1 Kor. 8:4 - Sümi Tiqhelimi Bible

⁴ Tishiaye, ajulho lhouqo lau aghakishi shive keu chuqu chu akeu vehu lo: Ningu no ithi akeu no “Ajulho lhou lakhi ye ayeghi hipau lo kiumu kumoe” eno “Alhou ye lakhi thono kütau kühae.”

BAIBEL (BSI)

⁴ Tishiaye, Alhou nguno ajulho kutau mllavekeu chuqupu chukeu ninguno ithi akeuno Alhou nguno ajulho kutau shipe qhikeqo hu kuchouno achenike kumoke, Alhou ye lakhi likhi kethono kutau kuhae.

Sumi Naga CL (Re-edited) Bible (BSI)

⁴ Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

1 Kor. 8:4 ပူးပေါင်းရင်းမြစ်များ

Mark 12:29

Jisü no khochile, “Kümtsü dolo akhotou ye hipau ke: ‘Inilo, O Israel: Ningu mpeu Alhou likhi no Ampeu ke.

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 15:20

Tishini ke züqhulo ningu ye panongu lau akiyé lono ajulho lhouqo müláve keu chuqu chumo nikeu, kipito xüküpsa shimo nikeu, lhoxü tshüqhi-pìthí keu shì eno ajì chumo kepu shi pive kepue.

Apostolmi 19:26

Nongu ampi no ithulu eno chiluvea ke, hilau Ephesus lo likhi kumo no kuchou lo ye Asia bocho kuchopu lo Paul ipikeu hipau no timi kutomo müsüluvea eno sà küghüzüvae. Pa no pikeu no timi u no mülà keu lhou ye khilemu alhou kumoe ipie.

1 Kor. 8:1

Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

1 Kor. 8:10

Kughengu khiuala alolo kighithi miqemilei kemi lakhi no nongu akighithimiqo no ajulho lhou chineki lo chu aghí keu ithulu aye, timi tipau ye ajulho lhou lau kiu pesü aghakishi shivea keno tipau chuni keu shikumtove nani ke kumo keshea?

1 Kor. 8:11

Tishive aye athiküzümi momu achelimi miqemilei keu hipau khuu ghenguno Khristo thive keno O kighithi vechewo shipüsavae.

Galatiami 4:8

Atüghi lo kughou nongu no Alhou mtha no ache keno nongu ye alhoaye lono alhou kumo kemiqo qüaxe shi acheke.

Ephesiami 4:6

Alhou lakhi eno kümtsü Papù, pa ye kümtsü shou Ampeu eno kümtsü lau mülà ani eno kümtsü lolo ani.

1 Tim. 1:17

Lhokta Kükau, thive chemo keu, ithulu chemo keu, pa likhi no Alhou ke, pa lau alhokupuju lono alhokupuju kutólo agigihu eno ajuküvü ache pelo! Amen.

1 Tim. 2:5

Kughengu Alhou lakhi likhi ani eno Alhou ngò timi dolo alakipiu lakhi ani, tiye Khristo Jisü timi hu ke.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.