1 Kor. 2:9 - Sümi Tiqhelimi Bible

⁹ Ikemu ishi yèpüa ani: “Anhethi no kiu ithumla aphi keno, akìní no kiu chimla aphi keno, timi mlo no kiu kümsüphe müla aphi keno”— khunoqo no Alhou kimiye cheni keno tipaqo ghenguno pa no thime hipaqo kutò pe qhipüani ke—

BAIBEL (BSI)

⁹ Ikemu kuchoyesulo ishi yepuani, “Timi khunomu ithumla aphikeu, momu chimla aphikeu thime, momu timi mlolo kumsuphemla aphikeu thime, khunoqono Alhou kimiyecheni keno tipanoqo ghenguno Alhou no kutope puani.”

Sumi Naga CL (Re-edited) Bible (BSI)

⁹ Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

1 Kor. 2:9 ပူးပေါင်းရင်းမြစ်များ

MATTHEW 20:23

Jisü no panongu vilo pi, “Nongu ye kuchou no I jikhu lono sholu nani, ikemu ni ye timi lakhi pesü I u ajeu momu I u piyiu qhini ipi pilu kepu chipiu kühae. Hipaqo-a ye I pù no inahuu no khunoqo sala kutò pe qhivetsü akeno tipaqow ke.”

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

Rommi 8:28

Eno ningu no ithi akeu no Alhou ye thowkha kümtsü lo pa kimiye chekemiqo kivipu ghenguno mülà tsü cheni. Panongu ye pa kimiji kiqi lono kulùve kemiqo ke.

IBRIMI 11:16

Tishini ke züqhulo, panongu ye aghakhu akiviu kümsü acheni ke—kungugha toi keu. Tighenguno Alhou ye panongu Lhou ipi kuni keu lo kujomo ke, kughengu pa ye panongu ghenguno mishighüna kutò pe qhive no ake.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

1 John 4:19

Ningu ye pa no atüghishi ningu kimiye keu ghenguno kimiye cheni.