1 Kor. 4:12 - Sümi Tiqhelimi Bible

¹² Ningu ye nilikhi ni-u pesü aghime shi mülà acheni. Kughou ningu ghushoni keno, ningu ye kümgha tsü cheni; kughou ningu pishi-pujuni keno ningu ye tipau lo kutuuve cheni;

BAIBEL (BSI)

¹² ninguno ichhe-imeno nipo qechu acheni. Ningu ghushoqhi aye ninguno kumghavetsu cheni, ningu shikighimeqhi aye ninguno kutu uve cheni;

Sumi Naga CL (Re-edited) Bible (BSI)

¹² ningu ye ichheime ni u no mla cheni. Ningu ghusho aye, nino kümghave tsü cheni; ningu shikighime aye nino kutuu cheni;

1 Kor. 4:12 ပူးပေါင်းရင်းမြစ်များ

MATTHEW 5:11

“Kughou I ghenguno timi no nongu thaigha, pishi-puju eno akimiki lono küsakügha jeli kümtsü pesü nongu shou pipukuni keno nongu kümghae.

MATTHEW 5:44

Ikemu I no nongu vilo piani, O ghümi kimiye lo eno khunoqo no nongu pishi-puju cheni keno panongu ghenguno inikhu tsülo,

Luke 23:34

Jisü no pi, “I pù, panongu kipimí qhitsülo, kughengu panongu ye panongu no kiu shi ani keno ithi amoe.” Eno panongu no asaqhi no paw tiphimini kijéluve.

Luke 6:28

nongu ghusho kemi kümgha tsülo, nongu peithapüsa kemi ghenguno inikhu tsülo.

John 15:20

I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

Apostolmi 18:3

eno pama gholo akümlà shi ghi ngove, kughengu pama hutoi pa ghí aphiki tsüghǘ no qechu chekemi ke.

Apostolmi 20:34

Nongu ampi no ithi anie, I u no mülà itha no I likhi I vehupu eno I gholo chekemiqo vehupu kümtsü shitsü acheke.

Apostolmi 7:60

Tisheno pa ye qhoqhünheluve no ighamuku pi, “Ampeu, hipau xiné panoqo shou betsü kevilo.” Pa ye hi pive kethiu thive.

Rommi 12:14

Nongu pishi-puju chekemiqo kümgha tsülo; panongu kümgha tsü penike inikhuni thono ghusho kevilo.

Rommi 12:20

Ike amkhü luni ke züqhulo: “Tsalá O ghümi no müzüthi aghí aye, pa lojí lo; tsalá pa no tüghüthi aghí aye, ye kepu kiula pesü pa tsülo. Hipau shikeu vechewo no ye ami kuchughei hipesü pa kütsü shou lepuku tsü anike.”

Rommi 8:35

Khuu no Khristo kikimiye lono ningu küghüxalu nani kea? Tiye aküküpüna no keo aghime no keo pishi-puju keu no keo püqümiye no keo athokha no keo akümsapu no keo akithipu no kea?

1 Kor. 9:6

Ikeo tiye Barnabas nikujo likhi no xü anikeu ghenguno mülà moayesa keu chipiu ani kea?

2 Kor. 11:8

Nongu gholo mülà che kelo ni ye kütami kukuhouqo lau no akukuphu ithulu cheke, ike pìní aye ni ye nongu qe ani pi kütami ghesüqhi acheke.

Ephesiami 4:28

Khuu no püka cheni keno pükamove moayesa, eno tishini ke züqhulo akümlà shi moayesa, pano likhi pano u peitha no kiuala akivipu kümlà shi moayesa, tishianguno panongu pelo khunoqo aveküsa shi ani keno tipaqo lau kiuala aghí keu pesü küsajelu kepu shilu pelo.

1 Thes. 2:9

Athiküzümi eno achelimiqo, ningu no ghichhe-ghime shi mülà keu nongu ye mütsümishei ithi anie; ningu ye Alhou tsakiviu pesü nongu lau pikülha ake ghuloki lo khiumu pünanishimo keu ghenguno ningu ye putho-pucho mülà acheke.

2 Thes. 3:8

momu ningu ye ame tsümo no khiu chuqupumu chupüamo ke. Tishini ke züqhulo, ningu ghenguno nongu khiu makhomu shipemo nike ghenguno ningu ye aghime shi putho-pucho akümlà shi acheke.

1 Tim. 4:10

Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.

1 Peter 2:23

Kughou panongu no panonguw thogha keu pesü pa shou puku keno, pa ye mjochilemoe; kughou pa no ime akeno, pa ye khumu kichiqhi keu shimoe. Tishini ke züqhulo pa ye pa likhi pa pesü khuu no achipi shi küghathabe cheni keno pa pichebevetsüe.

1 Peter 3:14

Ikemu tsalá nongu no kiu no achipiu keno tipau ghenguno imeve kepu shi aghimu, nongu ye akümghapu ke. “Panongu no kichiqhi keqo lo msà kevilo; nongu shikümsave pe kevilo.”

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

1 Peter 4:19

Ike tishiaye, khunoqo no Alhou pulou kiqi lono ime ani keno panongu ye panonguw pükhübekulu Pulhoküsüu lau pano likhi panongu ikhiphe pesü tsüve no akivi kümlà mülakibe moayesa nani.

Jude 1:9

Ikemu kungumi gholo atou Michael kutólo kughou pa no Moses sükumo ghenguno tüghami sasü kütsala akeno, pa ye tüghami no pipütha ke ghenguno pa likhi pa kiléqhi nikeu akumto shimoe ikemu, “Ampeu no O lomipi nani!” ipi ke.