1 Kor. 3:6 - Sümi Tiqhelimi Bible

⁶ I no asübo shosü, Apollos no azü pusǘ, ikemu Alhou no tipau thuwulu pe ke.

BAIBEL (BSI)

⁶ Ino abo shosu, Apollo no azu pusuke, ikemu abo thuwulupe keuye Alhou noke.

Sumi Naga CL (Re-edited) Bible (BSI)

⁶ I no abo shosü, Apollos no azü pusü, ikemu Alhou no thuwulu peke.

1 Kor. 3:6 ပူးပေါင်းရင်းမြစ်များ

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

Apostolmi 18:24

Tishi akelo Alexandria lo xüküami Jewmi lakhi Apollos ipikeu ghí Ephesus lo ighi. Timi hipau ye akighithimi eno Kuchoyesü tsaqütsalei ithi akemi ke.

Apostolmi 19:1

Kughou Apollos no Korinth lo akeno Paul ye alaghi akushuu küdau lono Ephesus lo ighi. Tile pa no küpülümiqo khami kusholu

Apostolmi 21:19

Paul no panoqo sasü petha shi eno pa kümlà vechewo Alhou no Jewkumomiqo gholo kiu mülave tsü akeno chixechilei pìthitsü.

Rommi 15:18

I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

1 Kor. 1:12

Ike I no piakeu ye hike: Nongu dolo khami no, “Ni ye Paul papemi ke”; kütami no, “Ni ye Apollos papemi ke”; khami no, “Ni ye Peter papemi ke”; itaghi khami no, “Ni ye Khristo papemi ke,” ipi akhani ke.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

1 Kor. 3:22

Paul na Apollos na Peter na ayeghiqha na aküxü na akithí na itehi akeu na ighi nikeu pinamu—thowkha kümtsü nonguw ke,

1 Kor. 3:7

Ikehu shosü keu pina azü pusǘ keu pinamu akhoto kumoe, ikemu Alhou khuu no abòqo thuwulu pe cheni keno pa likhi no akhotou ke.

1 Kor. 9:1

Ni ye kuqhopheve kemi ke kumo keshea? Ni ye Apostolmi lakhi ke kumo keshea? Ni ye ningu Mpeu Jisü ithuluva ke kumo keshea? Nongu ye I no Ampeu kümlà shi akeu xathi ke kumo keshea?

Ephesiami 3:17

tishi keu lono aküpülü vechewo Khristo pelo nongu mlo lo pa kungo-a shilu peniye ke. Eno I no inikhu akeu ye nongu pelo kikimiye lo aboqha shiluve eno akuhu qüsüluve peniye ke,

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.