1 Kor. 3:10 - Sümi Tiqhelimi Bible

¹⁰ Alhou no küpükini I tsüpüa keu vechewo ni ye aki kishimi alokütsümi lakhi toi aboqha qhapüa tsü ani, ikelo ye kütami khami no tipau shou aki shipuku anie. Ikemu khukhumu aboqha hipau shou shipukuni aye, kutokughoi moayesa nani.

BAIBEL (BSI)

¹⁰ Alhou no kupukini itsukeu peitha puzu aki kishimi shitsami lakhi toi shieno ino aboqha hu qhawoke, ikemu kutamino tipau shou shipuku ani. Pututano paye tipau shou kishi shipuku nikeno jukutokupuyi masakeu ani.

Sumi Naga CL (Re-edited) Bible (BSI)

¹⁰ Alhou no küpükini I tsükeu kiqi lono, aki kishimi shitsami toi I no aboqha qhae, eno kütami no tipau shou shipuku ani. Pütüta no kishi shipuku ani keno kutokughoi lo.

1 Kor. 3:10 ပူးပေါင်းရင်းမြစ်များ

MATTHEW 24:45

“Imaye, khuu no pichebekulu eno alokütsü qeu kea? Tiye khuu ampeu no pa kibo lo aqemiqo shou pichempiu shipe no ado achipi lono panongu achuqu tsüpe keu ke.

MATTHEW 7:24

“Tighenguno I tsa hipaqo chilu no tipaqo pape kemi kümtsü alokütsümi lakhi no atuqu shou pa ki shipuku keu toi ke.

Luke 11:35

Tishiaye O lolo aküvü akeu hu àküzǘ kumo kemo keno jukuto lo!

Luke 21:8

Jisü no khochile: “Khuu pelomu nongu pishiqhive pemo nike jukuto alo. Kughengu timi kutomo no I je lono ighino ‘Ni ye pa ke,’ eno ‘Aghuloki hu tovae,’ ipi pükha nani. Ikemu panongu pape wu kevilo.

Apostolmi 18:27

Kughou Apollos no Achaia lo wu nishi akeno, athiküzümi eno achelimiqo no pa shikumto eno akhopemiqo vilo pa sasǘ tsülo ipi akiyé yètsü. Kughou pa no Achaia tolu keno, Alhou’w küpükini lono küpülümi shiluve keqo lau pa ye akukuphu kijè shilu.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 12:3

Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

Rommi 15:15

Tishiaghi namu ni ye ighono akumto shi thime hami püzüu nongu lau yève keqo hu itaghi pikithe niye ani, kughengu Alhou no küpükini I tsü keu vechewo

Rommi 15:20

Ni ye a-a khilehi no Khristo je chimla aphi keno tilehi atsakiviu pe kütsü nikeu no pülhapuju I kimiji shi acheni. Ni ye kütami khuala no aboqha qhave aghí keu shou shipukuni shichemo ke.

1 Kor. 3:11

Kughengu aboqha khikhi qhavea keno tiye Jisü Khristo ke, tinguno alau ye khunomu aboqha kütau qhamla nani.

1 Kor. 9:2

Ni ye kütami ghenguno ye apostolmi lakhi shi aghimo namu nongu ghenguno ye mütsüqhei no ni ye apostolmi lakhi ke! Kughengu ni ye Ampeu’w apostolmi lakhi ke ipi akeu ye nongu no chishida keu toi amichi shitsü anike.

2 Kor. 10:15

Momu ningu ye kütamiqo no mülave keu lo ninguw kihikütha vecheve ghi aqheküza shichemoe. Ninguw lakuju ye nongu küpülü thuwu akeu lo ningu kümlà alau shi nongu gholo pekholuni keu ke,

Ephesiami 2:20

tiye Khristo Jisü ampi no aboqha-tu atou toi shi no apostolmi eno tungkupumiqo shou aboqha shipuku ke.

Kolosiami 1:29

Hi ghenguno ni ye Khristo küká I lolo mülà akeu shou pükhübe no shishe ichhe-ime mülà acheni.

Kolosiami 4:17

Archippus vilo ishi pilo: “No ye Ampeu no pichebekümlà O tsü keu hu shikhave moayesa nani kepi ithilo.”

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

1 Tim. 4:16

Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

2 Tim. 2:15

Tolukivi thaqhü O likhi O pesü Alhou lau ikhikulupu shini ke pükapütsalo. Akümlàmi lakhi ye kuchou tsa pesü achipi shi hepho-piye keu ghenguno kujove kepu kumoe.

James 3:1

I küsàmi küpülümiqo, nongu kutomo no kükütsümi shive kepu kumoe, kughengu nongu no ithi akeu toi ningu khunoqo no kütsü cheni keno ningu ye kütami nguno alau shi mükamüghai küghathabe nani ke.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.

2 Peter 3:15

Ningu no kimiye chekeu athiküzüu Paul no Alhou no alokütsü pa tsü keu vechewo nongu lau yè keu toi, ningu Mpeu’w kheakulu kiqi ghí xakulu kepi amlo lo qhilo.

Piyeküsü 21:14

Akimthe Mishighüna aliwo kuputu ye aboqha-tu chighikini ae, eno aboqha-tu tipaqo lo Ambeti’w apostolmi chighikini je yèpüae.

Piyeküsü 21:19

Mishighüna liwo kuputu boqha-tuqo lo akughupu-tu jeli kümtsü pesü tünananu shipuku pepüa. Aboqha-tu atüghiu ye jasper-tu no shipüa, akiniù no sapphire-tu, aküthüu no agate-tu no, abidiu no emerald-tu no,