1 Kor. 8:1 - Sümi Tiqhelimi Bible

¹ Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

BAIBEL (BSI)

¹ Itehiye achuqupu pesu Alhou nguno ajulho kutau mllavekeu vehu: “Ningu kumtsu akighithi anike” ipi chekeu ninguno ithiakeu toi tiye kuchou ke. Titoikeu kighithiye timi pelo lahilaza qheza chenipe, ikemu kimiyekeuno xaqhe cheni.

Sumi Naga CL (Re-edited) Bible (BSI)

¹ Itehi ye ajulho mllavekeu chuqupu vehulo: “ningu kümtsü no akighithi ani” ipi ningu no ithi ani. Hitoi keu kighithi ye timi pelo qhezauve chenipe, ikemu kikimiye no shiqhe pukulu cheni.

1 Kor. 8:1 ပူးပေါင်းရင်းမြစ်များ

Apostolmi 15:10

Tishiaye itehi nongu ye kushiye Alhou peju ghi nipù-asü momu ningu no puqhemla keu kuokhasü pesü Jewkumomiqo kuo lo xipipe niye pükapütsa ani kea?

Apostolmi 15:29

Nongu ye ajulho lhouqo lau aghashi pe müláve keu chuqu chumo nikeu, lhoxü tshüqhi-pìthí keu shì eno ajì chumo nikeu eno kipito xüküpsa shimo nikeu shivea. Nongu no hipaqo lono kutokupuiluve aye achipi shi anani. Akivishi alo.

Apostolmi 21:25

Jewkumomi küpülümiqo ghengu ye ajulho lhouqo lau aghashi pe müláve keu chuqu, lhoxü tshüqhi-pìthí keu shì eno ajì chumo nikeu eno kipito xüküpsa lono putosü apenike panongu lau akiyé lono ninguw xakütha pesü tsüvae.”

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Rommi 12:16

Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

Rommi 14:10

Tishiaye nongu ye kushiye nongu thiküzümi momu nongu chelimi shou küghathabe cheni kea? Nongu ye kushiye panongu thaigha ghi peitha cheni kea? Kughengu ningu kümtsü Alhou’w küghakütha lakhü zülo puthugho nani ke.

Rommi 14:14

I no ithi akeu eno Ampeu Jisü lono mütsümishei vethalu akeu ye, thime kiumu pa likhi pa kutoshi ye mithemo keu kumoe. Ikemu tsalá khiuala no thime hami ye mithemo kepi kümsü cheghi aye timi tipau ghenguno thime tiye mithemo keu shivae.

Rommi 14:19

Tighenguno ningu ye kiu no alokiqi eno shikumto kilé keu süghi cheni keno tipau shini ke ghenguno thowkha lo pükapütsa mülà ani nolo.

Rommi 14:22

Ike hipaqo vehu lo nono kiu pülü cheni keno tiye Alhou nokujo dolo qhilo. Timi khuu no pa pulou shikeu vechewo pa likhi pa kiléqhivemoni keno pa ye müghae.

Rommi 14:3

Ikemu timi khuu no achuqupu kümtsü chu cheni keno pa ye achuqupu le chekemi thaigha kepu kumo, eno khuu no achuqupu le cheni keno pa ye kümtsü chu chekemi shou küghathabe kepu kumo, kughengu Alhou ye panongu ikhiluve ake.

Rommi 15:14

Athiküzümi eno achelimiqo, I no mütsüqhei ithi akeu no nongu ye akivipu no chhitoi ani, akighithi kutomo ani eno shitsa shi lakhi no lakhi shikalu nanie.

1 Kor. 1:5

Kughengu Jisü Khristo vechewo nongu ye alaghi kümtsü lono alá shiluvea. Tiye atsapi jeli eno akighithi jeli kümtsü lono alá shiluvae.

1 Kor. 10:15

Ni ye vethakulumiqo vilo pi anike; I no kiu piani keno nolikhi nongu no xathaluve lo.

1 Kor. 10:28

Ikemu khuala no nongu vilo, “Hiye ajulho lhou müláve keu ke,” ipi aye khuu no nongu vilo pi keno pa ghengu eno nongu kükümsü küpünamo nikeu ghenguno tipau chu kevilo.

