1 Kor. 3:18 - Sümi Tiqhelimi Bible

¹⁸ O likhi O pishiqhi kevilo. Nongu khiuala no hipau tiqheli küxü ghola kiqi lono alokütsümi kepi kümsü aye, no ye alokütsü shilu nike ghenguno “nikhanigha” shive moayesae.

BAIBEL (BSI)

¹⁸ Timi khumu alikhi ampi pishiqhi kepu kumoe. Nongu gholo khualano paye hipa yeghi gholalo asuqe kighithimi kepi kumsu aghi aye, paye asuqekighithimi kuchou shinike ghenguno mbomzumi lakhi shivekepue.

Sumi Naga CL (Re-edited) Bible (BSI)

¹⁸ Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

1 Kor. 3:18 ပူးပေါင်းရင်းမြစ်များ

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

MATTHEW 18:4

Tighenguno, khukhumu itimi lakhi hipau toi aqhokigheu shiluve keu no kungugha kükaphu lo kümtsü nguno akijeu ke.

Mark 10:15

Kuchou no I no nongu vilo piani, timi khuu no itimi lakhi toive püzü Alhou kükaphu ikhilumo nike no khilemu Alhou kükaphu lo ilo müla nani.”

Luke 18:17

Kuchou no I no nongu vilo piani, timi khuu no itimi lakhi toi Alhou kükaphu ikhilumoni keno khilemu Alhou kükaphu lo ilo müla nani.”

Luke 21:8

Jisü no khochile: “Khuu pelomu nongu pishiqhive pemo nike jukuto alo. Kughengu timi kutomo no I je lono ighino ‘Ni ye pa ke,’ eno ‘Aghuloki hu tovae,’ ipi pükha nani. Ikemu panongu pape wu kevilo.

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Rommi 12:16

Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

1 Kor. 15:33

Nongu pishiqhive pe kevilo: “Aküsàmi lhoküsa no ghushoghili kivi shipüsave cheni.”

1 Kor. 3:17

Timi khukhumu Alhou chineki kütsave aye, Alhou no timi tipau kütsave nani; kughengu Alhou chineki ye akimthe ke, eno nongu kümtsü Alhou chineki tipau ke.

1 Kor. 4:10

Ningu ye Khristo ghenguno anikhami ke, ikemu nongu ye Khristo lono shishe alokütsümi ke! Ningu ye miqemilei kemi ke, ikemu nongu ye akumtomi ke! Nongu ye qhoqhü-gihu ke, ikemu ningu ye thaigha ke!

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

Galatiami 6:3

Khuala no panongu ye kiumu kumomu panongu ye kiuala küghashi kümsü aghí aye, panongu ye panongu likhi panongu pishiqhi anie.

Galatiami 6:7

O likhi O pishiqhi kevilo: Khuu nomu Alhou phimovemlae. Timi lakhi ye pano kiu xusüni keno tipau xolu cheni.

Ephesiami 5:6

Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni.

2 Tim. 3:13

eno küsaküghami ngò timi ghili kishimiqo ye alomo keu lono alomokitheuve nani, eno kütami pishiqhive keu likhi kumo no pano likhi pano pishiqhive nani.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

James 1:22

Alhou tsa ini keu likhi ini no O likhi O pishiqhi kevilo. Atsa no kiu piani keno tipau shilo.

James 1:26

Khuno no pa likhi pa ye achineye lo amlotsüqhiyi kemi ipi kümsü cheni püzü pa mili ghasülu chemo keno pa likhi pa pishiqhi anie, eno pa chineye ye ameküha ke.

1 John 1:8

Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.