1 Kor. 6:9 - Sümi Tiqhelimi Bible

⁹ Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

BAIBEL (BSI)

⁹ Amikucho kumomiye Alhou Yehkipe mheghi ighilumo nani kepi nonguye mtha kesha? Nongu likhi nongu shikughuzu akevilo: kipti toti dolo mithemokemi na, Alhou nguno ajulho kutau mllakemi na, kusalhami na, kipti toti michimono xuwuvekemi na,

Sumi Naga CL (Re-edited) Bible (BSI)

⁹ Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

1 Kor. 6:9 ပူးပေါင်းရင်းမြစ်များ

MATTHEW 19:29

Eno I je ghenguno aki-alu, athiküzümi momu achelimi, apù momu azá, anipu momu anuliqo qhive kemi kümtsü ghuthu aqhe no küghüsü ithulu nani eno lhokta küxü ighílu nani.

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

Luke 21:8

Jisü no khochile: “Khuu pelomu nongu pishiqhive pemo nike jukuto alo. Kughengu timi kutomo no I je lono ighino ‘Ni ye pa ke,’ eno ‘Aghuloki hu tovae,’ ipi pükha nani. Ikemu panongu pape wu kevilo.

Apostolmi 20:32

“Itehi I no nongu pesü Alhou eno paw küpükini tsa lau kulhuqhive tsü ani, tino nongu xaqhelu nani eno shikimtheve kemiqo kümtsü gholo nongu mheghi ighílu pe nani.

Apostolmi 24:25

Paul no achipiumikucho, alikhi aghasükulu eno küghakütha ighi niye akeu ghili pi akelo Felix ye msàve eno pi, “Itehi ghengu ye tino taveni! No ye wuluve nani. I no kughou no ado shiluni keno I no O kupuwuni.”

Rommi 1:18

Alhou loghu ye atsütsǘ lono alhou kümthami eno küsakügha kümlà shi chekemiqo shou pephe-piyevae. Timi tipaqo ye panonguw küsakügha pesü kuchou ghasü cheni ke.

1 Kor. 15:33

Nongu pishiqhive pe kevilo: “Aküsàmi lhoküsa no ghushoghili kivi shipüsave cheni.”

1 Kor. 15:50

Athiküzümi eno achelimiqo, I no nongu lau asheshu ani, ashi eno ajì ye Alhou kükaphu ighi müla nani, momu tsümave nikeu ye tsümave müla nikeu ighí mülae.

1 Kor. 3:16

Nongu likhi nongu ye Alhou’w achineki eno Alhou Ghungu no nongu gholo acheni kepi nongu ye mtha keshea?

1 Kor. 5:1

Nongu dolo kipito xüküpsa kümlà shi akeu sütsa kuchou no ighivae, eno tikithipu ye Jewkumomiqo dolo ghí shichemo keu ke: Tiye timi lakhi no papù nipu sasü küghünave keu ke.

1 Kor. 5:10

ni ye ayeghiqha lo timi khunoqo no kipito kimthe kumo, momu alakiminemi eno pükaqhi chekemi momu ajulho mülá chekemiqo piamoe. Tishiaghi aye nongu ye ayeghi hipau qhive moayesa nani ke.

1 Kor. 5:11

Ikemu I no nongu lau yè akeu ye khukhumu nongu thiküzümi momu nongu chelimi lakhi kepi pükha püzü kipito kimthe kumo kümlà shi momu alakimine shi, ajulho mülá momu timi pipüsa, shomzü momu pishikiqhi ishi kemi gholo nongu pelo kuloji pemo niye hipau yè anike. Hikithipu timi sasü ye kümtsa ghí chu-sho kevilo.

1 Kor. 6:10

küpkami na alakiminemi na shokümzümi na kütami pipütha chekemi na pishiqhi chekemi namu Alhou kükaphu ighí mülae.

1 Kor. 6:18

Kipito xüküpsa lau no pove lo. Timi lakhi no axiné kütau shikeu kümtsü aphimpi nguno khalau ke, ikemu timi khuu no kipito xiné shini keno, pa ye pa likhi pa phimpi shou axiné shipuku anie.

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

1 Kor. 9:24

Pokuxu kelo akupomiqo kümtsü po cheni, ikemu lakhi likhi no asaxu ithulu cheni kepi nongu ye mtha keshea? Tishiaye asaxu ithulu kepu shi polo.

2 Kor. 12:21

Kughou I no tilau ideghini keno ni ye I Lhou no nongu gizü lono I shikukujo nikeu msà ani, eno timi kutomo no püzüu axiné shive no panonguw mithekumo, kipito xiné eno ghüpoghüzü kümlàqo shikeu lau no amlo pebidemo keu ghenguno ni ye amlokighishi shiveni cheni ke.

Galatiami 6:7

O likhi O pishiqhi kevilo: Khuu nomu Alhou phimovemlae. Timi lakhi ye pano kiu xusüni keno tipau xolu cheni.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

IBRIMI 12:14

Timi kümtsü sasü külakishi shi no akimthe shi xü nikeu thowkha lo pükapütsa alo; kughengu akimthe shimo kelo ye khuu nomu Ampeu ithumla nani.

IBRIMI 12:16

Khuu pelo nomu kipito küxü lo mithemove keu shipemo nike, momu Esau, khuu anu akichiú shi anamu akhuna lakhi ghenguno pa mheghi chipiu jeve keno, pa toi Alhou sümsamo keu shipemo nike jukuto lo.

IBRIMI 13:4

Kümtsü no külakupu gihu moayesae, eno külakupu lipa kitiqemo no qhi moayesae, kughengu Alhou no shupumi eno kipito kimthe kumo kümlà shi chekemi kümtsü shou küghathabe nani.

James 1:16

I no kimiye chekemi athiküzümi eno achelimiqo, nongu pishiqhive pe kevilo.

1 John 3:7

Kimiye chekemi anuliqo, khuu pelomu nongu saküghüzü pe kevilo. Khukhumu kiu achipi keno tipau shi chekemi ye amikucho ke, kughengu pa ye amikucho ke.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

Piyeküsü 22:15

Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.