1 Kor. 4:5 - Sümi Tiqhelimi Bible

⁵ Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

BAIBEL (BSI)

⁵ Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

Sumi Naga CL (Re-edited) Bible (BSI)

⁵ Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

1 Kor. 4:5 ပူးပေါင်းရင်းမြစ်များ

MATTHEW 10:26

“Tighenguno panonguqo msà kevilo, kughengu tilehi lakhimu pephe-piyemo keu shimo nani eno nhapüa keu lakhimu ithive pemo keu shimo nani.

MATTHEW 24:30

“Tilehi kungugha lono Timi Nu akeu michipu ipeghi nani. Eno kughou Timi Nu atsütsǘ lo khüngküsü lono aküka eno ajuküvü kijè gholo no chekeu ithuluni keno, ayeghi lo timiqo kümtsü no qau khave nani.

MATTHEW 24:46

Ampeu no idechile ighi kelo, aqeu tipau no pa mpeu no pichetsü keu kümlà shi aghí keu phulu aye, pa ghenguno akivipu ke.

MATTHEW 25:21

“Pa mpeu no khochile, ‘Aghile shivea, pichebekulu eno I qeu kiviu, no ye thime aghulo lomu pichebekulu shike, I no O pelo thime kutomo shou pichempiu shipeni. Ighilo eno O mpeu lokivi lo küsaje lo.’

MATTHEW 25:23

“Pa mpeu no khochile, ‘Aghile shivea, pichebekulu eno I qeu kiviu! No ye thime aghulo lomu pichebekulu shike; I no O pelo thime kutomo shou pichempiu shipeni. Ighilo eno O mpeu lokivi lo küsaje lo!’

Luke 6:37

“Küghathabe kevilo, eno O shou küghathabemo nani; kütami pipüsa kevilo, tishianguno O pipüsavemo nani; kütami kipimí qhitsülo eno O kipimí qhivetsü nani.

John 21:22

Jisü no khochile, “Tsalá I no ideghimo ke kutólo pa pelo xüaghi penishi aye, no ye kiu shilo pi kepu ania? No ye I pape moayesae.”

John 21:23

Hi ghenguno, akhopeu hipau ye thimo nani ipi küpülümiqo dolo uyewu tsa kügha wove. Ikemu Jisü ye pa ye thivemo nani ipi pimoe; Jisü ye, “Tsalá I no ideghimo ke kutólo pa pelo xüaghi penishi aye, no ye kiu shilo pi kepu ania?” ipikeu likhi pike.

John 5:44

Nongu ye lakhi no lakhi lau sheqhe keu ikhilu cheni ikemu shekiqhe Alhou lau likhi no ighi chekeu ye phumo ke kíshi no pülüni kea?

Rommi 14:4

No ye khuu keno kütami qemi shou küghathabeni kea? Aqemiqo ye amikucho keo amikucho kumo keno panongu mpeu likhi no xatha nani ke. Eno panongu ye amikucho shi nani, kughengu Ampeu no panoqo pelo amikuchou shilu pe nani.

Rommi 2:1

Tighenguno nongu khunoqo no kütami shou küghathabe cheni keno nongu ye ajekukivi kiumu kühae, kughengu nongu no kiu-kiu kiqi ghenguno kütami shou küghathabe aghí namu, tiye nongu likhi nongu kiléqhive ani, kughengu khuno no kütami shou küghathabe cheni keno pano ghí kütami toi küsakügha kümlà shi cheni ke.

Rommi 2:16

Hiye I no atsakiviu pikülha chekeu lono pive ketoi kughou Alhou no Jisü Khristo vechewo timiqow tuqhou shou küghathabe nike no tipau tsalà lono shi nani.

Rommi 2:29

Ikemu, timi khuu no alolo no Jewmi keno pa ye Jewmi ke; eno akiyé yeza lo yèpüa keu vechewo kumo no Alhou Ghungu vechewo amlo kililu keu hu no aphighüyiko-küghá kuchou ke. Titoi kemi lakhi ye timi kütami lau no kumo püzü Alhou lau no akishé ithulu cheni.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

1 Kor. 1:7

Tighenguno nongu no ningu Mpeu Jisü Khristo pephe-piye nikeu minemighei khe akeu dolo nongu ye aghungu lo ghòqo lakhimu mikhe keu shi amoe.

