1 Kor. 4:6 - Sümi Tiqhelimi Bible

⁶ Ikehu, athiküzümi eno achelimiqo, Apollos nikujo ye nongu kivipu ghenguno thime hipaqo kümtsü nikujo küxü lono kiqi pesü pi anike, tishi keu vechewo nongu pelo ningu lau no küghakiche tsa, “Kiu yèpüani keno tipau veche kevilo,” ipikeu ithilu peniye ke. Tishianguno nongu ye ningu sakiphemi dolo lakhi ju pesü qheza no lakhiu phimove keu shipemo niye ke.

BAIBEL (BSI)

⁶ Athikuzumiqo nongu pelo ala shilupenike ghenguno niye hi pivekeutsa kumtsu pesu Apollo ikujo launo kichepiyeve ani. Titoi shikeu lono, “Yepuakeu akivishi jukutolo” ipikeu kiqi nongu pelo ithi peniyeke. Nongu gholo khunomu milakhi jupesu qhezano kutami lakhiu phimove kepu kumoe.

Sumi Naga CL (Re-edited) Bible (BSI)

⁶ Athiküzümiqo, nongu pelo ala shipeniye I no thime hi kümtsü pesü Apollos nikujo launo kiche piyevae, tishianguno nongu no ni launo shikalu no yepüakeu nguno alau shimo nani. Tishino nongu ye milakhi pape cheni pikeu qheküza lono lakhiu phimove keu shimo nani.

1 Kor. 4:6 ပူးပေါင်းရင်းမြစ်များ

Apostolmi 18:24

Tishi akelo Alexandria lo xüküami Jewmi lakhi Apollos ipikeu ghí Ephesus lo ighi. Timi hipau ye akighithimi eno Kuchoyesü tsaqütsalei ithi akemi ke.

Apostolmi 19:1

Kughou Apollos no Korinth lo akeno Paul ye alaghi akushuu küdau lono Ephesus lo ighi. Tile pa no küpülümiqo khami kusholu

Rommi 12:3

Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

1 Kor. 1:12

Ike I no piakeu ye hike: Nongu dolo khami no, “Ni ye Paul papemi ke”; kütami no, “Ni ye Apollos papemi ke”; khami no, “Ni ye Peter papemi ke”; itaghi khami no, “Ni ye Khristo papemi ke,” ipi akhani ke.

1 Kor. 1:19

Kughengu Kuchoyesü lo ishi yèpüani: “I no alokütsümiw alokütsü kütsave tsü nani; I no vethakulumiw vethakulu ghütsü shikümkave tsü nani.”

1 Kor. 1:31

Tighenguno ishi yèpüani: “Khuu no qhezani keno Ampeu no mülà keu shou qheza pelo.”

1 Kor. 13:4

Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo.

1 Kor. 3:19

Kughengu hipau yeghiqha lokütsü ye Alhou gizülo nikhanigha ke. Tiye Kuchoyesü lo ishi yèpüa keu toi ke: “Pa no alokütsümi müqükini lono panoqo meluve cheni”;

1 Kor. 3:21

Tishiaye, timi sakiphemi khumu pükhü pe qheza akepu kühae! Kughengu thowkha kümtsü nonguw ke,

1 Kor. 5:2

Eno nongu ye aqheküza shi ani ipie! Tishini ke züqhu nongu ye qanimlo akepu eno timi khuu no hikithipu kümlà shi ani keno nonguw kuposhukulu lono pa je ikhive tsü kepu ke kumo keshea?

1 Kor. 5:6

Nongu no aqheküza shi akeu ye alo keu kumoe. Kholaqhi kitila lakhi no asho kunú pe püakeu kuchopu ingughoive tsü chekeu nongu ye mtha keshea?

1 Kor. 8:1

Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

1 Kor. 9:23

I no hi kümtsü shikeu ye atsakiviu ghenguno shike, tishianguno atsakiviuw kükümgha lo küsajelu niye ke.

2 Kor. 10:12

Ningu ye alikhi ampi sheqhe chekemi khami sasü jokümtsa momu kimghi akepu kühae. Kughou panongu no pano likhi panongu pesü mighi kiléju eno pano likhi panongu pesü kimghi kilé keno, panongu ye alokütsümi ke kumoe.

2 Kor. 10:15

Momu ningu ye kütamiqo no mülave keu lo ninguw kihikütha vecheve ghi aqheküza shichemoe. Ninguw lakuju ye nongu küpülü thuwu akeu lo ningu kümlà alau shi nongu gholo pekholuni keu ke,

2 Kor. 10:7

Nongu ye ashou kogheküghü ju no küghathabe cheni. Khuala no panongu ye Khristo’w kepi pülükibe shi aye, ningu ghí panongu toi Khristo’w kepi kümsükutoju tsü moayesae.

2 Kor. 11:4

Kughengu khuala no nongu lau ighino ningu no nongu vilo Jisü ghili kütsüve keu kumo no Jisü kütau ghili nongu vilo kütsü aghí aye, momu nongu no Aghungu ikhiluve keu kumo no aghungu kütau ikhilu aghí aye, momu nongu no atsakiviu ikhiluve keu kumo no kütau ikhilu aghí aye, nongu ye tipaqo gholo mülalei ilovae.

2 Kor. 12:19

Nongu ye ado hito-tohi nongu lau no nilikhi ningu süsho ani küghashi kümsü ani keshea? Khristo gholo ache kemi toi ningu ye Alhou zülo no pi acheni; ikehu kimiye chekemi shompamiqo! Ningu no mülà keu kümtsü nongu shikumto pe nikeu ghenguno ke.

2 Kor. 12:20

Kughengu kughou I no ighini keno nongu ye I no shipe nishi akeu toi aghimo nikeu, eno nongu no I pelo shipe nishi akeu toi ni ithulumo nikeu ghenguno ni ye msà anie. Ni ye tilau küqhakümla, anhekushu, mutomushu keu, alakimine kimji, piküpüsa, xikishi, akumchho, eno kübangü keu aghíni keu msà ani.

2 Kor. 12:6

Tsalá I no qheza nishi anamu, ni ye nikhanighami lakhi shimo nani, kughengu ni ye kuchou tsa pi kepu shi nani. Ikemu ni ye qheza nikeu lono süchileve ani, tishianguno timi khuu pelomu I no kiu mülà cheni momu pi cheni keno ithi akeu nguno alau ye I ghili kümsü pemo niye ke.

2 Kor. 4:15

Hipaqo kümtsü nongu kivipu ghenguno ke, tishianguno küpükini khikhi timi kutomo lau tolu ani keno tipau vechewo Alhou juküvü lo shikimthi keu no qochili peniye ke.

Kolosiami 2:18

Timi khunoqo no akuchunu ghili shi no kungumiqo mülá cheni keno tipaqo pelo nongu theqhive pe kevilo. Timi hitoi kemi ye panongu no kungunhetsü kiu ithulu keno tipau chixechilei pi cheni ke; panongu ye ayeghi lo timi kükümsü pesü akiqi kiumu kühamu akuchhoma shi acheni.

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.