1 Kor. 9:12 - Sümi Tiqhelimi Bible

¹² Kütamiqo no nongu lau no akukuphu hipau luni keu chipiu aghí aye, ningu ye tinguno akichiùmu aghí moayesa ke kumo keshea? Ikemu ningu ye hipau chipiu peithamo ke. Tishini ke züqhulo, ningu ye Khristo tsakiviu lakükhapu shimo nike ghenguno kiu-kiu lomu kutuukulu shive tsüke.

BAIBEL (BSI)

¹² Kutamino hikithipu nongu launo kusaje kepu akuzupu shi aghi aye ninguye tinguno alaushi akuzupu shianike kumo kesha? Ikeghi ninguye ti akuzupu hu peithaju mphiake. Tishinike zuqhu, ninguye thwokha kutuu luvetsu acheni, tishianguno Khristo lokivipu tsa laghilo ninguye kiumu lakukhapu qhitsumoniyeke.

Sumi Naga CL (Re-edited) Bible (BSI)

¹² Kütami no nongu launo hipa chipiu pükha aghi aye, ningu ye tinguno alau aküzüpu kekumo? Ikeghi ningu ye achipiu hipau peitha jumphi, eno Khristo tsakiviu laghi lo lakükhapu qhitsüni ke züqhulo ningu no thokha puqhe luve cheni.

1 Kor. 9:12 ပူးပေါင်းရင်းမြစ်များ

Luke 11:52

“Nongu ayeza lo shitsamiqo ye ahaküsapue, kughengu nongu no akighithi hukikha khaqhiyi ikhisüwuve ke. Nongu no ilomo keu likhi kumo no kütami no ilo chekeu ghí nongu no aküpüna shike.”

Apostolmi 18:3

eno pama gholo akümlà shi ghi ngove, kughengu pama hutoi pa ghí aphiki tsüghǘ no qechu chekemi ke.

Rommi 15:22

I no nongu lau ighi nikeu kumunuve akeu ye atsakiviu pesü hipaqo lau asheshu akeu ghenguno ke.

1 Kor. 13:7

Kikimiye ye alhokuthu süsho cheni, alhokuthu pükhübe cheni, alhokuthu lajupu qhicheni, eno alhokuthu theqhikulu shi khe acheni.

1 Kor. 6:7

Kuchou no nongu dolo atsa kügha akeu kiqi ye nongu ye mütsüqhei no tomokuchou shivae. Tishini ke züqhulo kushiye achipikumoumu shivemo kea? Kushiye pishiqhive pe keumu shivepemo kea?

1 Kor. 9:14

Tihutoi, khunoqo no atsakiviu kütsü cheni keno panongu ye atsakiviu kütsü keu vechewo xülu pe moayesa kepi Ampeu no azah tsüke.

1 Kor. 9:15

Ikemu ni ye hipaqo chipiu lakhimu peitha pe püamoe. Eno ni ye nongu pelo I ghenguno titoi shipe nikeu lakuju qhi ghi hipau yè anike kumoe. Kughengu I no achipiu hipau lo agijivilei atsakiviu kütsü chekeu lo khiuala pelo shipühave pe nikeu züqhulo ni ye thive keumu pavi ke.

1 Kor. 9:16

Kughengu kughou I no atsakiviu kütsüni keno, ni ye qheza akepu kühae, kughengu ni ye kütsü moayesa pütsa ke. I no atsakiviu kütsümo aye I ghenguno ahasapu ke!

1 Kor. 9:18

Tishiaye iw qesaxu ye kiu kea? Hipau ke: Ni ye ame lumo no kümsá no atsakiviu kütsü nikeu ke, eno tisheno ni ye atsakiviu kükütsümi lakhi shiaghi namu I chipiu kuchopu peithamo niye ke.

1 Kor. 9:2

Ni ye kütami ghenguno ye apostolmi lakhi shi aghimo namu nongu ghenguno ye mütsüqhei no ni ye apostolmi lakhi ke! Kughengu ni ye Ampeu’w apostolmi lakhi ke ipi akeu ye nongu no chishida keu toi amichi shitsü anike.

2 Kor. 11:12

I no kiu shi ani keno ni ye tipau shi anani. Tishianguno khunoqo no pano kümlà lo aqheküza shi ningu no shi chekeu toi pano ghí shi acheni ke ipi kümsü pe adokivi lunishi cheni keno timi tipaqo pelo akiqi kiumu kühave penike.

2 Kor. 11:20

Kuchou lo, nongu ye khukhumu nongu pesü aqüaxemi shikeu, nongu peithapüsa keu, nongu lau no adokivi lu keu, nongu ghasü chekemiqo momu nongu gi ghatsü chekemiqo kutólo ghí sasü küqha acheni ke.

2 Kor. 2:12

Kughou I no Troas lo Khristo tsakiviu kütsü niye wu püzü Ampeu no I ghenguno ahukikha lakhi khaqhipüa keu phulu keno,

2 Kor. 6:3

Ninguw pichebekümlà pipüsa pemo niye ningu ye timi khuu ghengu nomu apukhu küpüsüpu shimoe.