1 Kor. 5:7 - Sümi Tiqhelimi Bible

⁷ Kholaqhi aqa hu ye shikimtheve lo, tishianguno nongu ye kholaqhi sümo keu asho kukunu akitheu shilu peniye ke—kuchou lo nongu ye kholaqhi sümo keu sho akitheu ke. Kughengu ninguw Hechekulu ambeti Khristo no ningu ghenguno aghakishi shivea ke.

BAIBEL (BSI)

⁷ Nonguye asho kukunu akitheu tsughukhuyi shinike ghenguno axine shipe chekeu kholaqhi aqau huye ikhi kimthevelo. Kuchouno nonguye kholaqhi sumokeu tsughukhuyi kepi ino ithi ani, kughengu ningu Hechekulu Ghulhu bheriye Khristo ke, paye ningu ghenguno heqhi pesu mllavae.

Sumi Naga CL (Re-edited) Bible (BSI)

⁷ Nongu ye kuchou no kholaqhi sümokeu sho kehu kholaqhi aqau ye shikimtheve lo tishianguno asho kukunu kithe shinani. Kughengu niw Hechekulu mbe Khristo ye küghape aghashivae.

1 Kor. 5:7 ပူးပေါင်းရင်းမြစ်များ

MATTHEW 13:33

Pa no itaghi panongu vilo kimghi pìye keu kütau pesü pi: “Kungugha kükaphu ye kholaqhi lakhi toi ke, tiye totimi lakhi no kholaqhi epesü ashokukubo ahukimighi muku tsünì toi keu lo kitekungove no, ti kümtsü kunuluve moke kutólo kunú akeu toi ke.”

Mark 14:12

Kholaqhi sümo keu Sho Tiqhitini tsalà atüghiu lo, kughou Hechekulu ghulhu kukhuaye lo akeu toi ambeti heqhi kepu shive keno, Jisü khopemiqo no pa vilo iniju, “No ye ningu pelo khile wu no O ghenguno Hechekulu ghulhu chuni keu kutokughoi aghí penishi ani kea?”

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

John 1:36

Kughou Jisü no tipa-a kathasü wuche keu ithulu keno, John no ishi pi, “Julo, Alhou’w Ambeti!”

John 19:14

Tipau tsalà ye Hechekulu ghulhu Kukuto tsalà shi ake; eno tiye puchomta qhalo ke. Pilate no Jewmiqo vilo pi, “Nongu kükau hi chenie.”

Rommi 3:25

Alhou no Khristo pesü aghakishi kümlagho lakhi shi ikhiphe pesü tsü, tiye pa jì pele keu vechewo—eno tiye aküpülü lono ikhilu peniye ke. Alhou no hipau shikeu ye itodolo pa chipiumikucho pephe-piye niye ke, kughengu paw küsüqhikulu lono timiqo no wove keu lo axiné shive keu aghime tsümove no juzüve tsüke.

1 Kor. 10:17

Kughengu ningu ye kutomo shi aghí namu ashopa lakhi lono ningu kümtsü kijechu cheni, eno tiye ningu kümtsü aphimpi lakhi ke.

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

Piyeküsü 5:12

Panongu no ighamuku ghi ishi piae: “Ghiqhive keu Ambeti ye aküka, aküakini, alokütsü, akumto agigihu, ajuküvü eno akishé ithulu küzüpu ke!”