1 Kor. 6:3 - Sümi Tiqhelimi Bible

³ Ningu ye kungumiqo shou küghatha nani kepi nongu ye mtha keshea? Tishiaye ningu ye hipau küxü lo küküpünaqo xathalu moayesae!

BAIBEL (BSI)

³ Ninguno kungumi shou ghi kughathabe nani kepi nonguye mtha kesha? Tishiaye, tiye hipa kuxulo thimeqo nguno shishe alauke kumo kesha?

Sumi Naga CL (Re-edited) Bible (BSI)

³ Ningu no kungumi shou ghi küghathabe nanie pi nongu ye mtha keo? Tishiaye, hipa küxü lo vehuqo ye kishita peithathi masa kelae!

1 Kor. 6:3 ပူးပေါင်းရင်းမြစ်များ

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

Luke 21:34

“Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

Luke 8:14

Apitì asahu gholo ikiqi ilove keu kiqi ye Alhou tsa chiluve kemiqo, ikemu aküxü lo mloküsa, kinikülü lo amlo tsü eno ashi pulou shikeu vechewo panongu ye thuwu mülave no ghüsüve keu kiqi ke.

Rommi 6:16

Kughou nongu no nongu likhi nongu pesü khiuala lau aghokulu shi aqüaxemi shi ikhiphe pe tsüveni keno, nongu ye nongu no agholu chekeuw aqüaxemiqo kepi mtha keshea? Tiye nongu no axiné khikhi akithí lo sawu cheni keno tipau qüaxe shi aghina, momu aghokulu khikhi achipiumikucho lo sawu cheni keno tipau qüaxe shi aghí namu ke.

1 Kor. 6:15

Nongu phimpi ye Khristo phi-au kepi nongu ye mtha keshea? Tishiaye ni ye Khristo phi-au ikhipesü kütüqhalimi lakhi gholo küqhave tsüní keshea? Khilemu tishimoe!

1 Kor. 6:16

Timi khuu no pa likhi pa pesü kütüqhalimi lakhi gholo küqhaveni keno pa ye li phimpi gholo lakhi shivea kepi nongu ye mtha keshea? Kughengu Kuchoyesü lo ishi pipüani, “Pama ye aphi-ashi lakhi shive nani.”

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

1 Kor. 6:4

Tighenguno, nongu no hipau vehu toi keu lo kütsala keu aghí aye, nongu ye kushiye ashou küxümi akukuhou lo kihimomithe chekeqo pelo xakütha shitsü penike iniju cheni kea?

2 Tim. 2:4

Ghüshimi lakhi ye ghüshimi kümlà shi akelo aqha küxü lo chhosü chemoe, ikemu tishini ke züqhulo paw zatsüu pulou shini ke pükapütsa acheni.

2 Tim. 4:10

kughengu Demas ye hipau yeghi lo thimeqo kimiyeve ke eno I qhive no Thessalonica lo wuvae. Crescens ye Galatia lo wuvea, eno Titus no Dalmatia lo wuvae.

2 Peter 2:4

Kughengu kughou kungumiqo no axiné shive keno Alhou ye panongu kipimí qhitsümo no amiyizü lo sǘve eno küghathabe nike ghenguno àküzǘ yikichhe pesü panongu tshüpe qhive cheni aye;

Jude 1:6

Eno kungumi khipaqo no panonguw kükagha-a pe müla püzü panonguw achipi kungo-a qhive cheni keno—pa no hipaqo àküzǘ lo qhive ke, tipaqo ye lhokta yikichhe pesü küghakütha Tsalá kijè ghenguno tshüve cheni.