 Kor. 4:5

Kughengu ningu ye nilikhi nighili pesü kütsü chemoe ikemu Jisü Khristo ye Ampeu kepi kütsü cheni, eno ningu ye Jisü je ghenguno nongu qemi shi acheni.

1 Thes. 2:6

Ningu ye Khristo’w apostolmi ke ghenguno nongu lau no kiu avehupu shi ani keno khulu kepu kükagha anie, ikemu ningu ye timi lau no momu nongu lau ke kumo no khuu lau nomu akishé lu niye phu amoe.