1 Kor. 4:1 - Sümi Tiqhelimi Bible

¹ Tishiaye, nongu ye hitoi ningu ikhilu kepue: tiye Khristo qemiqo toi eno Alhou no paw tuqhou pephe-piyeve keu pichebeve kemiqo toi ikhilu kepu ke.

BAIBEL (BSI)

¹ Nonguye ningu kughapesu Khristo khopemi eno Alhou wu tuqhoutsa peithakutsumi kepi ningu ithulu kepue.

Sumi Naga CL (Re-edited) Bible (BSI)

¹ Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

1 Kor. 4:1 ပူးပေါင်းရင်းမြစ်များ

MATTHEW 13:11

Pa no khochile, “Kughengu kungugha kükaphuw tuqhou kighithi ye nongu tsüvae, ikemu panongu ye tsü püamoe.

MATTHEW 24:45

“Imaye, khuu no pichebekulu eno alokütsü qeu kea? Tiye khuu ampeu no pa kibo lo aqemiqo shou pichempiu shipe no ado achipi lono panongu achuqu tsüpe keu ke.

Mark 4:11

Jisü no panongu vilo pi, “Alhou kükaphuw tuqhou ye nongu tsüvae. Ikemu khalau akemiqo ghengu ye thowkha kümtsü aholetsaqo lono piani

Luke 1:2

Inahuu thebei shi ithulu kemi eno asütsa pe veküpha kemi no kiu ningu vilo pi keno tipaqo panongu no yeluve.

Luke 12:42

Ampeu no khochile, “Tishiaye khuu no pükhükulu eno alokütsü püghükütsüu kea, tiye ampeu no pa qemiqo jukuto eno ado achipi lono achuqu panoqo kijé tsüpe niye pichebe keu no keshea?

Luke 8:10

Jisü no pi, “Alhou kükaphuw tuqhou ghili ithukulupu pesü nongu tsüvae; ikemu ni ye kütami lau ye kimghi pìye keu lono pi cheni, tishianguno, “ ‘panongu ye ju pülaghi ithumla nani, eno ini pülaghi vethamla nani.’

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

1 Kor. 2:7

Moe, ningu ye Alhou lokütsü pesü asheshu cheni ke, tiye Alhou’w tuqhou küsüpüa keu eno Alhou no azüu no ningu jekipipu ghenguno kimishì pe püakeu ke.

1 Kor. 3:5

Tishiaye Apollos ye kiu shi chekemi kea? Eno Paul ye kiu shi chekemi kea? Panongu ye aqemiqo ke, eno Ampeu no pama lakhi-khi lau akümlà tsüpüa keu kiqi lono panongu vechewo nongu ye pülülu ke.

1 Kor. 4:13

kughou ningu pipüthani keno ningu ye akümtsha shi khochile cheni. Itehi kutólo ningu ye ayeghiqha’w tübatüzü pekütsüpüa keu eno ayeghiqha’w xinexigha toivea ke.

1 Kor. 4:2

Ikehu khunoqo pichetsü ani keno nongu ye pichebekulu shi kimchitsü moayesa nani.

2 Kor. 11:23

Panongu ye Khristo qemiqo keshea? (Ni ye küghüzümi lakhi toi ishi piani.) Ni ye panongu nguno aqeu akiviu ke. Ni ye panongu nguno shishe mülà püani, akughuki lo ghuthu kutomo ilo püani, aloqhi I heqhi pe püani, eno ghuthu kutomo thive ke kumlho shipüani.

2 Kor. 12:6

Tsalá I no qheza nishi anamu, ni ye nikhanighami lakhi shimo nani, kughengu ni ye kuchou tsa pi kepu shi nani. Ikemu ni ye qheza nikeu lono süchileve ani, tishianguno timi khuu pelomu I no kiu mülà cheni momu pi cheni keno ithi akeu nguno alau ye I ghili kümsü pemo niye ke.

2 Kor. 4:5

Kughengu ningu ye nilikhi nighili pesü kütsü chemoe ikemu Jisü Khristo ye Ampeu kepi kütsü cheni, eno ningu ye Jisü je ghenguno nongu qemi shi acheni.

2 Kor. 6:4

Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni.

Ephesiami 1:9

eno pa lokivipu ghola kiqi lono pa no ningu lau Alhou pulou tuqhou khikhi Khristo lono kimiji püa keno tipau ningu lau pephe-piye ke.

Ephesiami 6:19

I ghenguno ghí inikhu tsü alo. Tishianguno kugho-kughomu I no atsa pìní kelo I pelo msàmo no atsakiviuw tuqhou ithilu pe kepu tsaqo I tsüpe niye ke,

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

Kolosiami 4:3

Eno Alhou pelo atsakiviu ghenguno ningu laghi khaqhi tsü penike ningu ghenguno ghí inikhu tsü alo, tishianguno ningu pelo Khristo’w tuqhou ghili pesü asheshulu pe kepu shi, kughengu ni ye hi ghenguno akughuki lo anike.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 3:6

Pa ye anileshi Khristo chineye lukemi shi aghí kepu kumoe, tishimo aye pa ye aqheküza shive no tüghami paphi shi küghaküthapu lo ilove nosake.

1 Tim. 3:9

Panongu ye alolo kighithi mütsümishei shi no aküpülü thonhei keu kuchou hu tsüqüpe moayesae.

Titus 1:7

Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

1 Peter 4:10

Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.