1 Kor. 4:7 - Sümi Tiqhelimi Bible

⁷ Kughengu khuu no kütami kümtsü nguno nongu küta shilu pe kea? Alhou no nongu tsümo keu nongu ye kiu ani kea? Eno nongu no kiu ani keno tiye Alhou no nongu tsü aye, nongu ye kushiye pa no nongu tsümo ketoi qheza ani kea?

BAIBEL (BSI)

⁷ Khuno nongu pelo kutami nguno nonguye pakutakeu shipe kya? Nonguno akeu thwokha kumtsu Alhou launo ithuluke kumokesha? Tishemaye, nonguno ti ithulukeu shiaghi aye, tiye kumsagho lakhi kumo kehutoi nonguye kushiye qheza cheni kya?

Sumi Naga CL (Re-edited) Bible (BSI)

⁷ Khuu no nongu ye kütami nguno paküta kepi ithulu kea? Nongu ye Alhou launo ithulu mokeu kiu ani kea? Nongu no ithulu püaghi aye, ti ye kümsagho kumo kesheno nongu ye kushiye qheza cheni kea?

1 Kor. 4:7 ပူးပေါင်းရင်းမြစ်များ

Luke 19:13

Pa no wu mphi lono pa qemi chighí kukütsü eno panongu lakhi-khi lau aqhi küthü jume pesü tsü. Pa no ishi pi, ‘I no ideghimo ke kutólo pisa hipaqo pe kighishe aghílo.’

John 1:16

Paw kupukülai keu ghenguno püzüu küpükini tsüve keu theli lo itaghi ningu kümtsü küpükini ithulu ke.

John 3:27

Ike John no khochile, “Timi lakhi ye kungugha lono kiu tsüvea keno tilikhi ithulu nanie.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 12:3

Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

Rommi 12:6

Alhou no ningu kümtsü lau küpükini tsüpüa keu kiqi lono ningu kümtsü aghò kütüta anie. Tsalá aghò O tsüpüa keu no tungkupu tsa pi kepu shi aghí aye, O küpülü aghí keu qhemi lono tungkupu tsa pi moayesa;

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

1 Kor. 3:5

Tishiaye Apollos ye kiu shi chekemi kea? Eno Paul ye kiu shi chekemi kea? Panongu ye aqemiqo ke, eno Ampeu no pama lakhi-khi lau akümlà tsüpüa keu kiqi lono panongu vechewo nongu ye pülülu ke.

1 Kor. 5:6

Nongu no aqheküza shi akeu ye alo keu kumoe. Kholaqhi kitila lakhi no asho kunú pe püakeu kuchopu ingughoive tsü chekeu nongu ye mtha keshea?

1 Kor. 7:7

Ni ye nongu kümtsü pelo I toi aghipe nishi anie. Tishimu nongu pütüta shélo Alhou lau no ithulu keu ghò anie; milakhi ye aghò hipau eno kütami lakhiu ye aghò kütau ishi akhanie.

James 1:17

Akivi eno kupukülai keu ghò kümtsü kunguu no, Apù kungugha küvü, khuu yekükhü kikili toi kilive chemo keno pa lau no iqighi cheni.

1 Peter 4:10

Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.