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

1 Kor. 15:34

Nongu no shi moayesa keu toi nongu ye alopütsü kithe luvelo, eno axiné shiauve kevilo; kughengu I no hi piakeu lo nongu shikukujove ani kemu nongu gholo Alhou mtha-mithe kemi khami anike.

1 Kor. 4:10

Ningu ye Khristo ghenguno anikhami ke, ikemu nongu ye Khristo lono shishe alokütsümi ke! Ningu ye miqemilei kemi ke, ikemu nongu ye akumtomi ke! Nongu ye qhoqhü-gihu ke, ikemu ningu ye thaigha ke!

1 Kor. 4:18

Ni ye nongu lau ighima küghashi kümsüve püzü nongu khami ye akuchhoma shivae.

1 Kor. 4:6

Ikehu, athiküzümi eno achelimiqo, Apollos nikujo ye nongu kivipu ghenguno thime hipaqo kümtsü nikujo küxü lono kiqi pesü pi anike, tishi keu vechewo nongu pelo ningu lau no küghakiche tsa, “Kiu yèpüani keno tipau veche kevilo,” ipikeu ithilu peniye ke. Tishianguno nongu ye ningu sakiphemi dolo lakhi ju pesü qheza no lakhiu phimove keu shipemo niye ke.

1 Kor. 5:2

Eno nongu ye aqheküza shi ani ipie! Tishini ke züqhu nongu ye qanimlo akepu eno timi khuu no hikithipu kümlà shi ani keno nonguw kuposhukulu lono pa je ikhive tsü kepu ke kumo keshea?

1 Kor. 5:6

Nongu no aqheküza shi akeu ye alo keu kumoe. Kholaqhi kitila lakhi no asho kunú pe püakeu kuchopu ingughoive tsü chekeu nongu ye mtha keshea?

1 Kor. 8:2

Khunoqo no panongu ye kiuala ithi ani kepi kümsü cheni keno panongu ye panongu no ithi moayesa kepu shi akeu ithimo no aphie.

1 Kor. 8:4

Tishiaye, ajulho lhouqo lau aghakishi shive keu chuqu chu akeu vehu lo: Ningu no ithi akeu no “Ajulho lhou lakhi ye ayeghi hipau lo kiumu kumoe” eno “Alhou ye lakhi thono kütau kühae.”

1 Kor. 8:7

Ikemu timi kümtsü no hipau ithi anike kumoe. Timi khami ye itehi kutólo ajulho lhou lau mülá keu lhoaye peitha acheni kehu kughou panongu no aghakishi shive keu chuqu chuni keno panongu no tiye alhou lau aghakishi shive akeu toi kümsüve cheni, eno panongu lolo kighithi ye miqemilei ke ghenguno tiye kitiqevae.

Ephesiami 4:16

Pa lau no aphimpi kuchopu kimepe eno tsüghaküqha pesü ani eno anhü tshüpüa keu hu no aphimpi kuchopu kimelu anipe ke. Kughou aphi-au lakhi-khi lo kiu shikepu keno shi aghí aye kimiye keu vechewo aphimpi kuchopu thuwulu cheni eno xaqhepukulu cheni.

Kolosiami 2:18

Timi khunoqo no akuchunu ghili shi no kungumiqo mülá cheni keno tipaqo pelo nongu theqhive pe kevilo. Timi hitoi kemi ye panongu no kungunhetsü kiu ithulu keno tipau chixechilei pi cheni ke; panongu ye ayeghi lo timi kükümsü pesü akiqi kiumu kühamu akuchhoma shi acheni.

Piyeküsü 2:14

Tishiaghimu, ni ye thime hami O vilo pi kepu ani: Nongu dolo khami ye Balaam kükütsü pape chekemi ani. Balaam ye Israelmiqo zü sasü axiné shive peniye Balak shika ke, eno tishi keu vechewo Israelmiqo ye ajulho lhou müláve keu chuqu chuve eno kipito xüküpsa kümlà shike.

Piyeküsü 2:20

Tishiaghimu, ni ye O vilo hipau pi kepu ani: Nono Totimi Jezebel khuu li likhi li pesü tungkupumi lakhi ipi pi cheni keno li lau küsüqhi tsüke. Li kükütsü vechewo li no I qemiqo saküghüzü sasü kipito xüküpsa kümlà ngò ajulho müláve keu chuquqo chuve pe ke.