1 Kor. 11:16

Khukhumu hipau vehu lo kütsala nishi aghí aye, ningu ye kütau pimhe chekeu kühae, momu Alhou kukuhouqo ghí kütau pimhe chekeu kühae.

1 Kor. 11:26

Kughengu kughou nongu no asho hipau chuni eno ajikhu hipau lono shoni keno, nongu ye Ampeu no ighimo ke kutólo Ampeu kithí ghili pikülhatsü anike.

1 Kor. 15:23

Ikemu hitoi küpasü ghi shi nani: Khristo no amsüu; tithiu no kughou pa no ideghini kelo paw timiqo xüputhu nani.

1 Kor. 3:13

tiye kiu keno panongu kümlà vechewo pìye nani, kughengu tipau Tsalá lono aküvü lo saipeghive nani. Tiye ami gholo no pephe-piye nani, eno ami no timi lakhi-khi kümlà meküa pitiju nani.

1 Kor. 3:14

Kiu mülà pepüa keno tipau pitivemo aye, akümlàu ye qesaxu ithulu nani.

1 Kor. 3:8

Timi khuu no asübo shosü eno timi khuu no azü pusǘ keno pama ye akimiji lakhi ke, eno pama kinikujo pama kümlà kiqi lono qesaxu tsü kepu shi nani.

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

2 Kor. 10:9

Ni ye iw yèsüqo pesü nongu shikümsa niye pükapütsa anike kumoe.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

2 Kor. 5:10

Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

1 Thes. 5:2

kughengu nongu no akivishi ithi anike Ampeu tsalà ye putho lo küpkami lakhi toi ighi nanie.

IBRIMI 4:13

Lhosüpüa keu kümtsü lakhimu Alhou zülo no küsüpüamoe. Thime kümtsü küzüvemo no lhaphe pe khuu lau ninguw kihikülai tsü moayesa keno pa nhekithe lo ani.

James 4:11

Athiküzümi eno achelimiqo, nongu lakhi no lakhi pipüsa kevilo. Timi khuno no athiküzümi momu achelimi lachile keu tsa pi cheni momu panongu shou küghathabe cheni keno tiye ayeza lachile ghi piani eno küghatha anike. Kughou nono ayeza shou küghathabeni keno, no ye ayeza pape anike kumoe, ikemu tipau küghakütha shou iqa anike.

James 5:7

Tishiaye athiküzümi eno achelimiqo, Ampeu ighimo ke kutólo kheakulu shilo. Alukichiu no kíshi ayeghi lo ameküa tüxatini lhoipeghi penike ghenguno kutuu ghi mütsü ngò tsülu tsütsüghuqo khe acheni keno julo.

James 5:9

Athiküzümi eno achelimiqo nongu lakhi no lakhi lau nhenheshi kevilo tishiaye no ye küghathabeve nani. Küghaküthau ye ahukikha lo puthugho ani!

1 Peter 1:7

Nongu küpülü ye kuchou kepi kimchitsü niye pekuju jeliqo ighike. Hiye ameshoyi khikhi ami lono piti kütsüghǘ pühave chekeu nguno amekushou ke. Eno tishi keu vechewo kughou Jisü Khristo pephe-piye nike no akishé, ajuküvü eno agigihu ithulu peniye ke.

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.

2 Peter 3:4

Panongu no ishi pi nani, “Pa no ‘cheni’ ipi piqhipüa keu khilehi ani kea? Ningu pù-asüqo no thive kethiu, abothu lo pulhosü keu toi thowkha kümtsü titoi aphike.”

Jude 1:14

Enoch khuu Adam lono tiqheli akütsüniu keno, pa no panongu ghili tungkupu tsa kütüghü pe püake: “Julo, Ampeu ye pa gholo paw akimthemi qhethonhe no qhethonhe küghüsü sasü

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 20:12

Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.