1 Kor. 3:5 - Sümi Tiqhelimi Bible

⁵ Tishiaye Apollos ye kiu shi chekemi kea? Eno Paul ye kiu shi chekemi kea? Panongu ye aqemiqo ke, eno Ampeu no pama lakhi-khi lau akümlà tsüpüa keu kiqi lono panongu vechewo nongu ye pülülu ke.

BAIBEL (BSI)

⁵ Maye, Apollo ye kushikemi eno Paul ye kushikemi kya? Ninguye aqemiqoke,Ampeu no pututa shelo akumlapu kophetsu puani, eno ningu vechewo nonguno pululuke.

Sumi Naga CL (Re-edited) Bible (BSI)

⁵ Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

1 Kor. 3:5 ပူးပေါင်းရင်းမြစ်များ

MATTHEW 25:15

Pütüta no shitsa shi akeu kiqi lono, pa no lakhi vilo ameshoyi jolabo pungu tsü, lakhiu vilo ameshoyi jolabo kini tsü eno lakhiu vilo ameshoyi jolabo lakhi tsü. Tisheno pa ye kicheghüzü shiwuve.

Luke 1:2

Inahuu thebei shi ithulu kemi eno asütsa pe veküpha kemi no kiu ningu vilo pi keno tipaqo panongu no yeluve.

John 3:27

Ike John no khochile, “Timi lakhi ye kungugha lono kiu tsüvea keno tilikhi ithulu nanie.

Apostolmi 18:24

Tishi akelo Alexandria lo xüküami Jewmi lakhi Apollos ipikeu ghí Ephesus lo ighi. Timi hipau ye akighithimi eno Kuchoyesü tsaqütsalei ithi akemi ke.

Apostolmi 19:1

Kughou Apollos no Korinth lo akeno Paul ye alaghi akushuu küdau lono Ephesus lo ighi. Tile pa no küpülümiqo khami kusholu

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

1 Kor. 12:28

Ike Alhou no akukuhou lo hitoi qhipüatsü ani: atüghishi apostolmi, akiniù shi tungkupumi, aküthüu shi kükütsümi, tithiu no akümzapu kümlamì, tithiu no shikipivi ghò tsüpüa kemi, kuphukulumi, saphekulumi eno amili kithé lono pilu kemi.

1 Kor. 16:12

Itehi ye ningu thiküzüu Apollos vehu lo: Ni ye akumto shi pa vilo athiküzümiqo gholo no nongu lau wulo ipi hakite ani. Pa ye itehi wuni keu ighono pulomo no anie, ikemu kughou adokivi ighini keno pa ye wu nani ke.

1 Kor. 3:10

Alhou no küpükini I tsüpüa keu vechewo ni ye aki kishimi alokütsümi lakhi toi aboqha qhapüa tsü ani, ikelo ye kütami khami no tipau shou aki shipuku anie. Ikemu khukhumu aboqha hipau shou shipukuni aye, kutokughoi moayesa nani.

1 Kor. 3:22

Paul na Apollos na Peter na ayeghiqha na aküxü na akithí na itehi akeu na ighi nikeu pinamu—thowkha kümtsü nonguw ke,

1 Kor. 3:7

Ikehu shosü keu pina azü pusǘ keu pinamu akhoto kumoe, ikemu Alhou khuu no abòqo thuwulu pe cheni keno pa likhi no akhotou ke.

1 Kor. 9:17

I no akutoshi no kütsü aye, I ghenguno qesaxu ani; eno I no akutoshi no kütsü aghimo aye, ni ye I shou pükhübe no shipe niye pichetsü keu kümlà likhi shi anike.

2 Kor. 11:23

Panongu ye Khristo qemiqo keshea? (Ni ye küghüzümi lakhi toi ishi piani.) Ni ye panongu nguno aqeu akiviu ke. Ni ye panongu nguno shishe mülà püani, akughuki lo ghuthu kutomo ilo püani, aloqhi I heqhi pe püani, eno ghuthu kutomo thive ke kumlho shipüani.

2 Kor. 3:3

Nongu ye ninguw pichebekümlàw visavili ke eno Khristo lau no ighi keu yèsü lakhi kepi pìye ani. Yèsü tiye akiyezü no yèpüamoe ikemu xü akeu Lhou Ghungu no yèpüani eno tiye atu lipha shou kumo no timi mlo liphaqo lo yèpüani ke.

2 Kor. 3:6

Pa no puloshoqhi akitheu lo ningu pesü pichebekümlà shikulupumi shipeke—tiye yèsü lo yèpüa keu lono kumoe ikemu Aghungu lono ke; kughengu aqau puloshoqhi yèsü hu ye akithipu tsü cheni, ikemu akitheu puloshoqhi lo ye Aghungu no aküxüpu tsü cheni.

2 Kor. 4:1

Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

2 Kor. 4:5

Kughengu ningu ye nilikhi nighili pesü kütsü chemoe ikemu Jisü Khristo ye Ampeu kepi kütsü cheni, eno ningu ye Jisü je ghenguno nongu qemi shi acheni.

2 Kor. 4:7

Ayeghi lo kiní ye ayeghi no mülà keu likoliqo lo qhicheni. Tihutoi, ningu shi phimpi lo Khristo tsakiviu kiní ani. Hipau vechewo Khristo tsakiviu küká ye ningu lau no kumo no Alhou lau no ighi kepi pìye ani.

2 Kor. 5:18

Hipaqo kümtsü Alhou lau no ighike, pa no Khristo vechewo pa likhi pa pesü ningu sasü külashiluve püzü külakishi pichebekümlà pesü ningu tsüke.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

2 Kor. 6:4

Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni.

Ephesiami 3:7

Ni ye pa küká kümlà vechewo Alhou’w küpükini ghò I tsü keu vechewo atsakiviu hipau qemi lakhi shilu ke.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Kolosiami 1:25

Alhou no I pelo nongu lau Alhou tsa kuchopu küsaje penike I pichetsü keu vechewo ni ye akukuhou qeu lakhi shivae.

1 Tim. 1:12

I no ningu Mpeu Khristo Jisü shikimthi ani, pa no akumto I tsüke, pa no pükhübekulu shi ni ikhilu tsü no pa kümlà lo ni süküsü shitsü ke.

1 Peter 4:10

Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.