1 Kor. 8:6 - Sümi Tiqhelimi Bible

⁶ ningu ghengu ye Alhou lakhi likhi ani, pa ye Apù ke eno pa vechewo thowkha kümtsü ighi eno ningu ye pa ghenguno xü acheni ke; eno Ampeu lakhi likhi ani, tiye Jisü Khristo ke, pa vechewo thime kümtsü ighi eno ningu ye pa ghenguno xü acheni.

BAIBEL (BSI)

⁶ tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

Sumi Naga CL (Re-edited) Bible (BSI)

⁶ ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

1 Kor. 8:6 ပူးပေါင်းရင်းမြစ်များ

MATTHEW 11:27

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

John 1:10

Pa ye ayeghi lo ae, eno pa vechewo ayeghiqha lhophe kemu ayeghilomi no pa ikhilumoe.

John 1:3

Pa vechewo thime kümtsü lhophe ke; lhosüpüa keu thimeqo lakhimu pa sümo no lhosü pe püamoe.

John 10:30

Ni eno I pù ye lakhi ke.”

John 13:13

Nongu no I vilo ‘Akükütsüu,’ eno ‘Ampeu,’ ipi ku cheni, eno tishi ku keu ye achipi, kughengu tino ni ke.

John 14:20

Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 20:17

Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

Apostolmi 17:28

‘Kughengu ningu ye pa gholo no xüani eno ithawulu ani eno ninguhi anike.’ Nonguw leshe-kiyemi khami no pikeu toi, ‘Ningu ye pa nuli-kughukomi ke.’

Apostolmi 2:36

“Tighenguno Israelmi kümtsü no hipau mütsüqheilu lo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”

Apostolmi 5:31

Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo amlo pekibide lo süghi no panongu xinéqo qhivetsü pe niye ke.

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

1 Kor. 12:3

Tighenguno I no nongu pelo ithi penishi akeu ye khukhumu Alhou Ghungu vechewo piche kemi ye, “Jisü ye müsüinivea,” kepi pimo nani, eno Aghungu Kimthe vechewo likhi no kumo aye khunomu, “Jisü ye Ampeu,” kepi pimla nani.

1 Kor. 6:13

Nongu no ishi pi cheni, “Achuqupu ghenguno akive eno akive ghenguno achuqupu, ikemu Alhou no küma kinikujo kütsave nani.” Tishimu aphimpi ye kipito xüküpsa shipe nike ghenguno kumoe ikemu Ampeu ghenguno ke, eno Ampeu ye aphimpi ghenguno ke.

1 Kor. 8:4

Tishiaye, ajulho lhouqo lau aghakishi shive keu chuqu chu akeu vehu lo: Ningu no ithi akeu no “Ajulho lhou lakhi ye ayeghi hipau lo kiumu kumoe” eno “Alhou ye lakhi thono kütau kühae.”

Ephesiami 1:3

Alhou eno ningu Mpeu Jisü Khristo Papù khuu Khristo lono kungugha kükaqha lo aghungu kükümgha jeliqo kümtsü pesü ningu tsü keno pa sheqhe ani.

Ephesiami 3:14

Hipau ghenguno ni ye Apù Alhou gizülo qhoqhünhe acheni,

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

Piyeküsü 1:18

Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.